Umfelokati utfola imali yakhe ngemuva kwekungenelela Kwemvikeli Wesive

Umfelokati walobekasebenta Emalini Yesincesitelo utfole tinzuzo  tempesheni lephelele temyeni wakhe lowashona kuphele inyanga ngemuva kwekungenelela Kwemvikeli Wesive  Lawrence Mushwana.

Lihhovisi Lemvikeli Wesive (OPP) limise luphenyo loluticalele lona ekuphenyeni tinsolo tekwephuta kwekukhokhelwa kwetinzuzo tempesheni Yimali Yempesheni Yebasebenti Bakahulumeni (GEPF) Nemali Yesincesitelo kummamgali, Nkt M. du Toit. 

Loku kube ngemuva kwekufika etindlebeni te- OPP kutsi Nkt Du Toit, lobekangumsebenti Wemali yesincesitelo, bekufanele atfole tinzuzo letimfanele, ngemuva kwetinyanga letintsatfu kushone umyeni wakhe

Letinzuzo betingakabhadalwa nanoma ahambise tonkhe tincwajana letimiswe Ngumtsetfo Wempesheni Yebasebenti Bakahulumende Nemali Yesincesitelo. 

Tinzuzo letimfanele bekuyimpesheni lebuya ku- GEPF nemali yelikhefu lebuya Etikweni Letemisebenti, lapho kuwela khona Imali Yesincephetelo..  

Eluphenyweni kwatfolakala kutsi kuphuta kwabangelwa liphuzu lekutsi umufi bekangakabhaliswa njengalobhadala intsela lecondzene Nemtsetfo Wentsela Yenzuzo wanga 1962 Income Tax Act of 1962. Lomtsetfo udzinga kutsi wonkhe umuntfu lotfola inzuzo lenentsela emalini lenganga R120 000 ngemnyaka ngemnyaka wekuhlolwa kwekubhadalwa kwentsela yenzuzo.  Lizinga lemholo wemufi lengca lesilinganiso. 

Ngalesizatfu, umyalo wentsenga locondzene netinzuzo temngcwabo taliwa uma tihanjiswa Ephikweni Lwemalingena LwaseNingizimu Afrika  (SARS) yi- GEPF, nanoma ummangali kusolelwa kutsi akazange atfole incwadzi lebuya ku-GEPF lemtjela ngenchubekelembili.

Macondzana netinzuzo telikhefu, Litiko Letemisebenti libuye latfolwa kutsi alikalandzeli timiso Tesisombululo Sesigungu Lesichuba Kucocisana Semisebenti Yahulumeni sanga 2000 (Public Service Coordinating Bargaining Council’s Resolution 7 of 2000).

Lesisombululo sincuma kutsi ngesehlakalo sekushona, imali yelikhefu kufanele ibhadalwe kulabazuzako labakhetsiwe uma kute, kutfanele ibhadalwe kulashade naye noma umlingani waloshonile. 

Ngemuva kwekungenelela kwe-OPP, i-SARS yacela kubonana Nankhosikati  Du Toit. Ngemahore langu 24.  Nkt Du Toit nemyeni wakhe loshonile bebabhaliswe njengebakhokhi bentsela neluhlolo lobelusele lahanjiswa, lelivula indlela yekubhadalwa kwetinzuzo letimfanele.

Tinzuzo tempesheni tatfolakala ngemuva kute akhiphe imali yelikhefu yabhadalwa ku-akhawunti yelifa lemufi. 

“Lapho ticondziso tentsela taliwe yi- SARS, i-GEPF kufanele icinisekise kutsi labazuzako ngekushesha kute bakhone kuchumana nelihhovisi le- SARS kulungisa letinkinga,” Adv. Kwasho Mushwana etiphakamisweni takhe. 

Wabuye wasekela kutsi Litiko Letemisebenti licinisekisa kutsi sincumo Sesisombululo nombolo 7 sanga 200 macondzana nekubhadalwa kwemali yelikhefu yemsebenti loshonile tiyahlonishwa. 

 

    

