Sikhalo ngekutiphatsa nobe emacala lentiwa ngemaphoyisa nema-MP
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana
Inchazelo
Faka sikhalo ku-Independent Complaints Directorate . Nangabe ufaka sikhalo sakho Ehhovisi Lavelonkhe, loludzaba lutawendluliselwa Ehhovisi Lesifundza lelifanele lesiphenywako.
Tinhlobo tetikhalo letingafakwa ku-ICD:
Tikhalo letiku-class III: tikhalo setinsolo tekutsi liphoyisa lente licala lelibangele kulimala lokumatima emtimbeni, lokudzinge kutsi sigulane selashwe esibhedlela. Kutiphatsa kabi lokunjena kutawuba ngulokwenteke kumuntfu lobekagcinwe ngemaphoyisa. Loku lokulandzelako luhla lwetikhalo letiku-class III:
Kusetjentiswa budlabha kwemandla lokushayisa kuvele emphakatsini ngekulimala lokube khona; linani lebantfu labatsintsekile; linani lemali lebandzakanyekako; nobe sikhatsi lesitsetfwe sehlakalo.
Licala lemlilo
Kuhlasela ngenhloso yekulimata umuntfu kamatima nobe kwetama kubulala
Kutfumba
Kutifakela umtsetfo etandleni
Kufoja nobe kugucula umculu lofojiwe wati kutsi ufojelwe imali lelinani lelingu-R50 000 nobe ngetulu
Kukhwabanisa
Kulimata ngalokunemahloni
Kucamba emanga enkantolo yemtsetfo
Budlova bemphakatsi
Kwesabisa kutfumba
Kulimata imphahla
Kufaka sandla ecenjini lebugebengu
Kugcina imphahla leyebiwe
Kudlwengula
Kwemukela imphahla leyebiwe
Kweba
Inkhohlakalo
Kudlwengula umuntfu lomdvuna
Kweba
Kulimata umuntfu kabuhlungu
Kutsatsa intfo kumuntfu ngekusebentisa emandla nobe ngekumesabisa
Kuholela umuntfu ekwenteni lokutsite, kuhlangana kwelicembu livukele umuntfu/umbuso nobe ngumaphi lamacala labhalwe ngetulu
Tikhalo letiku-class IV: sikhalo setinsolo tekutsi lilunga lente licala ngaphandle kwalankha labhalwe ngetulu nobe kutiphatsa kabi lokungakaholeli ekufeni nobe ekulimaleni kakhulu umtimba wanobe ngubani.
Tikhalo letingeke tiletfwe ku-ICD:
Tikhalo tetehlakalo letenteke ngaphambi kwekusungulwa kwe-ICD. Loku kusho tonkhe tehlakalo letenteke ngaphambi kwaMabasa-1997 naleto lesekwengce ngetulu kwemnyaka tentekile ngaphambi kwekutsi tibikwe ku-ICD, ngaphandle nangabe kunetimo letilikhetselo.
Tikhalo macondzana Netisebenti Tasemajele, basebenti basenkantolo nemalunga Etembutfo Wekuvikela Wavelonkhe WaseNingizimu Afrika.
Nangabe ufuna imininingwane leyengetiwe, yani ku-website Yeluphiko Lwetikhalo Lolutimele.
Tinyatselo lekumele tilandzelwe
Sikhalo ungasifaka wena matfupha, ngelucingo, ngencwadzi nobe incwadzigezi ehhovisi lelidvute le- ICD. Tikhalo kumele tifakwe ngema-awa ekusebenta, emkhatsini wa-8h00 na-16h30.
I-ICD ingakucela unikete imininingwane leyengetiwe ngaphambi kwekutsi kuphenywe ngesikhalo sakho.
Nangabe ufaka sikhalo wena matfupha, utawubonisana nalosebenta ngelicala nobe umhlatiyi.
Imitsetfo lesebentako
Emazinga ekusebenta nesikhatsi
Kuchuba tikhalo:
Kunaka likhasimende kungatsatsa emaminitsi lasihlanu.
Kumela ingcocoluhlolo nalosebenta ngelicala nobe umhlatiyi kungatsatsa emaminitsi langu- 30.
Kubhala bufakazi bekubikwa kwesikhalo kungatsatsa emalanga langu-30.
Umbiko wenchubekela phambili ungatsatsa emalanga langu-30.
Umbiko wekugcina ungatsatsa emalanga langu-90
Tindleko
Lolusito lwamahhala
Emafomu lagcwaliswako
Imininingwane yekutsintsana
