Lomklomelo uklonyeliswa Bantfu Bangaphandle (Baholi Bemave naHulumende) naletinye tigcukumba talamanye emave. Uklonyeliswa bungani lobuniketwe iNingizimu. Ngako-ke ngumklomelo wekuthula, Kubambisana nekukhombisa ngalokunemndlandla kutetfula nekubambisana nekwelekelelana. Lomklomelo ufaka ekhatsi insika lebalulekile yebudlelwano bemave emhlaba nebemave ngekwehlukana.
Kumiswa
Lomklomela unganiketwa ngemacembu lamatsatfu:
Luphawu lolusemkhatsini
Majola inyoka yemvukutane: inyoka levakashelwa tinswane uma tibelekwa. Ayitilimati letinswane nobe emalunga emndeni futsi indlela yinye lenhle yekuyisusa kutsi lomake ayekhamele ngelubisi lwelibele lwakhe. Ivakashela luswane kute kutsi ilulungiselele imphumelelo nemphilo yebudzala lephephile. Ita njengemngani nemvikeli. Lobungani lebukhombisako abuvakaliswa ngebunono benhlitiyo lenhle/lucolo kepha ngekutetfula lokunemndlandla bekuba munye futsi lobulwela kwelekelela nekukhutsata imphumelelo yesikhatsi lesidze kwemalunga ebantfu lamancane futsi labancane. Lenyoka iphila etinganekwaneni tase-Afrika ngenca yenganekwane yelikhetselo lebitwa ngekutsi yi-The wrath of the ancestors Lulaka lwemadloti, ibhalwe ngu-AC Jordan. Lenganekwane igucula lomcondvo lokhona wekutsi imane iyintfo-nje lenesihlungu futsi ingenisa kuhumusha lokubanti kwase-Afrika lokuvisisa inyoka njengemngani nelilunga lebudlelwano lobusemkhatsini wetilwane netitjalo letehlukahlukene.
Ludvondvolo
Majola - liso lelibukhali lelinemahhuka ngetulu nangaphansi, kukhombisa kwemukelwa/kunakwa kwekukhombisa bunye nekusitwa ngalokunemndlandla kweNingizimu Afrika.
