﻿
Macondzana newebhusayithi


Injongo kanye nenhloso yewebhusayithi
Umniningwane locuketfwe kulewebhusayithi
Tilwimi
Letintfo tewebhusayithi
Tikhatsi tekwengetwa kwemniningwane
Buniyo bemniningwane
Kuhleleka kwemiculu
Ngabe udzinga lusito ngetinkinga lohlangabetane nato kulewebhusayithi?
Imitsetfo nemibandzela

Injongo kanye nenhloso yewebhusayithi

Injongo yewebhusayithi yetiNsita taseNingizimu Afrika kutsi kuniketwa umtfombo munye wemniningwane wetinsita letiniketwa nguhulumende waseNingizimu Afrika. Inhloso kutsi kuncishiswe ligebe lelikhona phakatsi kwalabahlonyisiwe nalabangakahlonyiswa, iminotfo yekucala neyesibili. Lewebhusayithi ikungenelela lokubalulekile lokucondziswe ekucinisekiseni kutsi takhamiti tiyakhona kuchumana nahulumende.

Basebentisi labahlosiwe balewebhusayithi ngebantfu baseNingizimu Afrika kuto tonkhe tinceye telive, emabhizinisi aseNingizimu Afrika anyalo nobe latawuba khona nobe tinhlangano, kanye netakhamiti netinhlangano letiphuma kulamanye emave letifuna tinsita tahulumende waseNingizimu Afrika.

Umkhakha lobalulekile webasebentisi ufaka ekhatsi tikhungo letifana ne-Multi-purpose Community Centres , Community Development Workers  kanye ne-Batho Pele Gateway Call Centre, letitawusita ekwelekeleleni kusetjentiswa kwalewebhusayithi kulabo labangakhoni kusebentisa i-Inthanethi.

Umniningwane locuketfwe kulewebhusayithi

Umniningwane ngetinsita tahulumende

Lewebhusayithi icuketse umniningwane lomayelana netinsita tahulumende letiniketwa ezingeni lahulumende wavelonkhe.

Umniningwane wetinsita wehlukaniswe ngetinhlobo tetinsita letintsatfu:

Tinsita tebantfu: tinsita tetakhamiti taseNingizimu Afrika ngekuya ngetehlakalo temphilo
Tinsita tetinhlangano: tinsita leticondzene netinhlangano kanye nemabhizinisi
Tinsita tebantfu bangaphandle: umniningwane wetakhamiti letiphuma kulamanye emave labadzinga tinsita letitsite kuhulumende waseNingizimu Afrika.

Letigaba ngasinye tihlelwe ngendlela lecondzane nekulandzelana kwetehlakalo temphilo . Letehlakalo temphilo tiphindze tihlelwe ngekulandzela tigaba temphilo.

Umniningwane welusito ngalunye uhlelwa ngekulandzela imikhakha lesemcoka lesikhombisa, inchazelo, tinyatselo lekumele tilandzelwe, imitsetfo lesebentako, emazinga ekusebenta nesikhatsi; tindleko, emafomu lagcwaliswako, kanye nemininingwane yekutsintsana.

Umniningwane lohlobene

Lesigaba sewebhusayithi, lesikhonjiswe ku-navigation bar lesesandleni sekudla, sicuketse emalinki emawebhusayithi lahlobene naleso sehlakalo semphilo.

Tilwimi

Loluhlobo lwe-website lukhona ngetilwimi letilishumi nakunye, lekungi-English, i-Afrikaans, Sindebele, Sixhosa, Sizulu, Sipedi, Sisutfu, Sitsonga, Sivenda, neSiswati neSitswana.

Umniningwane welusito ucalwe wabhalwa ngesiNgisi, emva kwaloko sewuhunyushelwa kuletinye tilwimi. Umniningwane wetinsita kuletinye tilwimi ufakwa uma ngabe sewuhunyushiwe.

Letintfo tewebhusayithi

Sebentisa likhasi le-contact us  kufaka umbono nobe kubuta ngewebhusayithi yetiNsita taHulumende.

