﻿

Kufaka sicelo sesitifiketi sekungenisa tjwala eveni

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Sitifiketi Sekungenisa eveni siyafuneka kutsenga imikhicito yetjwala  ite eNingizimu Afrika. Lesitifiketi Sekungenisa eveni nobe ikhophi sitawufuneka ngaphambi kwekutsi umtfwalo ungakhululwa kulesikhungo sekungena.

Umtsengi ufaka sicelo sesitifiketi sekungenisa eveni kanye kuphela kulesikhatsi sekuhlala kwalomkhicito. Ngemuva kwaloko leyo nombolo yesitifiketi sekungenisa eveni ingasetjentiswa uma nje kuphela kwakhiwa, tinchukaca, bukhulu belibhodlela kanye nelebuli kwalowo mkhicito akungantjintji.

Sitifiketi sekungenisa eveni angeke sidzingeke kumikhicito lenetinchukaca tetjwala letingekho ngetulu kweliphesenti linye letsengelwe ngetinjongo tekunatsa futsi ibe yincenye yemtfwalo wemuntfu lofika lapha eNingizimu Afrika, uma kuphela leyo mikhicito


Uma seyiphelele ingadluli kumalitha langu-12 litres ngebunyenti futsi

Kuhloswe kuphela kutsi itawunatfwa nguloyo muntfu, itawuhlala endlini yalowo muntfu futsi bunatfwe tivakashi tabo letingakhokheli.



Ngetulu

Tinyatselo lekumele tilandzelwe

Gcwalisa lelifomu lekufaka sicelo.
Leso naleso sicelo sicelo kufanele sipheleketelwe yisampuli leyakhiwe ngulokungenani yi-750 ml yalomkhicito lokukhulunywa ngawo.

Uma ngabe ngulokungeniswa kusebhodleleni, tfumela isampuli kulelibhodlela leli lekutawutsengiswa ngalo.
Tfumela isampuli yetjwala lobutsengwe ngesheya ngebunyenti ngelibhodlela lelijwayelekile le-750.
Tfumela lesampuli kulelihhovisi le-Division Liquor Products e-Stellenbosch.

Tfumela sitifiketi seluhlatiyo lolwamukelekako lesikhishwe yilabholathri lesemtsetfweni kulelive lapho busuka khona. Uma loku kungekho, le-Division Liquor Products itawenta luhlatiyo lwemakhemikhali kulesampuli.
Uma kuyintfo lengeniswa eveni isebhodleleni, lelebuli kulelibhodlela itawuhlolisiswa kucinisekisa kuhambelana kwayo netimfuneko te-Liquor Products Act, 1989 .
Uma kutsengwe ngebunyenti letinchukaca titawuhlolisiswa. Ilebuli ibukwa nangabe ufaka sicelo semvumo yesitifiketi sekutsengisa.
Leligatja kufanele sitfole inkhokhelo  ngaphambi kwekutsi sitifiketi sekungenisa eveni sikhishwe.
Sitifiketi sekungenisa eveni sitawukhishwa uma lolokucuketfwe kanye nelebuli, uma loku lokutsengwe ngesheya kusebhodleleni, kanye futsi nangabe loku lokutsengwe ngaphandle kukunyenti, kwalomkhicito kuhambisana naletimfuneko te-Liquor Products Act, 1989. Umtfwalo walomkhicito ungabese uyatsengwa ngesheya kwetilwandle.
Niketa lokungenani satiso semahora langu-48 ku-Division Quality Audit ngaso sonkhe sikhatsi uma umtfwalo wetjwala loyo lokhishelwe sitifiketi Sekungenisa eveni, utawungena lapha eNingizimu Afrika.
Uma umkhicito wetjwala ufika eNingizimu Afrika, lona longenise eveni atfole imvumo yekudlula ku-Division Quality Audit yekukhipha lotjwala kulendzawo yesikhungo nobe siteshi sesicukatsi bese ubuyisa lapho afuna khona.

Ngetulu

Imitsetfo lesebentako

Liquor Products Act, 1989  

Ngetulu

Emazinga ekusebenta nesikhatsi

Asikho sikhatsi lesibekiwe salomsebenti.

Ngetulu

Tindleko

Sitifiketi sekungenisa eveni : R125
Sitifiketi sekungenisa eveni : R220
Isampuli yeLuhlatiyo lwalongeniswe eveni: R310
Imali yekuhlatiya ngekuya ngetindleko letijwayelekile tekuhlatiya tjwala 
Uma lona longenisa eveni aniketa le-Division Liquor Products sitifiketi seluhlatiyo lesimukelekako lesikhishwa yilabholathri lesemtsetfweni kulelive lebusuka khona, utawubese akasawukhokheli lo-R290.

Ngetulu

Emafomu lagcwaliswako



Application for an import certificate 

Ngetulu

Imininingwane yekutsintsana


