

Sicelo sekusiswa kwemntfwana lomnakekelako

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Kisiselwa umntfwana kusho kwemukela ube ngumnakekeli wentfwana ngalokusemtsetfweni ngaphandle kwekuba ngumtali ngentalo, ngekuhambisana netinchubo letihlelekile temtsetfo. Umntfwana lomnakekelako ngumntfwana lotsetfwe kubatali bakhe waniketwa kutsi anakekelwe batali nobe likhaya lelimnakekelako.

Lomntfwana angasiselwa:

Indvondza nemkayo babambisene
Umfelwa nobe umfelokati
Umuntfu longakashadi nobe lochekekelwe ngumshado wakhe
Umuntfu loshadile le umlingani wakho kungumtali walomntfwana
Babe wemvelo wemntfwana lotelwe ngaphandle kwemshado

Umuntfu nobe bantfu labafanelekile kutsi bangasiselwa umntfwana kumele bahlangabetane naletidzingo letilandzelako:

Kumele babe nalokwenele kwekunakekela nekufundzisa lomntfwana
Kumele babe bantfu "labakhulunywa kahle" futsi babe ngulabanemandla nalabafanelekile kutsi bangasiselwa umntfwana
Etimeni lapho khona umntfwana atelwe sakhamuti saseNingizimu Afrika, lofaka sicelo kumele kutsi naye abe sakhamuti saseNingizimu Afrika ngale ndlela-ke abe ngumhlali waseRiphabhuliki.
Nangabe labafaka sicelo abasito takhamiti taseNingizimu Afrika, kumele bafaneleke kutfola buve nobe kumele kutsi babe ngulasevele sebafake sicelo sebuve.

Lusiso lwangasese, lapho khona batali bemntfwana bangakavumeleki kutsi bati batali labasiselwako, lapho umntfwana atewuhlala khona ngemuva kwekusiswa, lulawulwa sigaba-8 futsi kungenteka kuphela nangabe inkantolo yebantfwana iyenetiseka kutsi loku kutawuba yintfo lenhle kakhulu kulomntfwana.

Bantfwana banganiketwa nguMantji wenkantolo yebantfwana ekubeni banakekelwe banakekeli,likhaya lebantfwana, sikolwa setimboni nobe indzawo lephephile, nangabe bakhishwe yiNkantolo yeBantfwana njengebantfwana labadzinga kunakekelwa nekuvikelwa. Nobe kunjalo, lomntfwana nobe bantfwana bangabuyiselwa kumtali nobe batali babo, kulonakekelalo nobe umnakekeli lapho batawuhlolwa ngusonhlalakahle. Esimeni lesinjalo, Litiko Letenhlalakahle likhokha imali yeselekelelo likhokhele batali labanakekela umntfwana.

Lokusisa lokuhlongotiwe kumele kube yintfo letawuba yihle kakhulu kulomntfwana nekunakekelwa kwakhe.


Nangabe ufuna imininingwane leyengetiwe , yani ku-website yeLitiko Letebulungiswa Nekutfutfukiswa kweMtsetfosisekelo.

Top

Tinyatselo lekumele tilandzelwe

Faka sicelo sekusiselwa umntfwana kumabhalane wenkantolo yebantfwana esifundzeni lapho lomntfwana ahlala khona.
Gcwalisa-Form 11: Application for the adoption of a child  lemntfwana ngamunye lofisa kusiselwa yena.
Ngenisa lifomu lakho kanye:

Ikhomphi yamatisi logcotjwe sitembu semtsetfo, yalofaka sicelo ngamunye nesitifiketi sekutalwa nobe matisi lucobo lwakhe lwemntfwana ngamunye losiswako.
Sitatimende lesibhaliwe sebatali labatawunakekela umntfwana, lesiku- Form 12b: Adoption of foster child: statement by foster parent  lesibekako kutsi akafuni kusiselwa umntfwana
Lapho kufanele khona, kudzingeka imvumo lebhaliwe yemtali leku-Form 13: Cosent by parent or guardian to tie adoption of a child  neyemntfwana ku-Form 13: Consent by child to adoption 

Imvumo yekusiselwa kumele itfolwe ku:

Batali bobabili bemntfwana losemtsetfweni
Make wemntfwana longekho emtsetfweni
Nalomntfwana yena ngekwakhe kumele anikete imvumo yekusiswa nangabe ungetulu kweminyaka lengu-10 budzala, futsi nenkantolo kumele yenetiseke kutsi lomntfwana uyasivisisa yini simo nekubaluleka kwalemvumo.
Banakekeli balomntfwana ekhaya lekunakekelwa futsi nemtali longumnakekeli lapho khona umtali lonakekelako angakafaki sicelo sekusiselwa umntfwana. Imvumo yemtali lonakekelako ayidzingeki nangabe ala nobe ehluleka kukhombisa ngekubhala phansi, kutsi mhlawumbe uniketa imvumo ngenyanga yekucala acelwe kwenta njalo numsiti wenkantolo yebantfwana.


Kute imvumo ledzingekako ngaphansi kwaletimo letilandzelako:

Etimeni lapho khona umntfwana ashonelwe batali bakhe futsi longakaniketwa umnakekeli; nobe
Lebuya kunobe ngumuphi umtali-

Ngenca yekungaphili engcondvweni akakwati kutsi anganiketa imvumo;
Lowalahla umntfwana futsi longatiwa nekutsi ukuphi; nobe
Lolimete waphatsa kabi umntfwana nobe lovumele kutsi alinyatwe nobe aphatfwe kabi; nobe
Lobangele kutsi umntfwana akhohliswe ngetemacansi,kutfunjwa nobe kwentiwa ingwadla, nobe lomntfwa atiphatse ngendlela lengakavumeleki;
Le umntfwana wakhe ngekwekubukelwa kwasigaba-16 ekunakekelweni ngumtali lonakekelako nobe ngumntfwana welikhaya lebantfwana nobe sikolwa setimboni nobe



Logodle imvumo yakhe ngaphandle kwetizatfu letibonakalako.

Top

Imitsetfo lesebentako

Child Care Act, 1983  



Top

Emazinga ekusebenta nesikhatsi

Lenchubo yekusetjentwa kalesicelo ivamise kuba yindze futsi iya ngekuba lukhuni kwesicelo.



Top

Tindleko

Nangabe kukhona lofuna kukubuta ungatsintsa bameleli betekusisa, Inkantolo yebantfwana neMahhovisi Ekutfutfukisa Kwetenhlalakahle.



Top

Emafomu lagcwaliswako

Application for the adoption of a child 
Consent by parent or guardian to tie adoption of a child 
Withdrawal of consent to adoption by parent or guardian of child 
Adoption of foster child 



Top

Imininingwane yekutsintsana


