Indvuna igezwe ngekungatiphatsi kahle 

Indvuna yakucala yetemfundvo yaseLimpopo  Limpopo , Dkt Aaron Motsoaledi, ugezwe ligama lakhe ngekungatiphatsi kahle Ngumvikeli wesive  Lawrence Mushwana ngekulandzela luphenyo ngetinsolo tekusebentisa kabi sikhundla nekungagcini tetsembiso.

Kusolelwa kutsi uma asaseyinhloko Yelitiko Letemfundvo lesifundza, Dkt Motsoaledi bekatsandza labanye baphakeli befenisha yesikolo nemaklasi labomahamba nendlwana lawa bewacashwe ngesicelo sakhe kutsi banikete imphahla Etikweni. 

Ummangali ubuye asolelwe kutsi baphakeli bebabangani baDkt Motsoaledi nekutsi utfole  “sipho lesibitako” lesiyimoto kumunye wabo.

Ngekusho kwemmangali, Litiko lisolelwa kutsi lenta ngeticondziso taDkt Motsoaledi, alizange linake Imitseshwana Yebaphatsi Labaphakela ngetinsita, lekhishwe Ngekwemtsetfo Wekuphatfwa Kwemali Yesive (PFMA).

Uma luphenyo litfola kutsi letinsolo Tendvuna naletinye tikhulu telitoko atisilo liciniso, lubuye lwaveta kutsi Litiko belingenayo inchubomgomo  yebaphakeli betinsita, ledzingwa yi- PFMA.

“Kuhluleka kwelitiko kutfutfukisa nekwenta Luhlelo Lwekuphatsa Labaphakela Tinsita luphumelele futsi lusebente, njengalokudzingwa yi-PFMA kuludzaba lwesikhalo lesikhulu,” kwasho Adv. Mushwana.

Waphakamisa kutsi Ltiko lihambelana ne- PFMA, litfutfukisa libuye ligcine luhlelo lwekuphakela lolufanele futsi lolulungile, lolulingene, lolusebaleni, loluchudzelanako nalolunciphisa tindleko. 

