Sicelo sekusiselwa umntfwana
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana
Inchazelo
Kusiselwa umntfwana kusho kwemukela kuba ngumnakekeli wentfwana losemtsetfweni, ngekuhambisana netinchubo letihlelekile temtsetfo, temntfwana walomunye umtali ngekwentalo.
Ngubani longafaka sicelo semyalelo wekusiselwa umntfwana?
Umfelwa nobe umfelokati
Umuntfu longakashadi nobe lochekekelwe ngumshado wakhe
Umuntfu loshadile le umlingani wakho kungumtali walomntfwana
Babe wemvelo wemntfwana lotelwe ngaphandle kwemshado
Umyalelo wekusiselwa umntfwana kumele ukhishwe yinkantolo yebantfwana lesesifundzeni lapho lomntfwana ahlala khona.
Inkantolo yebantfwana ingakhipha umyalelo wekusiselwa umntfwana kuphela nangabe seyibukete yacabanga umbiko lochaziwe lovela kusonhlalakahle lofanelekile.
Nangabe ufuna imininingwane leyengetiwe, yani ku-website yeLitiko Letebulungiswa nekuTfutfukiswa kweMtsetfosisekelo.
Tinyatselo lekumele tilandzelwe
Faka sicelo semyalelo wekusiselwa umntfwana enkantolo yebantfwana lesesifundzini lapho kuhlala khona lomntfwana losiswako. Njengobe tonkhe tinkantolo tabomantji tisebenta njengetinkantolo tebantfwana, ungafaka sicelo sakho kumabhalane wenkantolo.
Umsiti wenkantolo kumele, nangabe loku kusengakentiwa, acele sonhlalakahle lofanelekile aphenye ngalesicelo.
Ekuphelweni kweluphenyo, losonhlalakahle utawungenisa umbiko enkantolo yebantfwana lapho lesicelo safakwa khona. Ngaphandle nangabe kucele inkantolo, lombiko awukameli ubeke sobala kutichaza nobe lapho bakhona khona labatali labasiselwako - nobe lomntfwana, nangabe sewuvele ugcinwe ngulabatali - ngaphandle kwemvumo yabo lebhaliwe phambilini.
Nangabe inkantolo yebantfwana iyenetiseka ngulombiko naleminye imininingwane kulosiselwa lokuhlongotwako, inga, ngekuticabangela icabangele lesicelo bese yenta umyalelo wekuvuma lokusiselwa ngaphandle kwekukhulumisana nanobe ngubani. Nobe kunjalo, ingenta njalo, kuphela nangabe kute lophikisa lesicelo.
Umtali/batali bemvelo balomntfwana akukameli babekhona kuletingcoco tasenkantolo macondzana nekusiswa kwemntfana wakhe/bo, ngaphandle nangabe inkantolo, ngekutincumela kwayo iyabavumela kutsi babekhona, nobe ibona kutsi kubakhona kwabo kutawuba yintfo lenhle kulomntfwana.
Inkantolo ingacela umtali nobe batali nobe umnakekeli wemntfwana anikete imvumo yakhe lebhaliwe macondzana nalokusisa. Itawuphindze ikucele loku kulomntfwana losiswako nangabe ungetulu kweminyaka lengu-10 budzala futsi nanobe inkantolo yenetiseka kutsi lomntfwana uyasivisisa simo nebumcoka balemvumo.
Nangabe umtali akekho enkantolo yebantfwana ngelilanga lelibekiwe kantsi futsi nenkantolo iyenetiseka kutsi
Umtali watiswa kahle futsi kute sizatfu sekutsi angehluleka kuta enkantolo, inkantolo ingashesha kubamba tingcoco bese ikhipha sijubo.
Satiso lesikahle asikaniketwa nobe akukhonakali kutsi singaniketwa umtali, inkantolo inga, ngeticabanganela, inikete lomtali satiso futsi uma ibona kufanele, nobe ibambe tingcoco masinyane ikhiphe sijubo.
Nangabe inkantolo yebantfwana ibuketa sicelo sekusiselwa, kungeniswa-nje kwembiko lobhaliwe, ngusonhlalakahle lofanelekile nobe ngumuphi lomunye umuntfu logunyatiwe kubufakazi lobenele lobusemtsetfweni bemaciniso labhalwe kulombiko.
Nanobe ngubani lotsintfwa ngco ngulombiko angacela kutsi lokucuketse kubekwe elubala. Loku kutawentiwa etingcogcweni letihlelekile.
Lona lotsintsekako utawunikwa litfuba lekuphindzilita ngemibuto lona lobhale lombiko mancondzana nalokuvuka kulombiko, futsi aphikise nobe ngusiphi sitatimende lesivela kulombiko.
Nkomishani lotsintsekako utawuchazela kahle lona lotsintsekako ngemiphumela yekwehluleka kuphikisa sitatimende lesivela kulombiko.
Etingcogcweni tekufaka sicelo, lofake sicelo nemtali lonikwe satiso banemalungelo nemandla lalinganako njengemuntfu lobandzakanyeka etentweni letingesito tebugebengu enkantolo yamantji ertimeni tekuhlola bofakazi, kuniketa bufakazi nekwetfula inkhulumo enkantolo.
Umyalelo wekusiselwa umntfwana utawuniketwa nga-Form 14.
Imitsetfo lesebentako
Emazinga ekusebenta nesikhatsi
Sikhatsi sekusetjentwa kwalesicelo siya ngekuba matima kwesicelo.
Satiso lesiniketwa umtali wemntfwana losiswako kumele sinikete imininingwane leyenele nobe tizatfu tekungaceli imvumo yabo yekusiselwa lomntfwana. Lesatiso sitawuniketwa ngemalanga langu-21 ngaphambi kwelusuku lwekuvela enkantolo.
Nangabe make wemntfwana wala imvumo, sicelo lesiya enkantolo yebantfwana sitawufakwa ngemalanga langu-14.
Babe wemvelo wemntfwana lotelwe ngaphandle kwemshado kumele ente sicelo sekuntjintja imininingwane yakhe kumiculu yemntfwana yekubhaliswa kwekutalwa ngemalanga langu-14 yekuniketwa kwemininingwane.
Ngemuva kwekungenisa sicelo kutsi sichibiyelwe, babe wemvelo wemntfwana lotelwe ngaphandle kwemshado kumele atise mabhalane wenkantolo yebantfwana lapho kwentiwa khona sicelo sekusiselwa umntfwana. Kumele loko akwente ngekubhala, abeke lusuku nendzawo lekwachibiyelwa khona sicelo sakhe.
Tindleko
Lolusito lwamahhala
Emafomu lagcwaliswako
Imininingwane yekutsintsana
