﻿
Kushona kwetakhamuti taseNingizimu Afrika ngaphesheya
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

LiTiko leTindzaba taNgaphandle, ngekubambisana kanye nalona lolimele kulamanye emave angaphandle, liniketa lusito lekuhlela kanye neteluleko kulesihlobo seSakhamuti saseNingizimu Afrika lesishona ngesheya.

Ngutiphi tindlela letikhona kulesihlobo sesakhamuti lesishonile saseNingizimu Afrika?

Lona lomele iNingizimu Afrika utawuncedza lesihlobo kutfola tilinganiso tetindleko kute ente sincumo lesivakalako.

Uma usebentisa masingcwabisane, kubalulekile kuveta kutsi imisebenti yabo kufanele ikhokhelwe.

Kwenta kuyahluka kusuka kulinye live kuya kulelinye, kantsi loku kutawuba nemtselela kulenchubo. Lona lomele iNingizimu Afrika nobe LiTiko leTindzaba taNgaphandle utawuniketa inkhombandlela.

Indlela 1: Kubuya kwesidvumbu salona loshonile eNingizimu Afrika

Uma umtimba ubuyiswa lapha ekhaya, kunemibandzaela lecatsa yalokukutfutswa kwawo ledzingwa LiTiko leteMphilo. Kulungiswa kwalesidvumbu salona loshonile kanye netindleko tekutfutsa lomtimba kwenta kutsi lena kube yindlela lebita kakhulu.
Ngaphambi kwekutsi sente sincumo, lesihlobo kufanele sitfole tilinganiso tetindleko kubomasingcwabisane kulelive langaphandle, ngaphandle nangabe lona loshonile uvikelwe ngumshwalensi. Lona lomele iNingizimu Afrika angancedza.

Indlela 2: Kushiswa nekubuyiswa kwemilotsa eNingizimu Afrika

Sihlobo singakhetsa kushiswa nekubuyiswa kwemilotsa.
Masingcwabisane kulelive langaphandle anganiketa lomsebenti. Lona lomele iNingizimu Afrika angahambela lokushiswa uma lesihlobo sifuna fakazi ngalomsebenti kantsi futsi singakhoni kuya ngekwaso.
Imilotsa iphatfwa mayelana nemitsetfo yetentsela yesigodzi yalelive langaphandle.

Indlela 3: Kungcwatjwa lapho ashonele khona

Sihlobo singakhetsa umngcwabo kutsi wentiwe kule live langaphandle.
Masingcwabisane kulelive langaphandle anganiketa lomsebenti. Lona lomele iNingizimu Afrika angahambela lomngcwabo uma lesihlobo sifuna fakazi ngalomsebenti kantsi futsi singakhoni kuya ngekwaso.
Masingcwabisane uniketa lesihlobo ngalendzawo lekungiyo lapho litfuna litfolakala khona.

Indlela 4: Umngcwabo weluhlwemphu

Uma lesihlobo singeke sitfolakale nobe singeke sikhone kukhokhela letindlela letingenhla, umngcwabo weluhlwemphu ungacelwa.
Tiphatsimandla tesigodzi tingcwaba lesidvumbu salona loshonile mahhala. Lona lomele iNingizimu Afrika angahambela lomngcwabo uma lesihlobo sifuna fakazi ngalomsebenti kantsi futsi singakhoni kuya ngekwaso.
Lesiphatsimandla sesigodzi siniketa lesihlobo ngalendzawo lekungiyo lapho lelitfuna likhona.

Ngetulu

Tinyatselo lekumele tilandzelwe

Chumana nemshwalensi walona loshonile uma ngabe bebavikelwe ngumshwalensi welukhenkhetfo. Uma kungekho njalo, khetsa yinye yaletindlela letivetwe ngenhla.
Uma sewuncumile ngendlela loyincomako, sayina i-afidavidi bese uyitfumela ku-Chief Directorate: Consular Services kuLiTiko leTindzaba taNgaphandle.
Imiculu lelandzelako iyadzingeka:


Imiculu yekungenisa lapha ekhaya nobe kutfumela ngaphandle sidvumbu salona loshonile  kanye nekuhanjiswa kwesidvumbu salona loshonile lapha eNingizimu Afrika:


Sitifiketi sekushona
Matisi nobe ipasipoti
Sitifiketi Sekugcina sidvumbu sisesimeni lesikahle
Incwadzi lesuka kulilunga lemndeni lelicela kungeniswa lapha ekhaya nobe kutfunyelwa ngaphandle
Kutoligwa lokucinisekisiwe uma lemiculu ingekho ngeSingisi
Incwadzi lechazako levela eNdlini yeMancusa nobe masingcwabisane lefaka ekhatsi lemininingwano lelandzelako:


Ligama lalona loshonile
Lusuku lashone ngalo
Imbangela yekushona
Live lapho ashonele khona
Indzawo lapho ashonele khona
Tinchukaca tekuchumana letigcwele kufaka ekhatsi emakhodi endzawo.



