﻿
IMisebenti yeBuncusa
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Ligatja Lelikhulu leteMisebenti yeBuncusa kuLiTiko leTindzaba taNgaphandle lelineliGatja leBuncusa laLabamele iNingizimu Afrika kumave angaphandle liniketa tinsita kuTakhamuti taseNingizimu Afrika letisebenta, tihlala nobe tivakasha kumave angaphandle.

Ngutiphi tinsita letingalindzelwa Takhamuti taseNingizimu Afrika kuTisebenti tebuncusa?

Tinsita letiphutfumako:


Ngutiphi tinsita kulokuhlelwa kwekuhanjiswa kweTakhamuti taseNingizimu Afrika kumave angaphandle ngesikhatsi seludlame lwepolitiki, tinhlekelele temvelo nobe letentiwe ngumuntfu.
Kuchumana nemndeni waseNingizimu Afrika kanye/nobe bangani etinyatselweni teTakhamuti taseNingizimu Afrika kumave angaphandle uma kunesimo lesiphutfumako.
Kuniketwa kweluncedvo lekutfutswa ngaphandle kwekuniketwa imali? Kanye neluncedvo loludzingeka ngalokuphutfumako lwetekulashwa nobe ngetelwati.
Kuchumana netiphatsimandla tesigodzi kubuka kanye nekutfola Takhamuti taseNingizimu Afrika kumave angaphandle, ngaphandle kwetakhamuti letifunwa bamangali kunchubo yetemtsetfo.
Luncedvo lwemindeni ngekuchuba kudluliselwa kwemali kumalunga emindeni lasenkhingeni.
Kuniketwa kwetinsita telusekelo kanye neteluleko kutindzaba tekbanjwa ngenkhani nobe kutfunjwa
Simo salesenteko  kanye nekuphepha kwaletisebenti kutawuba nemtselela kulokukhona kwetfu kuphendvula.



Kugcinwa eluvaleleni:


Kuchumana nemndeni webantfu lababoshiwe nobe baseluvalelweni kumave angaphandle uma ticelwe ngulomuntfu loboshiwe nobe loseluvalelweni.
Kuchuba lokutfunyelwa kwemali levela kumndeni nobe bangani eNingizimu Afrika iya kulona loboshiwe ngekuhambisana nemtsetfo kanye netinchubomgomo yalelive lelibophe lesakhamuti kanye nemitsetfo yeliBhangengodla laseNingizimu Afrika mayelana nekudluliselwa kwemali kumave.
Kuchuba kutfunyelwa kwetincwadzi nemitsi kuTakhamuti taseNingizimu Afrika letiboshwe kumave angaphandle. Loluncedvo luhambisana nekuvunyelwa kanye netindleko letivelako kuLiTiko leTindzaba taNgaphandle kanye nemitsetfo kanye netinchubomgomo kulelive lapho aboshwe khona. Letindleko tiyantjintja ngaso sonkhe sikhatsi.



Tinsita ngekwemtsetfo kanye nangekwe-Notary:


Kuchuba kuniketwa kwemiculu yetemtsetfo kulabamangalelwe kumave angaphandle ngetindlela temtsetfo.
Kuchuba ticela tekudluliswa kwetiboshwa, tincwadzi te-rogatory, ema-edictal citations kanye nebufakazi kulikhomishana ngetindlela temtsetfo.
Kufaka ema-apostilles kanye netitifiketi tekucinisekiswa kwemiculu lesemtsetfweni.
Kuniketwa luncedvo lolungasilo lwemali kulabahlukunyetwe bugebengu.
Kuniketa teluleko, tinkhombandlela kanye nelusekelo kumtali logcine umntfwana nobe umgadzi wemntfwana, ngekubambisana neMmeli weMndeni kutindzaba tekutfunjwa kwebantfwana baseNingizimu Afrika bayiswe kumave angaphandle. Lapho kunebufakazi bekutsi imphilo kanye nekuphepha kwemntfwana kusengcuphekweni, lendzaba ibukwa njengalephutfumako.
Kuniketa luhlu lwebammeli bendzawo.



