Imvomo yekusisa nekuhociswa kwemvumo yekusisa umntfwana ngumtali nobe umnakekeli wemntfwana
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana
Inchazelo
Imvumo, yimvumo lebhaliwe leniketwa umtali lofuna kusiselwa umntfwana. Imvumo inganiketwa batali, ngumanekekeli wemntfwana nobe umntfwan. Umntfwana anganiketa imvumo yeklusisa nangabe uneminyaka lengu-10 npobe ngetulu budzala. Ngekungemeli kubukelwa kwanobe ngumuphi lomunye umtsetfo, umtali wemntfwana llonikete imvumo macondzana nekusiswa kwemntfwana wakhe unelilungelo lekuhocisa imvumo lenjanlo angakapheli emalanga langu-60 ngekuva kwekuniketa imvumo. Inkantolo yebantfwana angeke yente umyalelo wekusisa kungakapheli emalanga langu-60.
Timo letingakavumeleki kuniketa imvumo yekusisa
Batali bemntfwana bashonile futsi kute umnakekeli lokhetsiwe kutsi utawubona umntfwana.
Umtali
Akekho esimeni sekutsi anganiketa imvumo yakhe ngesizatfu sekugula kwengcondvo;
Ulahle umntfwana futsi akwatiwa lapho akhona;
Uhlukubete umntfwana ngekwemtimba, ngekwemiva nobe ngekwelicansi, uphetse kabi umntfwana nobe uyamhlukubeta;
Welekelele ekubeni umntfwana asetjentiswe kulokubi, atfunjwe, asetjentiswe kabi ngetemacansi, nobe usite lomntfwana ente tintfo letikhombisa kulahlekelwa similo;
Ugodla imvumo yakhe ngalokungafaneli nobe ngaphandle kwetizatfu;
Wemntfwana lotelwe ngaphandle kwemshado wehlulekile kutatisa njengababe walomntfwana nobe, ngaphandle kwetizatfu letibonakalako wehlulekile kwenta umsebenti wakhe macondzana nalomntfwana, njengemtali;
Ngubabe wemntfwana lowatalwa ngaphandle kwemshado futsi umntfwana wakhulelwa ngebudlelwane lapho khona make walomntfwana naye ungumntfwana walobabe.
Ungubabe wemntfwana lowatalwa ngaphandle kwemshado, futsi
Walahlwa licala lekudlwengula nobe kulimata lomake walomntfwana;nobe
Bekaphenywa, yinkantolo yebantfwana ngekulandzela tinsolo talomake wamntfwana, lekutfolakala kutsi wadlwengula nobe walimata lomake walomntfwana: kuphela-nje nangabe kucutjungulwa lokunjalo angeke kufake ekhatsi kulahlwa licala lekudlwengula nobe kulimata; nobe
Wemntfwana lotelwe ngaphandle kwemshado wehluleka kuphakama akapheli emalanga langu-14, macondzana nesatiso lanikwe sona ngalokumiswe ngaphansi.
Satiso semvumo yekusisa
Nangabe munye kuphela umtali lonikete imvumo, futsi lolomunye umtali akekho, ekubeni anganiketa imvumo nobe akudzingeki kutsi kutsi anikete imvumo, nkomishani utawucinisekisa imvumo lenjalo bese futsi uniketa lolomunye umtali satiso angakendluli emalanga langu-14. lesatiso satisa lolomunye umtali kutsi kuniketwe imvumo futsi kumniketa litfuba
Lekutsi naye anikete nobe agodle lemvumo; nobe
Anikete tizatfu tekutsi kungani imvumo yakhe ingatfolakali nobe kungahanjiswani nayo nobe
Afake sicelo sekusisa lomntfwana nangabe angubabe wemvelo wemntfwana futsi lomntfwana watalwa ngaphandle kwemshado.
Nangabe make walomntfwana lowatalwa ngaphandle kwemshado unikete imvume ekuchibiyelweni kwemininingwane yekubhalisa kutalwa kwemntfwana wakhe, babe walomntfwana utawatiswa. Kumele kutsi ente tichibiyelo letifanele angakapheli emalanga langu-14 atfole lesatiso.
