Kukhwabanisa kwemali lekhokhelwa phambilini nekukhwabanisa kwe-lottery -419
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana
Inchazelo
Loku lokubitwa ngekutsi yi-Nigerian Letter Scam yimali lekhokhelwa phambilini yekukhwabanisa. Lokukhwababisa kuphindze kubitwe nge"419 scam" futsi kwentiwa ngumkhwabanisi, esikhatsini lesinyenti kuba lilunga lesigungu setigebengu..
Lomkhonyovu bentiwa nemkhwabanisi lochumana nenkampani lecondziwe, ngefeksi, ngeliposi nobe ngencwadzigezi. Siphakamiso setebhizinisi sentiwa, esikhatsini lesinyenti sigungu lesitenta basebenti bahulumende. Labakhwabanisi batsi banensambansamba yemali leyece ibhajethi, kuvamise kuba ngemadola aseMelika. Lesiphakamiso sifaka ekhatsi kwekutsi lensambansamba yemali leyece ibhajethi kumele ifakwe ebhange lelikulelinye live, lapho lomkhonyovu uvela khona. Lomuntfu lekutsintswana naye uvamise kutsenjiswa emkhatsini wemaphesenthi langu-20 kuya ku-35 emali lefakiwe njengekhomishini yekusetjentiswa kwe-akhawunti yelibhange lakhe.
Lemali itsatfwa kumhlukubetwa ngetindlela letinyenti:
Umhlukubetwa ucelwa kutsi afake imali ku-akhawunti yasebhange letsite kute kwelekelela kukhokhelwa kwetindleko tekutsi kwentiwe ledili ifike ekugcineni.
Nangabe lemali lenguyona yona seyikhokhiwe, kungacala "tinkinga" letitwawenta kukhokhwe letinye timali letinyenti.
Kungahlelwa umhlangano emaveni latsite, futsi nangabe lomhlukubetwa sowukulelive lelifanele, ipasiphoti yakhe iyabanjwa naye futsi abanjwe kute kufikele lapho sebatfole imali lelingene.
Kungasetjentiswa emaphepha ekubhalela lanemininingwane yemtsetfo angasetjentiswa kukhipha imali ku-akhawunti yasebhange yemhlukubetwa yendluliselwe ku-akhawunti yaletigebengu.
umkhonyovu we-lotto wentiwa ngulabakhwabanisi ngekutsintsana nebantfu ngekucombelela-nje, kumvamise kuba ngencwadzigezi. Lomkhwabanisa utiveta sengatsi sisebenti seNkampani ye-Lotto bese satisa umuntfu kutsi uwine i-lotto lapho angakate asatsenge khona lithikithi. Tinombolo letiphumele-ke tiyashiwo khona lapho kukhulunywa futsi nobe-nje leNkampani yeLotto lena latsi lomkhwabanisi uvela kuyo, kuba yinkampani vele ikhona futsi naletinombolo latibitile kube nguleti letiphumile , Loku ngumkhonyovu. Kusetjentiswa tindlela letifananako nakulomkhonyovu wa- 419 kutfola timali kulabanye lababahlukubetwa labahlosiwe.
Iminingwane leyengetiwe lemacondzana nalobugebengu iyatfolakala ku-website yeLuphiko Lwemusebenti yeMaphoyisa, lapho khona kuchazwe kusebenta kwalesikimu, Tinkhomba tebugebengu lobungenteka, tindlela letinyenti lekutfolwa ngati imali kumhlukubetwa, kanye nalokungentiwa kuvikela lobugebengu.
Nangabe ufuna imininingwane leyengetiwe, yani ku-website yeLuphiko lweMisebenti yeMaphoyisa eNingizimu Afrika
Tinyatselo lekumele tilandzelwe
Nangabe utfola incwadzi yemkhonyovu, tfumela yonkhe imiculu, imininingwane netindlela tekuchumana, ku-Interpol.
Niketa imininingwane netinombolo takho telucingo tekuchumana, nobe talabo labatsintsekile.
Tkhamiti takulamanye emave nebahlali:
Niketa yonkhe imininingwane yasebhange .
Nangabe kukhona kwaseNingizimu Afrika lokuchumene nale-"419", cacisa yonkhe imininingwane lefanele.
Niketa imininingwane netinombolo takho telucingo tekuchumana, nobe talabo labatsintsekile.
Imitsetfo lesebentako
Igazethi Yahulumende Nombolo. 22459 yangamhlaka 13 Kholwane 2001 kanye neSatiso Jikelele Nombolo 1643 selusuku lunye
Emazinga ekusebenta nesikhatsi
Luphiko lweteMisebenti yeMaphoyisa eNingizimu Afrika luncuma sikhatsi sekukhipha imibiko yenchubekela phambili. Imibiko ivamise kukhishwa njalo ngemuva kwemaviki lamabili, ngekuya kwesimo senkinga.
Imibiko yenchubekela phambili angeke inikwe umuntfu ngamunye lapho kutawube kute kulahlekelwa timali. Nobe kunjalo, kubalulekile kutsi Luphiko lweteMisebenti yeMaphoyisa eNingizimu Afrika luniketwe emakhophi etincwadzi talobugebengu be-"419" kute kufakwe kudathabhesi.
Emancusa aseNingizimu Afrika ngaphesheya atawuniketwa imiculu etimeni lapho khona kube nekulahlekelwa yimali kuSAPS ngema-awa langu-48 ngemuva kwekutfola lemiculu.
Tindleko
Lolusito lwamahhala.
Emafomu lagcwaliswako
Kute emafomu lekumele agcwaliswe, kepha kubalulekile kukhombisa kulemiculu nangabe kukhona kulahlekelwa yimali lokube khona.
Imininingwane yekutsintsana
