

Kubhadala i-Compensation Fund njengemcashi

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Umtsetfo weSincepheteliso sekuLimala nekuGula kwaseMsebentini  udzinga kwekutsi bacashi babhalise futsi babhadale inhlawulo ku-Compensation Fund.

Ngetulu

Tinyatselo lekumele tilandzelwe

Kusukela nga-Apreli njalo ngemnyaka, i-Compensation Fund itfumela bacashi tatiso teluhlolo letibatisa kwekutsi kumele babhadale malini yemnyaka londlulile. Loku kwentiwa kuwo wonkhe umnyaka, futsi akukhonakali kucagela mbamba kwekutsi ngabe bacashi batatitfola nini tatiso tabo.
Uma bacashi bangalutfoli luhlolo kuwo wonkhe umnyaka, kumele batsintse i-Compensation Fund kutfola kutsi ngabe kunenkinga yini.
Lusuku lolu bacashi kumele babhadale ngalo liphurintwe kusatiso seluhlolo. Kuvame kuba ngekhatsi kwemalanga langu-30 lekutfunyelwe ngawo lesatiso. Kunetindlela letintsatfu bacashi langabhadala ngato.
Ngelisheke:

Bacashi bangatfumela lisheke ku:
The Compensation Commissioner
PO Box 955
Pretoria
0001
Uma bacashi babhadala ngelisheke, kumele batfumele i-remittance advice incenye yesatiso yeluhlolo sikanye nelisheke.
Bacashi kumele baphindze tinombolo terefurensi tabo ngemuva kwelisheke.
Ngekufaka imali ngco:

Bacashi bangabhadala lelinani ngco ku-akhawunti ye-Compensation Fund kunobe nguliphi ligatja le-ABSA.
Siliphi sekudiphozitha kanye nemininingwane yekubhanga ye-Compensation Fund kuhlanganisiwe kulesatiso seluhlolo lesitfunyelwa bacashi. Siliphu sekudiphozitha naso sinenombolo yerefurensi lehlukile lephurintwe kuyo. Uma bacashi basebentisa lesinye siliphu sediphozithi, kumele bacinisekise kwekutsi bafaka lenombolo yerefurensi lehlukile kuleso siliphu.

Ngekubhanga nge-inthanethi:

Uma bacashi babhadala nge-inthanethi, ikhodi yeklayenti lekumele basisebentise itsi 0170151.
Inombolo yerefurensi yinombolo lephurintwe kusiliphu sediphozithi lebasitfola nesatiso seluhlolo. Imininingwane yekubhanga ye-Compensation Fund nayo iphurintiwe kusiliphu sediphozithi.


Ngetulu

Imitsetfo lesebentako



Compensation for Occupational Injuries and Diseases Act, 1993  

Ngetulu

Emazinga ekusebenta nesikhatsi

Umcashi kumele abhadale ngekhatsi kwemalanga langu-30 elusuku lekutfunyelwa ngalo lesatiso.

Ngetulu

Tindleko

Lolusito lwamahhala.

Ngetulu

Emafomu lagcwaliswako

Kute emafomu lagcwaliswako.

Ngetulu

Imininingwane yekutsintsana