Ilinki ye www.gov.za lenta kutsi ufinyelele ekhasini lekungena ku-South African Government Online, lelenta kutsi ufinyelele kulewebhusayithi  kanye newebhusayithi yeMniningwane waHulumende .
Libalave lewebhusayithi liniketa ngetitfombe tesakhiwo sewebhusayithi. Lihleleke ngekulandzelana, kwehlukanisa umniningwane welisayithi ngemikhakha yetihloko letitsite. Loku kwenta kutsi ukhona kutatisa mayelana sakhiwo salokucuketfwe iwebhusayithi.
Likhasi lekhaya liniketa luhlu lwetinsita letifinyeleleka kakhulu. Letindzawo tekungena tiniketa kufinyeleleka kwetinsita tekucala letisihlanu letivakashelwa basebentisi. Loluhlu lubekwa ngekulandzela emanani emakhasi lavakashelwe.
Libhokisi lekusesha liyatfolakala kuwo wonkhe emakhasi kuwebhusayithi. Uma ufaka lithemu lekuseshwa, lewebhusayithi yonkhe itawuseshwa lamagama. Ungaphindze wente nelusesho loluphambili  ngekukhetsa ilinki Yelusesho loluphambili.
Lomsebenti wekusesha usesha umniningwane kulamanye emawebhusayithi ahulumende. Emalinki emawebhusayithi angaphandle akhonjiswa ngemagama latsi 'outside link – opens in new window'  lokutawuvela ebhokisini uma ngabe i-cursor yakho ihanjiswa ngetulu kwelinki. Iwebhusayithi itawuvula lifastela le-browser lesha.

Tikhatsi tekwengetwa kwemniningwane

Lewebhusayithi yengetwa ngemniningwane lomusha ngato tonkhe tikhatsi. Inchubomgomo yetfu kutsi sinikete umniningwane ngalesikhatsi utfolakala. Kodvwa, batfutfukisi bewebhusayithi yetiNsita taHulumende angeke bacinisekise kutsi umniningwane loshicelelwa kulamanye emawebhusayithi lesiwahlanganisako wesikhatsi sanyalo. Buka iMitsetfo neMibandzela, par. 4.3.

Buniyo bemniningwane

Ematiko ahulumende ngiwo ebanikati bemniningwane wabo kuwebhusayithi. Lomsebenti waniketwa baphatsi betekuchumana bematiko, lekungibo lababukane nemniningwane loshicelelwa kulewebhusayithi.

Luphiko lweTekuchumana lwaHulumende  lubhekene nekuphatfwa konkhe kanye nekuhlelenjiswa kwetingcikitsi leticuketfwe kulewebhusayithi.

Kuhleleka kwemiculu

Kuhleleka lokukhulu kwemniningwane kulewebhusayithi kwentiwe i-HTML. Kodvwa-ke, imibhalo yemiculu ye-PDF  iyaniketwa kute abe ngendlela lengiyo angaguculwa.

Kuvula imiculu ye-PD, udzinga kuba ne-Adobe Acrobat Reader 4 nobe ngetulu lefakwe kukhompyutha yakho. Itawuvula ngco imiculu ku-browser yakho.

Kuvame kutsatsa sikhatsi lesidze kuvula imiculu ye-PDF. Uma kunjalo, sinconota kutsi uyikhiphele (download kukhompyutha yakho bese uyivulela lapho.

Emacebo ekukhiphela imiculu kukhompyutha yakho:

Uma ngabe usebentisa i-Internet Explorer njenge-browser yakho:

Nge-mouse yakho, chafata kwesekudla kumculu lofuna kuwukhipha .
Ku-drop-down menu, khetsa 'Save target as'.
Ku-window ye 'Save as', khetsa indzawo ku-hard drive yakho lofuna kugcina kuyo lomculu bese uchufata libhathini la'Save'. Lifayela litawukhishelwa endzaweni loyikhetsile.
Vula sisetjentiswa se-Acrobat Reader bese uvula imiculu loyikhiphile .

Uma usebentisa i-Netscape njenge-browser yakho:

Cindzetela libhathini la-shift, bese nge-mouse yakho uchafata kwesencele kulinki  kumculu lofuna kuwugcina .
Ku-window ye'Save As' khetsa indzawo ku-hard drive yakho lofuna kugcina kuyo umculu bese uchafata libhathini la 'Save'. Lifayela litawukhishelwa endzaweni loyikhetsile.
Vula sisetjentiswa se-Acrobat Reader bese uvula imiculu loyikhiphile .

Ngabe udzinga lusito ngetinkinga lohlangabetane nato kulewebhusayithi?

Sicela usitsintse  uma uhlangabetana netinkinga ngalewebhusayithi.


