Tinsita tekubuyiswa kwesimilo kubantfu labakhubatekile
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana
Inchazelo
Tinsita tekubuyiswa kwesimilo tiniketwa bantfu labakhubatekile kubasita kutsi bafinyelele nekutsi bagcine emazinga abo ekusebenta. Kunetigaba letine tekubuyiswa kwesimilo letibukene netigaba letine tekukhubateka, kantsi nguleti:
Tinsita tekubuyiswa kwesimilo letisisekelo
Kubuyiswa kwesimilo lokusesigabeni lesesekelako
Kubuyiswa kwesimilo lokusesigabeni lesiphakeme
Kubuyiswa kwesimilo kwabocwepheshe kanye netati
Tinsita tekubuyiswa kwesimilo letisisekelo tinsita letivimbelako letakha kutetsemba kanye nelikhono lelikhasimende. Loku kufaka ekhatsi kwelulekwa ngekwelashwa, tinsita letitfolakala emakhaya, emacembu ekwesekelana kanye nekutisita, nekwatisa kanye netinhlelo tekutimela.
Kubuyiswa kwesimilo lokusisegabeni lesesekelako tinsita kungenelela esigabeni sekucala lokufaka ekhatsi imihlanganosikolo yekutivikela, kunakekela emini kanye netinsita tekuvuselela emandla, kwenta imali kanye nemiklamo yekucedza buphuya, kutfutfukisa kwemntfwana ebuncaneni, kanye netinsita tekuphumula.
Kubuyiswa kwesimilo lokusesigabeni lesiphakeme tinsita letisemtsetfweni letifaka ekhatsi tindzawo tekunakekela, kunakekela kwekondla kanye netinsita tekusisa, kanye nekwakhiwa kabusha netinsita tekunakekelwa emva kwesikhatsi.
Kubuyiswa kwesimilo kwabocwepheshe kanye netati tinsita letifana nekweluleka kanye nekufundzisa, kuhlomisa, kutfutfukisa inchubomgomo kanye netinhlelo, kanye nekuklaya.
Nangabe ufuna imininingwane leyengetiwe, yani ku-website yeLitiko leTekutfutfukiswa kwetenhlalakanhle
Tinyatselo lekumele tilandzelwe
Vakashela sikhungo sekunakekela ngetekwalapha lokusisekelo nobe emtfolamphilo losedvute kuyewuhlolwa utawubese sewundluselwa kuyewubuyiselwa similo esibhedlela nobe kubocwepheshe esigabeni lesesekelako nobe lesiphakeme.
Imitsetfo lesebentako
Emazinga ekusebenta nesikhatsi
Kungatsatsa tinyanga letintsatfu kulungiselela sicelo sakho. Kuletinye tenhlakalo bantfu babekwa eluhlwini lekulindza tinyanga letisitfupha.
Tindleko
Kuletinye tikhatsi, 75% weselekelelo setenhlalakanhle uyatsatfwa njengencenye yetindleko. Letinye tindleko tincunywa tindzawo ngekwehlukana. Letinye tindzawo tikala tindleko ngaloku lekungakhonwa ngumndeni. Tonkhe letindleko tehluka ngetifundza.
Emafomu lagcwaliswako
Sikhungo sekubuyiswa kwesimilo nobe sikhungo sekunakekela ngetemphilo tincuma emafomu lagcwaliswako.
Imininingwane yekutsintsana
