Liviki Letifundza, 07-11 Inyoni 2009

Kwakheka kwePhalamende

IPhalamende yaseNingizimu Africa inetindlu letimbili
Sigungu Savelonkhe, lesinemalunga langu 400
NeMkhandlu Wavelonkhe Wetifundza, lonemalunga langu 90

Umkhandlu Wetifundza Wavelonkhe Nemisebenti wawo
Umtsetfosisekelo waseNingizumu Afrika unika Lomkhandlu Wavelonkhe Wetifundza siciniseko sekutsi tindzingo tesifundza tinakwe kuloluhlangotsi lwahulumende wavelonkhe.  Loku kwenteka ngekutsi utimbandzakanye kulenchubo yavelonkhe yekushaya umtsetfo nangekutsi kubenemhlangano wavelonkhe lobuka tindzaba letitsintsa tifundza.
Indzima lenkhulu yaLomkhandlu Wavelonkhe Wetifundza kubamba tinkhulumomphikiswano, kushaya umtsetfo nekugadza (kwelusa/kulandzelela) lokwentiwa nguhululmende.
Lomkhandlu Wavelonkhe Wetifundza umele tifundza ekucinisekeni kutsi tidzingo tetifundza titsatselwa etulu luhlangotsi lwahulumende wavelonkhe.
Umsebenti waLomkhandlu Wavelonkhe Wetifundza kugadza tintfo tavelonkhe letitsintsa tifundza nabohulumende basekhaya

Liyini Liviki  Lemkhandlu Wavelonkhe Wetifundza?
Lomkhandlu Wavelonkhe Wetifundza wasungula Liviki Letifundza kucinisekisa kutsi tifundza tibamba indzima lebalulekile etintfweni letentiwa nguhulumende wavelonkhe
Kuleliviki tifunywa tetifundza letikuMkhandlu Wavelonkhe Wetifundza nebalingani babo  betifundza batawuhamba bavakashela  imimango bahlole bacinisekise kutsi batfola lwatiso ngco ngetidzingo netinselele bantfu lababukene nato.
Liviki Letifundza lilandzela umgomo weMtsetfosisekelo, lophocelela Lomkhandlu Wavelonkhe Wetifundza ekucinisekiseni kutsi tindzingo tetifundza tiyanakwa kuloluhlangotsi lwahulumende wavelonkhe.
Leliviki Letifundza licinisekisa kutsi titfunywa tetifundza letikuLomkhandlu Wavelonkhe Wetifundza tiyati ngentfutfuko netinselele letibukene netifundza
Linika titfunywa litfuba lekubonisana netifundza bese batfula umbiko ngalabakwentile kuMkhandlu Wavelonkhe Wetifundza ngenhloso yekutfola ligunya lelisha etindzabeni lokumele tingene eluhlwini lwetindzaba tavelonkhe.
Leliviki Letifundza lenta kube nekuhlangana kuboniswane kuniketwane imibono ngetindzaba letimayelana nekwetfulwa kwetinsita netinselele letibukene netifundza ekufezeni imisebenti yato.
Liphindze livule litfuba lekutsi iPhalamende netifundza basebentisane ekutfoleni tisombululo nasekuchamukeni netindlela letinsha tekusombulula tindzingo tebantfu baseNingizumu Afrika.



Kutawentekani ngaleLiviki Letifundza?
Ngaleliviki letifundza, titfunywa  tesifundza ngasinye letisebenta ngalokuphelele titawuhlangana nemitimba leyehlukahlukene etifundzeni tato, lokufaka phakatsi 
BoHulumende betifundza-boNdvunankhulu, nemalunga eMkhandlu Wandlunkhulu kanjalo nematiko abo
Tishayamtsetfo tetifundza nematiko tato
Bosiswebhu naboSihlalo bemakomidi
Nalabanye baninisabelo njengebaholi bendzabuko, netinhlangano letingekho ngaphansi kwahulumende (ema-NGO), ema-CBO Nehlangano Yabohulumende Basekhaya BeNingizimu Afrika (SALGA)

Titfunywa tetifundza teMkhandlu Wavelonkhe Wetifundza nebalingani bato  betifundza batawuhamba bavakashe bahlole imimango
Lelitsimba litawuvakashela imiklamo leyentiwa nguhulumende wavelonkhe nahulumende wetifundza etifundzeni tato

Sifundza sakho singahlomula njani-ke kuLeliviki Letifundza?
Kulemisebenti yekuvasha Yeliviki Letifundza , titfunywa tetifundza letikuLomkhandlu Wavelonkhe Wetifundza titawutfola lwatingco mayelana netidzingo tebantfu etifundzeni tato.
Leliviki Letifundza lenta Umkhandlu Wavelonkhe Wetifundza ufake sandla ekubuseni kahle ngekucinisekisa kutsi sifundza nabohulumende basekhaya bayanakwa uma kushaywa umtsetfo wavelonkhe.
Libuye lente kutsi tifundza, bohulumende basekhaya nahulumende wavelonkhe basebente kahle ngalokufanele kuze bacinisekise kwetfulwa kwetinsita ngalokufanele.

NGUMKHANDLU WAKHO WAVELONKHE WETIFUNDZA!
YIPHALAMENDE YAKHO!
BAMBA LICHAZA!

