Sigungu  Savelonkhe

IPHALAMENDE YASENINGIZIMU AFRIKA

IPhalamende inemagatja lamabili, labitwa ngekutsi Sigungu Savelonkhe neMkhandlu Wavelonkhe Wetifundza.


SIGUNGU SAVELONKHE (NA)

I-NA ikhetfwa njalo emva kweminyaka lesihlanu elukhetfweni lwavelonkhe.
Ngetikhatsi telukhetfo bavoti bakhetsa labamfuna abamelele, ngekuvotela licembu lepolitiki lebalitsandzako. 


UMSEBENTI WESIGUNGU SAVELONKHE

I-NA igunyatwa nguMtsetfosisekelo kwenta loku:

Umsebenti Wekushaya Umtsetfo
Lomunye wemisebenti lebalulekile ye-NA kushaya imitsetfo lebusa live.
I- NA itfumela Imitsetfosivivinyo Emakomitini kute yentiwe bese kuphikiswana Ngalemitsetfotivivinyo. 
I-NA ingavuma, iphikise noma ibuyisele Imitsetfosivivinyo emuva Emakomitini kutsi kuphindvwe kucocwe ngayo kabanti.

Umsebenti Wekwengamela
I-Palamende inemsebenti wekucubungula, kugadza nekubuka tinyatselo tahulumende nanoma ngabe nguwuphi umtimba  waHulumende, ngekubuka kusetjentiswa kwemitsetfo, kulandzela kusebenta kweluphakelo timali, nekutfobela Umtsetfosisekelo.

IPhalamende yenta Sigungu Lesiphetse sibe nekutiphendvulela ngekuphasisa luphakelo timali, ngendlela yekubuta imibuto yasePhalamende, kubamba inkhulumomphikiswano ngetintfo letibalulekile nangekuhlongota nekuvotela tiphakamiso letiphatselene nemsebenti wahulumende. 

Kukhetsa Mengameli
I-NA ineligunya lelisemtsetfweni lekukhetsa munye kuMalunga ayo kutsi abe nguMengameli waseNingizimu Afrika. 


KWAKHEKA KWESIGUNGU SAVELONKHE

I-NA ineMalunga Ephalamende (MP) lakhetsiwe langu-400.
EMalunga e-NA akhetfwa ngenchubo lebitwa ngekutsi kumeleleka kwebunjalo bemavoti.
Ngembi kwelukhetfo, licembu ngalinye libhala luhlu lwemalunga alo, alandzelana ngekunconotwa kwawo. Lawa malunga abese ayakhetfwa kuye ngekumeleleka Kwebunjalo bemavoti latfolwe ngulelo licembu elukhetfweni.  Sibonelo, uma licembu liphumelela ngemavoti languhhafu, litawutfola tihlalo letinguhhafu e-NA.




BAPHATSI BETIKHUNDLA TESIGUNGU SAVELONKHE

Labasetihlalweni
Emhlanganweni wekucala we-NA, eMalunga e-NA akhetsa Somlomo neliSekela laSomlomo lababitwa ngekutsi Bosihlalo baLendlu.  
Laba Labasesihlalweni baniketwa umsebenti wekubuka kusebenta kwe- NA.
Somlomo neliSekela laSomlomo wePhalamende bangamela imihlangano ye-NA. 
Bayacinisekisa kutsi eMalunga ePhalamende akhuluma ngekukhululeka, kodvwa abe alandzela imitsetfo yaLendlu. 

Bosihlalo Bendlu
Imitsetfo Yendlu iniketa Bosihlalo Bendlu ligunya lekusita Labasesihlalweni ekwenteni imisebenti yabo. Bosihlalo Bendlu kungaphindze kudzingeke kutsi bangamele imihlangano yaLendlu. 

Imisebenti yaBosihlalo Bendlu ifaka loku lokulandzelako:
Kuchumanisa imisebenti yeMakomiti
Kwenta imibiko yekushaywa kwemtsetfo
Kuchumanisa imisebenti yekwengamela yeMakomiti
Kwesekela Labasesihlalweni ngetepolitiki nemasu.

Bososiswebhu Labakhulu
Lelo nalelo licembu letepolitiki lelise-NA likhetsa Sosiswebhu Lomkhulu lotawubuka kusebenta kwalo. 
Labososiswebhu banakekela eMalunga emacembu abo ngekwehlukahlukana.  