Nangabe make walomntfwana akaniketi imvumo yekuchibiyelwa kwemininingwane yekubhalisa kutalwa kwemntfwana, umuntfu lofuna kutatisa njengababe walomntfwana kumele afake sicelo enkantolo yebantfwana lefanele, atfole umyalelo wekufunga locinisekisa kutsi ungubabe walomntfwana nekutsi tidzingo temvumo talomake atidzingeki.
satise sababe wemvelo wemntfamna lotelwe ngaphandle kwemshado sidzingeka kuphela nangabe lobabe uvumile, wabhala phansi, kutsi ungubabe walomntfwana; kantsi futsi nanangabe ufake imininingwane yakhe ekubhalisweni kwekutalwa kwalomntfwana nekucinisekisa ngaso sonkhe sikhatsi kutsi lemininingwane iliciniso; nobe lomake walomntfwana ngesisikhatsi sekuniketa imvumo, wacinisekisa, ngekubhala phansi, lobabe walomntfwana uvumile kutsi ungubabe walomntfwana; futsi watisile ngekutatisa kwakhe nekutsi ukuphi; nobe sisebenti setenhlalakahle singenisa umbiko kunkhomishani locinisekise imvumo yamake wemntfwana, locinisekisa kutsi babe walomntfwana ungubani nekutsi ukuphi, nobe enkantolo yebantfwana lapho kufakwe khona sicelo sekusisa umntfwana. lombiko kumele ungeniswe angakapheli emalanga langu-60 ngemuva kwekutsi make anikete imvumo yakhe, nobe kuliphi lizinga ngaphambi kwekutsi umyalelo wekusisa uniketwe enkantolo yebantfwana.
Umtali lonikete imvumo futsi lofisa kucisha imvumo yalolomunye umtali kumele atise nkomishane ngemuva kwekutsi acinisekise imvumo yakhe.
Nangabe ufuna imininingwane leyengetiwe, yani ku-website y eLitiko Letebulungiswa Nekutfutfukiswa Kwemtsetfosisekelo.
Tinyatselo lekumele tilandzelwe
Kuniketa imvumo
Imvumo kumele iniketwe ngekubhala phansi. Nangabe iniketwa eNingizimu Afrika, lomumntfu nobe bantfu labaniketa imvumo kumele ebayisayine embikwa nkomishani wetenhlalakahle yemntfwana, lotawubese ucinisekisa lemvumo.
Imvumo leniketwa ngaphandle kweNingizimu Afrika kumele isayinwe futsi icinisekiswe sisebenti selihhovisi lelincusa laseNingizimu Afrika nobe imishini, nobe lijaji, mantji, sisebenti sekuthula nobe sisebenti semphakatsi lalelo live lelitsintsekako.
Nobe-nje imvumo kumele ibe nemagama alabatali labasiselwako, inkantolo yebantfwana ingayemukela imvumo yebatali bemntfwana nobe lonakekela umntfwana, lengenamagama nobe leminye imininingwane yalabatali labasiselwako nangabe iyenetiseka kutsi kutawubukelwa inhlalakale yalomntfwana.
Kulengisa imvumo
Nangabe ungulomntfwana, gcwalisa-Form 13A ngaphambi kwanobe ngumuphi nkhomishani, ngaphambi kwekutsi umyalelo wekusisa ukhishwe enkantolo yebantfwana.
Nangabe sivumelwano silengiswa kulesinye sifundza ngaphandle kwaleso imvume leyentiwa kuso nobe lapho kutawulalelwa khona sicelo sekusisa, nkhomishane ngekushesha utawatisa inkantolo lefanele nasonhlalakahle kutsi sitawulalelwa kuphi sicelo sekusisa; nobe utawatisa nkhomishani lowacinisekisa imvumo kutsi nguyiphi inkantolo lekutawulalelwa kuyo sicelo sekusisa.
Ngekushesha nkhomishani utawukhomba inkantolo lapho kutawulalelwa khona lesicelo sekusisa futsi atise bobabili, inkantolo nasonhlalakhle ngalokulengiswa.
Imitsetfo lesebentako
Emazinga ekusebenta nesikhatsi
Sikhatsi sekusetjentwa kwalesicelo siya ngekubalukhuni kwaloludzaba.
Ngaphambi kwekutsi nkhomishani acinisekise lemvumo, kumele atise lomuntfu loniketa imvumo ngetinchubo temtsetfo tekusisa;
kutsi, etimeni temvumo yebatali, umtali lotsintsekako angalengisa imvumo ngekubhala phasi ku-Form 12A embikwa nkhomishani nobe nini angakapheli emalanga langu-60 ngemuva kwekuniketa leyo mvumo;
kutsi, esimeni lapho khona kuyimvumo yemntfwana, lomntfwana lotsintsekako angayilengisa lemvumo ngekubhala phansi-Form 13A embikwa nkhomishani nobe nini ngaphambi kwekutsi umyalelo wekusisa ukhishwe yinkantolo yebantfwana; futsi nekutsi umuntfu lotsintsekako angaba khona nakubuketwa lesicelo sekusisa enkantolo, ngekuticabangela kwayo, ingamniketa imvumo yekutsi abekhona, ngekwembono wekutsi kubakhona kwakho kutawuba yintfo lenhle kulomntfwana.
Tindleko
Lolusito lwamahhala.
Emafomu lagcwaliswako
Form 13A: Lifomu lekulengisa imvumo yekusisa alitfolakali ku-internet kepha litfolakala Enkantolo Yamantfi.
Imininingwane yekutsintsana
