﻿

Sicelo sebuve kwalongakatalelwa eveni ngekwemtsetfo

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Nanobe ngubani lonemvumo yekuhlala eNingizimu Afrika lomphelo uyafaneleka kufaka sicelo sekuba sakhamuti saseNingizimu Afrika salomphelo ngekusebentisa buve kwalongakatalelwa eveni ngekwemtsetfo ngemuva kweminyaka lesihlanu ahlala seNingizimu Afrika lomphelo.

Nanobe ngubani loshade sakhamuti saseNingizimu Afrika uyafaneleka kuba sakhamutui saseNingizimu Afrika ngebuve kwalongakatalelwa eveni ngekwemtsetfo, ngeminyaka lemibili atfole imvumo yakhe yekuhlala kwalomphelo ngesikhatsi ashada.

Umntfwana longaphansi kweminyaka lengu-21 lonemvumo yekuhlala lomphelo uyafaneleka kuba sakhamuti ngebuve kwalongakatalelwa eveni ngekwemtsetfo masinyane-nje anikwe imvumo yakhe.

Nangabe ufuna imininingwane leyengetiwe, yani ku-website ye Litiko leTasekhaya.

Top

Tinyatselo lekumele tilandzelwe

Gcwalisa forms BI-63 na BI-757 ehhovisi lakho leLitiko leTasekhaya. Faka sicelo esikhungweni seLincusa laseNingizimu Afrika nobe eMishini nangabe ufaka sicelo ukulelinye live.
Yetfula imvumo yekuhlala lomphelo lesebentako nobe incwadzi yekucolelwa.
Ngenisa sitifiketi semaphoyisa sekuba msulwa.
Ngenisa form BI-9 legcwalisiwe nesethi lephelele yebumsulwa ngeminwe netitfombe letimbili tamatisi nangabe ungetulu kweminyaka lengu-15. Loku kwekutsi utfole matisi ngemuva kwekwemukelwa kwebuve bakho kwalongakatalelwa eveni ngekwemtsetfo,
Umtali lonemtfwalo angafaka sicelo egameni lemntfwana losesemncane nanobe ngusiphi sikhatsi, kuphela-nje nangabo lomntfwana uhlala eNingizimu Afrika salomphelo ngalokusemtsetfweni.
Nangabe sicelo sakho semukelwe, utawucelwa kutsi usayine i-Declaration of Allegiance futsi utawunikwa sitifiketi sekuba sakhamuti saseNingizimu Afrika salomphelo ngekusebentisa buve kwalongakatalelwa eveni ngekwemtsetfo lesinenombolo lengu-R.
Lofake sicelo utawunikwa matisi.
Labafake ticelo, letingakaphumeleli batawatiswa ngalokufanele.

Top

Imitsetfo lesebentako

South African Citizenship Act, 1995  

Top

Emazinga ekusebenta nesikhatsi

Kungatsatsa tinyanga letimbili kuya kuletinye, kusebenta lesicelo.

Top

Tindleko

Lolusito lwamahhala.

Top

Emafomu lagcwaliswako

Application for naturalisation, BI-63 
Residence questionnaire, BI-757 
Police clearance certificate, SAP  

Top

Imininingwane yekutsintsana