Letinye tinsita:


Kuncedza kuniketa lamasha emapasipoti lalahlekile, lantjontjiwe, lonakele nobe laphelelwe sikhatsi kumave angaphandle .

Kuniketa imalimboleko lephutfumako lebekiwe .

Kwatisa tihlobo uma kwenteka kushona, kugula lokutfusako nobe kulimala kwe Takhamuti taseNingizimu Afrika. Lusito lolungasilo lwemali nobe teluleko mayelana netidvumbu teBantfu baseNingizimu Afrika labashone kumave angaphandle nato titawuniketwa.

Kucela tiphatsimandla tesigodzi kuphenya kushona lokusolisako kanye nebugebengu lobenteke kuTakhamuti taseNingizimu Afrika.

Kuniketa tinkhombandlela kanye neteluleko nekufakwa kwebantfwana ngaphansi kwemtali ngeLitiko leteNtfutfuko yeteNhlalakahle.

Kuniketa luncedvo kanye netinkhombandlela kulabamele emave angaphandle mayelana netakhamuti tabo letiseNingizimu Afrika.

Kubukana neticelo temnininmgwane nobe kutama kudlulisa lona lofaka sicelo kulomtfombo lofanele.



Ngutiphi tinsita letinganiketwa Tisebenti tebuncusa?

kuhlela kukhishwa ejele
kungenelela kunchubo yasenkhantolo kumave angaphandle
kuniketa teluleko temtsetfo
kungenelela kunchubo yasenkhantolo nobe kucala inchubo yasenkhantolo
kucela tiphatsimandla tesigodzi kutsi tinikete kuphatfwa lokuncono ejele kuBantfu baseNingizimu Afrika
kuphenya licala nobe kushona
kutfola kuhlolwa kwemlandvo webugebengu tihlolela wena
kubhadalela kushiswa, imingcwabo nobe kubuyiswa kwetidvumbu eNingizimu Afrika
kutsatsa umntfwana lotfunjiwe timente wato
kuphocelela sivumelwano sekuhlala nemntfwana saseNingizimu Afrika kumave angaphandle nobe kuphocelela live kutsi lincume ecaleni uma kubangwa umntfwana
kukhokhela tindleko tasehhotela, temtsetfo, tekulashwa nobe naletinye tindleko
kukhokhelwa kwetindleko tekukhenkhetsa
kuchuba umsebenti lowentiwa ma-ejenti ekukhenkhetsa, tinkhapani tetindiza, emabhange, njalonjalo
kukutfolela indzawo yekuhlala, umsebenti nobe imvumo yekusebenta
kugcina tintfo takho nobe kukufunela tintfo letilahlekile
kukutsatsela tincwadzi takho
kukhipha timphesheni kanye netindzuzo tekuvikeleka ngekwenhlalakahle
kuncedza ngalokusemtsetfweni bantfu labanebuve lobubili kulelive lebuve babo besibili.

Ngetulu

Tinyatselo lekumele tilandzelwe

Chumana naLomele iNingizimu Afrika losedvute nobe Ligatja leliPhakeme : IMisebenti yeBuncusa kuLiTiko leTindzaba taNgaphandle ePitoli. Ngekuya ngaloluncedvo lolufunekako, indlela letsembekile yekutiveta kutsi ungubani ingahle ifuneke. Uma ungati kahle, cala ubute ngelucingo kucala.

IMisebenti yeBuncusa isebenta emahora langu-24 ngelusuku, emalanga lasikhombisa ngeliviki. Ekupheleni kweliviki kanye nangemuva kwemahora ekusebenta, luncedvo luniketwa ngekubambisana neNdlu yeNchubo yekusebenta ePitoli.

Ngetulu

Imitsetfo lesebentako

Vienna Convention on Consular Relations  .

Ngetulu

Emazinga ekusebenta nesikhatsi