Akukho incwadzi yemvumo lefunekako kungenisa imilotsa yemitimba leshisiwe lapha ekhaya.
Imiculu ledzingekile kukhipha nekutfumela ngaphandle sidvumbu salona loshonile:


Matisi nobe ipasipoti
Sitifiketi sekushona
Sitifiketi Sekugcina sidvumbu sisesimeni lesikahle
Incwadzi lesuka kulilunga lemndeni lelicela kubuyiswa kwesidvumbu
Kutoligwa lokucinisekisiwe kufanele kufakwe uma lemiculu ingekho ngeSingisi
Incwadzi lechazako levela eNdlini yeMancusa nobe masingcwabisane lefaka ekhatsi lemininingwano lelandzelako:


Ligama lalona loshonile
Lusuku lashone ngalo
Imbangela yekushona
Live lapho ashonele khona
Indzawo lapho ashonele khona
Tinchukaca tekuchumana letigcwele kufaka ekhatsi emakhodi endzawo.


Imiculu kudzingekile for kukhipha and kungenisa lapha ekhaya sidvumbu salona loshonile:


Incwadzi lechazako levela eNdlini yemancusa nobe masingcwabisane, kufanele ifake ekhatsi lemininingwane lolandzelako:
Ligama lalona loshonile
Lusuku lashone ngalo
Indzawo lapho ashonele khona
Indzawo yekungcwatjwa kabusha 
Tinchukaca tekuchumana letigcwele kufaka ekhatsi tinombolo tekuchumana lekungito kanye nemakhodi efeksi
Sitifiketi sekushona 
Incwadzi lesuka kulilunga lemndeni lelicela kugutjwa kwesidvumbu
Uma ematfuna kungumhlaba lophetfwe ngasese, incwadzi yemvumo levela kumniyo wendzawo kuvumela lokungcwatjwa nobe kugutjwa kwesidvumbu idzingekile. Nobe imvumo kufanele iniketwe ivela kulesiphatsimandla lesifanelekile sib. umlawuli wematfuna, Masipala Wesigodzi weSifundza Setemphilo.

Ematfuna langatiwa:


Sicelo lesivela kunkhapani nobe masingcwabisane kufanele ifake umniningwane lolandzelako:


Indzawo lapho lelitfuna litfolakala khona
Emakhophi ekukhangisa kuliphephandzaba lelikhangisa lokutfolakala kwalamatfuna 
Indzawo yekungcwatjwa kabusha
Uma ematfuna akumhlaba lona buniyo bawo bungasese, incwadzi yemvumo levela kumniyo wendzawo kuvumela lokungcwatjwa nobe kugutjwa kwesidvumbu nobe imitimba kudzingekile
Tinchukaca tekuchumana letigcwele kufaka ekhatsi emakhodi endzawo
Imiculu ledzingekile kukhipha nekushisa sidvumbu salona loshonile
Matisi nobe ipasipoti
Sitifiketi sekushona
Incwadzi lesuka kulilunga lemndeni lelicela kugutjwa nekushiswa
Incwadzi yemvumo levela kumniyo wendzawo levumela kugutjwa kwesidvumbu, uma lelitfuna likumhlaba lonebaniyo. Imvumo kufanele iphindze iniketwe levela kusiphatsimandla lesifanele, sib. umlawuli wematfuna, Masipala Wesigodzi weSifundza Setemphilo
Kutoligwa lokucinisekisiwe kufanele kufakwe uma lemiculu ingekho ngeSingisi
Incwadzi lechazako levela kuMasingcwabisane kufanele ifake ekhatsi:


Ligama lalona loshonile
Lusuku lashone ngalo
Imbangela yekushona
Indzawo lapho ashonele khona 
Tinchukaca tekuchumana letigcwele kufaka ekhatsi emakhodi endzawo.




Ngetulu

Imitsetfo lesebentako

Regulation R2438 of 30 October 1987, paragraphs 9 and 10 .

Ngetulu

Emazinga ekusebenta nesikhatsi

LiTiko leTindzaba taNgaphandle litawuphendvula ngekhatsi kwemahora langu-24.

Ngetulu

Tindleko

Luncedvo loluvela kulitiko kanye nalona lolimele kulelive langaphandle alukhokhelwa, kodvwa imisebenti leniketwa ngubomasingcwabisane kufanele ikhokhelwe.

Ngetulu

Emafomu lagcwaliswako

Akukho emafomu lekumele agcwaliswe.

Ngetulu

Imininingwane yekutsintsana

Umndeni waleSakhamuti saseNingizimu Afrika lesishonile eveni langaphandle kufanele uchumane naLona lomele iNingizimu Afrika losedvute. Nobe lokungenani li-Chief Directorate: Consular Services kuliTiko leTindzaba taNgaphandle lingatsintfwa.

Lomele iNingizimu Afrika losedvute.
I-Chief Directorate: Consular Services kuLiTiko leTindzaba taNgaphandle ePitoli.


