Kufaka sicelo semalungelo etimbiwa
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana
Inchazelo
Emalungelo etimbiwa yimvumo leniketwa nguhulumende kuLitiko Letimbiwa Nemandla lelikuniketa emandla ekumba timbiwa kuletinye tindzawo.
Emalungelo etimbiwa angeke adlule sikhatsi seminyaka lengu-30.
Emalungelo etimbiwa uma aniketiwe:
Timbiwa tingagutjwa ngalokugcwele
Lomfaki sicelo kufanele abe nemali kanye nelwati lekwenta lomsebenti wetimbiwa lohlongatwako ngalokugcwele
Lelisu lekutfola timali kufanele lihambisane nalomsebenti wetimbiwa kanye nalesikhatsi kuloko.
Akukho kungcola nobe umonakalo etikwesimo sendzawo lokutawenteka ngenca yalomsebenti wetimbiwa
Lomfaki sicelo wente emacebo etemali kanye nalamanye emacebo etenhlalakahle kanye netemsebenti.
Lomfaki sicelo akaphambani neMtsetfo weKutfutfukiswa weTimbiwa neMitfombo yeteMafutsa
Lomsebenti uhambisana neLishadi leteTimbiwa
Nangabe ufuna imininingwane leyengetiwe, yani ku-website yeLitiko Letimbiwa Nemandla
Tinyatselo lekumele tilandzelwe
Faka sicelo kulelihhovisi leMenenja Yesigodzi yeLitiko Letimbiwa Nemandla kulesigodzi lapho lomhlaba utfolakala khona.
Faka lifomu ngekwakho ngesandla nobe liposi lelibhaliswa kuMenenja Yesigodzi loyo lomhlaba usesigodzini sakhe.
Lelifomu kufanele lipheleketelwe yimali yekufaka sicelo lengabuyeli emuva njengoba ibekwe yiMenenja Yesigodzi.
Uma iMenenja Yesigodzi imukela lesicelo lesifakiwe, utakwatisa ngekhatsi kwa- 14 tinsuku kusuka kulelisuku lekwamukelwa kwesicelo:
Tfumela luhlelo lwekulawulwa kwesimo sendzawo kutsi lamukelwe
Yatisa bese uchumana nawo onkhe emacela lansenshisekelo kanye nalakhinyabetekile ngekhatsi kwa-180 kusuka kulolusuku lwesatiso.
Imitsetfo lesebentako
Emazinga ekusebenta nesikhatsi
IMenenja Yesigodzi utakwatisa ngembhalo uma lesicelo lesifakiwe simukelwe, loku kusho kutsi sicelo sakho sihambisene nato tonkhe timfuneko ngekhatsi kwa- 14 tinsuku tekutfolwa lesicelo lesifakiwe bese ikutjela kutsi utsintsane nemnikati wemhlaba, lona lohlele kulo kanye nawo onkhe emacele latsintsekile.
Uma lesicelo lesifakiwe singakaphumeleli leMenenja Yesigodzi itawubuyisela lesicelo lesifakiwe kuwe ngekhatsi kwa-14 tinsuku.
Uma Indvuna yala kuniketa emalungelo etimbiwa, kufanele ikwatise ngembhalo ngekhatsi kwa-30 tinsuku asho letizatfu tekuncatjelwa kwesicelo.
Tindleko
Tindleko titawuncunywa litiko kantsi futsi atibuyeli emuva.
Linani lemali litawuhluka ngekuya ngetimbiwa letitawumbiwa phansi.
Emafomu lagcwaliswako
Imininingwane yekutsintsana
