﻿

Sicelo sekwatisa kufa

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Kufa kufanele kubikwe kumunye walabantfu labalandzelako:

emalunga ngco eLitiko leTasekhaya
emalunga e-SAPS, ikakhulu etindzaweni lapho khona kute emahhovisi eLitiko leTasekhaya
bangcwabi lababekiwe futsi labemukelwa ngekwemibandzela yemtsetfo.

Ngetulu

Tinyatselo lekumele tilandzelwe

Dokotela lohlole sidvumbu semufi kumele:

agcwalise sitifiketi sembangela yekufa BI-1663
asinikete sihlobo lesisedvute semufi lesikhona, nobe umgcwabi lobukene nemalungiselelo emngcwabo wemufi
agcobe likhasi 2 la-form BI-1663 lekufaka sicelo.

Nangabe kute dokotela lokhona, sibonelo, etindzaweni tasemaphandeni, umholi wendzabuko utawugcwalisa i-Death Report  .
Lesihlobo lesidvute semufi sitawutsatsa lomculu siwunike umngcwabi lotawubukana nemalungiselelo emngcwabo.
Nangabe lomngcwabi uneligunya lekwemukela tatiso tekufa, kugcwalisa emarejista ekufa nekuniketa imiyalelo yekungcwaba, lomngcwabi utawu:

gcwalisa tigaba letifanele ta-form BI-1663
niketa umyalelo wekungcwaba
yisa lelifomu leligcwalisiwe ehhovisi leLitiko leTaekhaya kuyewubhaliswa kufa nekuniketwa kwesitifiketi sekufa
Ndlulisela sitifiketi sekufa esihlotjeni lesidvute semufi.

Nangabe lomngcwabi ute ligunya lekwemukela tatiso tekufa, angagcwalisa kuphela incenye C ya-form BI-1663.
Sihlobe lesidvute semufinobe lomngcwabi kumele angenise lomculu kunobe nguliphi lihhovisi leLitiko leTasekhaya  kute kuniketwe sitifiketi umyalelwe wekungcwaba nekuchubeka nekubhaliswa kwemculi.
Nangabe sakhamuti nobe umhlali walomphelo eNingizimu Afrika ushonela ngaphandle kweNingizimu Afrika, kushona kwaloyo muntfu kumele kubikwe ehhovisi lelincusa nobe emishini yaseNingizimu Afrika ledvutane. Kumele kungeniswe sitifiketi sekufa lesiniketwe ngulelo live langaphandle.

Ngetulu

Imitsetfo lesebentako

Births and Death Registration Act, 1992  

Ngetulu

Emazinga ekusebenta nesikhatsi

Kuniketwa sitifiketi sekufa lesifinyetiwe ngalelo langa kufakwa sicelo.

Ngetulu

Tindleko

Sitifiketi sekufa lesifinyetiwe: R11
Sitifiketi sekufa lesingakafinyetwa: R50

Ngetulu

Emafomu lagcwaliswako

Certificate of cause of death, BI-1663   asitfolakali kulitiko
Death report, BI-1680 
Burial order, BI-14 

Caphela: Lamafomu akatfolakali ku-website. Ucelwa kutsi utsintse lihhovisi lakho lelitiko lelidvute.

Ngetulu

Imininingwane yekutsintsana


