Kufinyeleleka kumniningwane
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana
Inchazelo
Inhloso yeMtsetfo Wekutfutfukiswa Kufinyeleleka Kumniningwane kwenta siciniseko sekutsi bantfu bayalisebentisa lilungelo labo letemtsetfosisekelo lekutfola imininingwane lephetfwe nguhulumende, kanye nemininingwane lephetfwe ngulomunye umuntfu, ledzingeka kusebentisa nobe kuvikela nobe nguliphi lilungelo. Sizatfu lesenta lilungelo lekufinyeleleka kwelwati lisebente kwenta kutsi kusetjentiswe lisiko lekubeka tintfo elubala nekutiphendvulela kukokubili imitimba yemiphakatsi neyangasese, nekuphakamisa umphakatsi lapho khona bantfu baseNingizimu Afrika bafinyelela ngalokuyimphumelelo kumininingwane kute bakhone kusebentisa ngalokuphelele futsi bavikele emalungelo abo.
Nguyiphi imininingwane, lephetfwe Litiko Letebulungiswa Nekutfutfikswa Kwemtsetfosisekelo nobe ngumuphi wemphakatsi, lekungangafinyelelwa kuwo?
Ungafinyelela kuyo yonkhe imiculu nemarekhodi laphetfwe nguleLitiko, basebenti balo nemitimba yemiphakatsi. Akunandzaba kutsi leyo mininingwane icale nini kubakhona. Lemininingwane ifaka ekhatsi:
Imiculu lecondzene nemuntfu lephetfwe Litiko nobe ngumtimba wemphakatsi.
Imininingwane nobe emarekhodi emuntfu wesitsatfu: itfolakala kuphela ngemvumo yalomuntfu wesitsatfu lofanele, ikakhulu nangabe lemiculu icuketse imininingwane leyimfihlo nobe yangasese.
Nangabe lirekhodi lifunelwa kusetjentiswa kutinchubo temacala ebugebengu nalangasiwo ebugebengu
Nangabe sekucale licala lebugebengu nobe lelingesilo lebugebengu, lapho khona lomniningwane. angeke usetjentiswe enkantolo yemtsetfo, ikakhulu nangabe inkantolo icabanga kutsi itawumisa kabi kusebenta kwemtsetfo.
Emarekhodi ekhabhinethi nemakomidi alo.
Emarekhodi lahambisana nekusebenta ngekwemtsetfo kwenkantolo.
Imininingwane letfolwe libandla lekuteka emacala lelikhetselo lelasungulwa ngekwemibandzela yemtsetfo.
Imininingwane lephetfwe lijaji enkantolo yemtsetfo nobe lelibandla leliteka emacala.
Umniningwane lophetfwe lilunga lasephalamende nobe lesishayamtsetfo sesifundza.
Nobe kunjalo, i-Access to Information Act ungetulu kwanobe ngumuphi umtsetfo nobe kushaywa kwemtsetfo lokungavimbela nobe kukubekele umkhawulo ekufinyeleleni kunobe nguyiphi imininingwane.
Ngetulu
Tinyatselo lekumele tilandzelwe
Cela Lisekela Lesiphatsimandla Semininingwane selitiko lahulumnde lelifanele, likusite ufinyelele kulemininingwane nobe imiculu loyidzingako.
Nangabe lemininingwane loyifunako ayitfolakali mahhala, utawubhadala imali lebekiwe . Ungaphindze futsi ubhadale imali yekufinyelela nekuphenya .
Ngetulu
Imitsetfo lesebentako
Ngetulu
Emazinga ekusebenta nesikhatsi
Lisekela Lesikhulu Semininingwane kumele liphendvule emalangeni langu-30 litfole sicelo.
Nangabe Sikhulu Selwati siyakwalela ngekufinyeleleka kwelwati lolucelile, cela shwele kuNdvuna YeTebulungiswa Nekutfutfukiswa Kwemtsetfosisekelo.
Nangabe solo awenetiseki ngalemiphumela, ingafaka shwele enkantolo yemtsetfo. Sikhulu Semininingwane nobe Lisekela Lesiphatsimandla Semininingwane sitakusita ngalenchubo.
Nangabe lemininingwane loyifunako ayikagcinwa litiko laHulumende, kepha igcinwe ngumtimba wemphakatsi, Lisekela Lesiphatsimandla Semininingwane sitawendlulisela sicelo sakho esikhulwini semtimba lofanele ngemalanga langu-14.
Umtimba lofanele kumele uphendvule sicelo sakho ngesikhatsi lesifanele. Utawatiswa nangabe kunjalo.
Ngetulu
Tindleko
Tsintsa Iyunithi Yekufinyeleleka Kumniningwane Yelitiko Letebulungiswa Nekutfutfukiswa Kwemtsetfosisekelo ku: 012 315 1715 kutfola kutsi ngabe timali letibhadalwako tintjintjiwe yini.
