Kufaka sicelo sekucala i-leanership uma ungumcashi
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana
Inchazelo
I-learnership ngulenye indlela yekuceceshwa lebeka sisindvo lesikhulu kulwati loluphatsekako.
Ema-Learnerships afaka ekhatsi kufundza kwasekilasini kusikhungo selucecesho nobe likolishi kanye nelucecesho lwasemsebentini.
Nangabe ufuna imininingwane leyengetiwe, yani ku-website yeLitiko leTemisebenti.
Tinyatselo lekumele tilandzelwe
Bacashi kufanele bancume kutsi nguwaphi emakhono labawadzingako futsi bangakhetsa nobe ngabe nguyiphi i-learnership leniketwa nobe ngabe nguyiphi i-Sector Education Training Authority .
Bacashi bangafaka sicelo semali yekuchasa ku-SETA uma sebasayine sivumelwano se-learnership. Kodvwa, kubalulekile kutsi bacashi batsintsa i-SETA yabo ngaphambi kwekutsi basayine lesivumelwano se-learnership kucinisekisa kutsi i-SETA inemali leyanele lekhona. Chumana ne-SETA kutfola kutsi ufaka njani sicelo.
Tfola umuntfu kulenhlangano yakho kute aluleke bafundzi aphindze abancedze ngetinkhinga lebangahle babukane nato kulenhlangano yakho.
Tfola umuntfu kutsi ancedze lomfundzi ngalencenye yekufundza mabhuku kule-learnership ngekukhetsa umphakeli welucecesho. Umphakeli welucecesho kufanele abe abhalisile ne-SETA.
Bacashi bangakhetsa bafundzi kutisebenti tabo nobe bangakhetsa bantfu labangasebenti kutsi babafake ku-learnership. Uma bafuna bantfu labangasebenti kuma-learnerships, bangachumana nesikhungo setemisebenti lesisedvutane kute batfole luhla lwebantfu labakhona. Bacashi abakaphoceleleki kutsi banikete umsebenti kulabafundzi labangasebenti ngemuva kwekucedza le-learnerships.
Bacashi kufanele basayine inkhontileka nebafundzi labangakacashwa lehambisana neKuncunywa kweMkhakha wema-Learnerships. Akukadzingeki kutsi kusayinwe tinkhontileka letinsha netisebenti lesetivele tisebentela lomcashi.
Uma tonkhe letinyatselo letingenhla seticedziwe, bacashi bangangenisa i-learnership.
Imitsetfo lesebentako
Emazinga ekusebenta nesikhatsi
Kungatsatsa cishe emalanga langu-30 kucala i-learnership.
Tindleko
Lolusito lwamahhala
Emafomu lagcwaliswako
Faka sicelo kuLitiko leTemisebenti
Imininingwane yekutsintsana