Umholi Wemisebenti YaHulumende
Mengameli ukhetsa Umholi wemisebenti yaHulumende losebenta nalabo labasetikhundleni kuto totimbili Tindlu. 
Lomholi Wemisebenti yaHulumende usebenta kubuka tidzingo teKhabhinethi nemisebenti yaHulumende ePhalamende. 
Lomholi Wemisebenti yaHulumende ucinisekisa kutsi eMalunga eKhabhinethi enta imisebenti lebukene nawo ePhalamende.


EMAKOMITI ESIGUNGU SAVELONKHE

Umsebenti lomningi weSigungu Savelonkhe wenteka emaKomitini.
EmaKomiti e-NA abitwa ngekutsi Makomiti Labukene Nemsebentitsite/Ekomidi e-NA.
Umsebenti weKomiti ngayinye ucondzene nalelo Litiko laHulumende. Sibonelo, Likomiti Lelibukene Nemsebentitsite Letekuhweba Netimboni lisebenta ngatotonkhe tintfo letitsintsa Litiko Letekuhweba Netimboni. 
Lelo nalelo Komiti linaSihlalo locinisekisa kutsi liwenta kahle umsebenti walo.
EMakomiti labukene Nemsebentitsite asebenta kucocisana, kubamba inkhulumomphikiswano nekuntjintja Imitsetfosivivinyo.
EMakomiti angabamba Tinkhulumo Tekuva Luvo Lwesive ngekushaywa kwemtsetfo noma ngetintfo letiphatselene nekushaywa kwemtsetfo.  
EMakomiti aphindze abe nemsebenti wekugadza nekubuka umsebenti wematiko ahulumende.






KUHLANGANYELA KWESIVE

Ngekwemtsetfosisekelo, iPHalamende iphocelekile kumbhandzakanya ummango ekushayeni umtsetfo nasekwenteni leminye imisebenti yePhalamende. 
EMakomiti Labukene Nemsebentitsite aphocelekile kutsi atsintsane nemalunga emmango kute atfole imibono ngeMtsetfosivivinyo noma atfole luvo lwabo etintfweni letibalulekile tavelonkhe. 
Ummango ugcugcutelwa kutsi ubambe lichaza emisebentini yeMakomiti uma eMakomiti atimbandzakanye Nesive.
Umuntfu noma emacembu ayagcugcutelwa kutsi ente tetfulo letibhaliwe noma temlomo ngetintfo letibatsintsako. 
Emalunga emmango anelilungelo lekudlaa inzdima etintfweni noma emisebentini yePhalamende nge:

•    Kuhambela imihlangano yeMakomiti Labukene Nemsebentitsite. 
•    Kutsintsa eMalunga ePhalamende lasebenta e-NA abute noma 
      acele lwati lolutsite ngemisebenti yawo ePhalamende
•    Bahambele Kulalela Kweluvo Lwesive lolubanjwa ngeMakomiti 
     Labukene Nemsebentitsite.
•    Babukele tinkhulumomphikiswano Temhlangano Wesive         
     Endlini. Sibonelo, Umcombelelo Wetimali.
•    Kwenta sikhalosicelo lesibhekiswe ePhalamende nganoma yini
     lebatsintsako. Sikhalosicelo lesibhekiswe ePhalamende kumele 
    sesekelwe Lilunga lePhalamende.  
     


Ikhicitwe Lihhovisi Lekufundzisa Imimango
Labasebenta Ngetekuchumana ePhalamende
IKHUTSATWA BANTFU

www.parliament.gov.za
P.O. Box 15, Cape Town, 8000
Lucingo:	(021) 403 3341
Ifeksi	:	(021) 403 3303

Lephamfulethi iyatfolakala ngato tonkhe tilwimi letisemtsetfweni taseNingizimu Afrika




Feedback to Selby

Kindly take note of the corrections made.
Avoid using the concordial agreement “ngi-” if you are not referring to first person. See under title “Kwakheka Kwesigungu Savelonkhe”, ngilelo cembu. The correct concordial agreement to use is “ngulelo…”
Disregarding the corrections mane, your translation is good; it meets the criteria of producing a translation that is a true reflection of the source text. Keep it up!

