Imphilo nekuphepha emabhzinisini lamancane
Imphilo kanye nekuphepha kumayelana nani?
Kumayela nekuvikela bantfu kutsi bangalimali noma bangaguli emsebentini ngekutsi bacaphele bente indzawo lephephile yekusebentela.
Ingabe imphilo nekuhepha kwebantfu kuvikelwa kanjani?
Kunemitsetfo lefuna tsina sonkhe singatifaki noma sifake labanye engotini. Lemitsetfo ikhona kute ivikele umphakatsi etingotini talapho  kusetjentelwa khona.
Ingabe imitsetfo yetemphilo nekuphepha iyasebenta nasemahizinisini lamancane?
Yebo, imitsetfo yetemphilo nekuphepha isebenta kuwo wonkhe embhizinisi noma ngabe mancane kangakanani. Iphindze isebente nakubantfu labaticashe ngekwabo / labatisebentako
Ngumuphi umtsetfo losebentako?
Umtsetfo wetemphilo kanye nekuphepha emsebentini nombolo 85 wa 1993.
Ngubani lobukene nekwenta kanye nekucinisekisa kutsi iyalandzelwa imitsetfo yetemphilo kanye nekuphepha?
Litiko letebasebenti ngilo lelibukene nekwenta imitsetfo yetemphilo kanye nekuphepha lapha eveni lakitsi. kunebahloli lababekwa litiko letebasebenti kucinisekisa kugcinwa nekusetjentiswa kwemitsetfo yetemphilo nekuphepha.
Ingabe bahloli bentani?
Bavakashela tindzawo tekusebentela bahlole kutsi ingabe bantfu bayayilandzela yini lemitsetfo lebekiwe. Baphenya tentakalo letitsile kanye netikhalato. 
Baphindze bakusite kutsi ucondze loko lokumele ukwente. Bacinisekisa kulandzelwa phindze bacinise nesandla lapho kunekuphulwa khona kwemtsetfo lokukhulu
Yini lokumlwe yentiwe uma kulimala kwenteke emsebentini?
Umcashi noma umuntfu loticashe yena ngekwakhe kumele ayobika leyo ngoti elitikweni letebasebenti. Leyo ngoti kumelwe ibikwe ngekushesha ngaso leso sikhatsi icedza kwenteka ikakhulu umangabe ibucayi. Kungakapheli emalanga lasikhombisa.
Ingabe temphilo nekuphepha tiyalawuleka endzaweni yakho losebentela kuyo ?
Kute ukwati kubeka imigomo khona utokwati kulawula ematuba etingoti letingenteka, kumele wente kuhlolela ematfuba ekubakhona kwetingoti, utfole lwati ngematfuba lakhona etingoti lokungenteka tibe khona letichumene nendzawo lokusetjentelwa kuyo. Tinyatselo letibalulekile kumele tibekwe kuvikela lamatfuba aletingoti uma atfolakele.
Kuyini kuhlola ematfuba etingoti letingenteka ?
Kungukuhlola noma kucwaninga ngekucophelela kutsi yini lekhona endzaweni yekusebentela lengaba yingoti noma ilimate banftu.
Ngumaphi ematfuba etingoti kanye nekulimala lokungenteka emsebentini?
Manyenti ematfuba etingoti lakhona emsebentini, letibonelo letilandzelako nguletinye tato :
•	Kushelela noma kuwa emsebentini, loku ngulokuvamile kulimala emsebentini lokwenteka kuto tonkhe tinhlobo temisebenti
•	Emakhemikhali
•	Kuwa etulu (isib: emaleleni) 
•	Kuphuka, kwenyela kanye nebuhlugu lokubangelwa kusebenta ngetandla kuphakamisa imitfwalo kanye nekusebentisa emandla emtimba 
•	Umsindvo 
•	Kudlidlita ikakhulu lapho bantfu basebenta ngematfulusi lasebenta ngetandla 
•	Gesi emsebentini 
•	Imililo. 
Umcashi noma umuntfu lotisebentako unemtfwalo wemfanelo kucinisekise kutsi akekho umuntfu lolimalako noma atsintfwe ngulokwentiwa emsebentini.
Basebenti nabo kumele bacinisekise kutsi akekho umuntfu lolimalako ngenca yekunganaki noma kungafununi kubambisana nemcashi.
