﻿

I-Crime Stop  08600 10 111

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

I-Crime Stop tikhungo tekushayela tincingo letinyenti letinemsebenti wekucokelela imininingwane emphakatsini macondzana nebugebengu nemisebenti yebugebengu. Emalunga emphakatsi asitwa basebenti besikhungo sekushayela tincingo, laceceshwe kahle kakhulu ekubambeni ingcocoluhlolo yekuphenya/sesha. Loku kukwenta ukhone kwatisa i-South African Police Services   ngemisebenti yebugebengu endzaweni lephephile nakusimondzawo lesingasabisi/tfusani. Ungete watatisa kutsi ungubani uma utsandza. Ema-ejenti ekulandzelela nekwatisa loshaye lucingo akavumeleki ku-Crime Stop kucinisekisa kungatiwa kwalonikete imininingwane. Imininingwane leniketiwe itfunyelwa kubaseshi.

Tikhungo Tekushayela Tincingo Letikhetsiwe te-Crime Stop tichumanisa ngco labaniketa imininingwane nebaseshi ngetincingo lapho khona sisebenti sesikhungo lesishayelwe, loshaye lucingo kanye nebaseshi bayakhona kukhuluma elucingweni bevane ngesikhatsi sinye. Loku kwenta liphoyisa leliseshako likhone kubamba ingcocoluhlolo nalona lobikako .

Caphela: loku kwentiwa ngemvumo yakho kuphela.

Ungaphindze futsi ubike imisebenti yebugebengu ngekusebentisa ngekusebentisa i-website ye-South African Police Service   loluphindze lucinisekise kungatiwa, ngaphandle uma ngabe ufuna kwatiwa.

Ngetulu

Tinyatselo lekumele tilandzelwe

Shayela i-Crime Stop kulenombolo 08600 10 111.
I-ejenti yesikhungo sekushayela tincingo itakukhombindlela ngemibuto letsite futsi uma ngabe imininingwane loyiniketile ingasetjentiswa, utakuniketa inombolo yekhodi leyehlukile.
Uma umniningwane usengakakusiti i-ejenti itakuchazela kutsi kungani futsi ikweluleke ngekutsi ungawutfola umniningwane lowengetiwe.
Imininingwane lengasetjentiswa ichunyaniswa nalenombolo yekhodi lonikwe yona.
Utawucelwa kutsi ushayele i-Crime Stop kulenombolo 08600 10 111 ngesikhatsi lesiniketiwe kutfola kutsi ngabe lemininingwane beyingiyo yini nekutsi futsi uyafaneleka yini kutfola umklomelo. 
Esikhatsini lesitako, i-ejenti itawucocisana nawe kuphela ngalelicala uma ngabe inombolo yekhodi loyiniketile ikahle nekutatisa kwakho kuyahambisana nephrofayili lekumarekhodi.
I-ejenti itawuncamula lucingo ngekushesha nangabe ayiciniseki kutsi lona loshaya lucingo ngulona lowashaya ekucaleni. Lena yindlela yekuvikela futsi kubonisana ngayo.
Nangabe ubika bugebengu nge-elekhthroniki, gcwalisa lifomu lelikwatisa ngetimphendvulo, ku-website ye-SAPS. Inombolo yeriferensi itawukhonjiswa nangabe sewulingenisile lelifomu.
I-Crime itawuniketa imininingwane luphiko lolufanele loluseshako kute lulandzelele, ngesicelo sekubika timphendvulo tekucala ngema-awa langu-24 nemiphumela yelusesho ngekushesha, ngendlela lekungakhoneka ngayo
Nangabe ufanelwe futsi ucele umklomelo, liphoyisa leliseshako litawuncuma lomklomelo futsi lichube lesicelo semklomelo ngekulandzela ngekuya kwe-National Information  2/2001.
Nangabe umklomelo sewulungile, i-Crime Stop itakutsintsa kute ilungise indlela yekukukhokhela.

Ngetulu

Imitsetfo lesebentako



South African Police Service Act, 1995  

Ngetulu

Emazinga ekusebenta nesikhatsi

Njengobe kudzingwa ngemazinga emhlaba Alabavimba Bugebengu, kute inombolo yekutatisa nobe lamanye ema-ejenthi ekulandzelela lavumekile emasangweni e-Crime Stop njengobe loko kungabeka esimeni lesibi kamatima budlelwane bekwetsembeka macondzana nekungatatisi emkhatsini we-SAPS nalowatise bugebengu.
I-Crime Stop itawuniketa imininingwane lenikwe luphiko lebaseshi lolufanele, kutsi lulandzelele, ngesicelo sekuniketa imphendvulo yekucala ngema-awa langu-24 kanye nemphumela weluphenyo masinyane ngendlela lekungakhoneka ngayo.
Nangabe ufanelwe futsi ucele umklomelo, liphoyisa lelingumseshi litawuncuma lomklomelo futsi ichube lesicelo semklomelo ngekuya kwe-National Information  2/2001.
Uma umklomelo sewulungile, I-Crime Stop itakutsintsa kute kwentiwe emalungiselelo ekubhadala.

Ngetulu

Tindleko

Kushaya lucingo usebentisa lucingo lwakaTelkom : Lucingo lekwabelana 
Kushaya lucingo ngamakhalekhikhini : kukhokhiswa ngendlela leyetayelekile yekukhokhisa emaselula.

Ngetulu

Emafomu lagcwaliswako

Awudzingeki kutsi ugcwalise nobe ngumaphi efomu njengobe lelicala libikwa ngelucingo. Nobe kunjalo, ubika licala ku-website ye-SAPS, ngcwalisa lifomu letimphendvulo le-elekthroniki.

Ngetulu

Imininingwane yekutsintsana


