Ingcikitsi
Ingcikitsi
INingizimu Afrika itsatse emagcatsi lamanyenti isuka kulingemuva layo lebelingafaki wonkhe umuntfu futsi libandlulula ngenca yebulili, umbala nenkholelo. Lelive seloku lisendleleni leya phambili ngekucinisekisa buntfu bakitsi. Kuloluhambo lolucondze ebuntfwini, kunemasiko lamasha emalungelo eluntfu nekuhlonishwa kwesitfunti semuntfu labe yincenye yeNingizimu Afrika.Lesinye setiwombe tekuphuma kwetfu esikhatsini sangaphambilini kwaba kuphakanyiswa kwembhelebhele lomusha nga-1994. Lesiwombe ngalokuvakalako sacinisekisa ligcabho nesitfunti selive lelivumbukako nekugutjwa kwemkhosi weluntfu. Lesinye kwaba kwembulwa kwesiPhandla semBuso lesisha ngamhlaka 27 Aphreli 2000, lebesifaka inhlanganisela yelingemuva lemlandvo webantfu balelive. Ngekwente njalo, insonge lensha lenakekela i-Afrika netimphawu tayo yaba yincenye yelisiko lelisha lelatisa ngekutalwa kabusha kweNingizimu Afrika.TiNdondo taVelonkhe letinsha tisukunyiswe ngekwemoya waloko kutalwa kabusha.
Timphawu/Tincenye tekusukumisa
Inkhaba / Luphawu
Tincenye
Sibhejane saMapungubwe - lokuyinsalela leyatiwa kakhulu leyatfolwa engcwabeni kulendzawo lekwambiwa kuyo, sithicwana seligolide lesibunjwe satungeleta inkhaba letsambile, lokungahle kube sigodvo lesibatiwe, lokubufakazi bebuhlakani ngekuba khona kwemitfombolusito yeluntfu kulowo Mbuso.
Ligcuma laMapungubwe - liba lingemuva, ligcuma litje lesihlabatsi endvundvumeni yelitje leludzaka endzaweni lelugwadvule lenetindvonga tetimvula tasehlobo letibonisa kutsi buhlakani buye baphikelela ngaphasi kwetimo letilukhuni temvelo.
Libhodo lelihlotjisiwe lekuncibilikisa ligolide - simo sesisekelo salokuphuma ebhodweni lekuncibilikisa ligolide sibonisa kwandza kwebuhlakani, isayensi nebuciko, lokubufakazi bekuhlabana kwangaphambilini kutetimbiwa.
Emagumbi lamane emhlaba - abonisa kuhlabana kwebantfu baseNingizimu Afrika emhlabeni wonkhe.
Sitsandvo - tihlangotsi temlilo leticwebisako naletisimamisa imphilo, lebetiloku tisetjentiswa kusukela emaPhakadzeni, kuchubela embili kutfutfuka nebuhlakani emiphakatsini nasemimangweni.
Umzabalazo wentsandvo yelinyenti; Kwakha intsandvo yelinyenti nemalungelo eluntfu; Kwakha sive; Kuthula nekuvikeleka; Tebuntsatseli, ilitheresha, buciko, emasiko, temdlalo nemculo; Temabhizinisi netemnotfo; iSayensi, tekwelapha nekusungula kutetheknoloji, kanye nekusebentela umPhakatsi.
Timphawu/Tincenye tekusukumisa
Inkhaba / Luphawu
UMhlulandlovu uyincenye lebalulekile yetinhlelo tetekulima nemahlatsi e-Afrika. Uniketa emagcolo endvwangu nentsambo, titselo tekudla nemafutsa, kanye naleminye imikhicito lebalulekile.
Tincenye uMhlulandlovu (Baobab nobe Adonsonia Digitata) - watiwa ngetimphandze tawo nekuphila sikhatsi lesidze. Awugcini kuphela ngekuniketa ngemtfunti nendzawo yemihlangano, kepha uphindze ube sisekelo lesiyinkhaba emiphakatsini lotfolakala kuyo.
Sibumbeko lesinetinhlangotsi letiyimfica - lingemuva lelinetinhlangotsi letiyimfica lokubonisa imikhakha leyehlukahlukene yeligalelo lengahle ibe khona nemisebenti yekwakha sive lesichubekela embili nalesitfutfukako. Lesakhiwo siphindze sibonise netifundza letiyimfica telive lakitsi.
Timphawu/Tincenye tekusukumisa
Inkhaba / Luphawu
Majola (mokhayi) - Inyoka levakashela bantfwana ngalesikhatsi babelekwa. Ayibahlukumeti labantfwana nobe emalunga emndeni kantsi indlela yebungani yekuyicosha kutsi lomake wemntfwana ayifafate ngelubisi lwelibele. Ivakashela lomntfwana kutsi itomlungiselela indlela yemphilo yebudzala lenemphumelelo nalephephile. Ita njengemngani nanjengemvikeli. Lobungani lebubonisako abukesekelwa kulendlela yekubonisa sihe kepha njengendlela yekubonisa luvelelo nekukhandlekela kwesekela nekugcugcutela imphumelelo yesikhatsi lesidze yemalunga lamancane nalamadzala esive sebantfu. Lenyoka iyaphila etinganekanweni tase-Afrika ngobe iyavela encwadzini lelandzisako lebitwa Ingqumbo Yeminyanya lebhalwe ngu- AC Jordan. Lencwadzi yengca ngale kwekutsatsa umcondvo lowetayelekile wenyoka njengesilwane lesinashevu iphindze ivete umcondvo lowenabile wase-Afrika lowemukela inyoka njengemngani nelilunga lendalo lesecophelweni.
Tincenye
Indvuku yekuhamba - lebatwe ngesigodvo lesimnyama, sendzabuko iluphawu lwekutfokotela kwesekelwa neluvelelo loluboniswako, kantsi-ke ngalokunjalo kutibophelela ekwesekeleni nekuba lusito kulowo lowemukelako ngalokulandzelako.
Indvuku yekuhamba
