Z-Fold (Leaflet)
[Note: as per previous design, six panels available for content]
Panel 1 (cover)
UNGABUKI ECELENI
TSATSA SINYATSELO SEKULWA NEKUHLUKUNYETWA 
EMALANGA LALI-16 EKULWA NELUDLAME LOLUBHEKISWE KULABASIKATI NAKUBANTFWANA 
25 Novemba – 10 Disemba
Panels 2 – 4
UYINI UMKHANKHASO WEMALANGA LALI-16 EKULWA NEKUHLUKUNYETWA?
Emalanga lali-16 ekulwa nekuhlukunyetwa: Kungabi neludlame lolubhekiswe kulabasikati ngumkhankhaso wemhlaba wonkhe lowenteka njalo ngemnyaka kusukela ngamhlaka 25 Novemba (Lusuku lwekulwa nekuhlukunyetwa kwalabasikati emhlabeni wonkhe) kufika ngamhlaka 10 Disemba (Lusuku lwemalungelo esintfu emhlabeni wonkhe). 
Ngalesikhatsi, Hulumende waseNingizimu Afrika uchuba umkhankaso wemalanga lali-16 ekulwa nekuhlukunyetwa, lohlose ekwandziseni kwatisa ngemtselela lomubi weludlame lolubhekiswe kulabasikati nakubantfwana. Hulumende uhlose futsi kusebentisa lomkhankhaso ekugcugcuteleni tonkhe tinhlaka temphakatsi kutsi tilwe nalokuhlukunyetwa.
Hulumende utibophetele ekwakheni umphakatsi lonakekelako nalokunelucolo, lophindze uvikele labasikati nebantfwana bawo kuto tonkhe tinhlobo tekuhlukunyetwa. Njengobe lomkhankhaso wemalanga lali-16 wekulwa nekuhlukunyetwa wentiwa njalo ngemnyaka kusukela ngamhlaka 25 Novemba – 10 Disemba, tinhloso tawo ticiniswe Luhlelo lwemalanga langema-365 kanye neluhlelo lwavelonkhe lokutinhlelo letitsatsa umnyaka wonkhe.
Njalo ngemnyaka, hulumende, ngekubambisana netinhlangano temphakatsi kanye netemabhizinisi, uchubeka nekusebenta ngekubambisana ngenhloso yekwandzisa umtselela walomkhankhaso. Ngekwesekela lomkhankhaso, tinkhulungwane tebahlali baseNingizimu Afrika nato tisitile ekwandziseni lwati lwekuhlukunyetwa nasekusunguleni kwesekelwa kwalabahlukunyetiwe kanye nalabo labasindze ekuhlukunyetweni.
YINI LONGAYENTA?
Yesekela umkhankhaso ngekugcoka iribhoni lemhlophe ngesikhatsi semalanga leli-16: Iribhoni lemhlophe iluphawu lwelucolo iphindze ibe luphawu lwekutibophetela kwaloyo loyigcikile lwekutsi ngete enta nome avumele ludlame lolubhekiswe kulabasikati nakubantfwana.
Hlanganyela netinkhulimiswano letibanjwa mhlaba wonkhe: Tinkhulumiswano letibanjwa mhlaba wonkhe ticaliswe ngenhloso yekuchuba tinkhulumiswano ngangcondvomshini letibanjwa emkhatsini kwebantfu kuze kudzingidvwe tindzaba letitsintsa kuhlukunyetwa lokubhekiswe kulabasikati nakubantfwana. Kutfola lolunye lwati, yani ku: http://www.genderlinks.org.za nome uvakashele i-Thusong Service Centre lesedvute nawe.
Bamba lichaza etehlakalweni nasemisebentini leyehlukahlukene yemkhankhaso wemalanga lali-16 ekulwa nekuhlukunyetwa: Kunekhalenda yetehlakalo letenteka eliveni lonkhe kusukela ngamhlaka 25 Novemba kudzimate kube ngumhlaka 10 Disemba. Nawufuna kwati ngato tonke tehlakalo letentekako, yani ku http://www.womensnet.org.za/calendar.shtml. 
Tinikele ekwesekeleni tinhlangano letingekho ngaphasi kwahulumende kanye nasetinhlanganweni letesekela labasikati nebantfwana labahlukunyetiwe: Tinhlangano letinyenti letisita labahlukunyetiwe nalabo labasindze ekuhlukunyetweni tidzinga lusito emphakatsini. Unganikela sikhatsi sakho ufake sandla emsebentini wekusita letikhungo. Funa inhlangano endzaweni yangakini longadlala indzima letsite kuyo. Encenye ungafinyelela ekutfoleni imininingwane yetinhlangano letisitako ku http://www.csvr.org.za/gender/directory/. 
Iminikelo: Unganikela ngemali etinhlanganweni letisebentela kucedza ludlame lolubhekiswe kulabasikati nakubantfwana ngekufaka sandla ku Foundation for Human Rights. Abukho buncane bekugcina nome bukhulu bekugcina lobubekelwe umnikelo wakho – kuphuma kuwe! Kuze utfole lolunye lwati, yani ku:  http://www.fhr.org.za/ nome ushayele 012 440 1691.
Khuluma ngekuhlukunyetwa lokubhekiswe kulabasikati nakubantfwana: Gcugcutela bahlukunyetwa labasikati lababindzile kutsi babhukule babukane nekuhlukunyetwa. Bika emaphoyiseni kuhlukunyetwa kwebantfwana.     
Hlanganyela netinhlangano letigadza emmangweni (CPFs) kanye netinhlangano temmango letibukene nekuphepha (CSFs): Ummango netiteshi temaphoyisa endzawo tibalingani labasebenta ngekukhutsala ekucinisekiseni kuphepha nekuvikeleka endzaweni yangakini. Ngekuhlanganyela ne CPF nome ne CSF, ungasita ekulweni nebugebengu endzaweni yangakini. Kuze utfole lolunye lwati, tsintsana nesiteshi semaphoyisa angakini.
Panels 5 & 6
Uma ngabe uhlukunyetwe nganome nguyiphi indlela nome wati ngalotsite lohlukunyetwako, sita – tfola lusito.  
UMBUTFO WEMAPHOYISA ASENINGIZIMU AFRIKA	10111
Lucingo lwelusito lolubukene nekutibulala 
KWELULEKWA NEKWESEKELWA KWALABASIKATI 
Lucingo lwelusito lwesimo lesibucayi kuvelonkhe		0861 322 322
Lucingo lwelusito lwekucedvwa kweludlame lolubhekiswe ebulinini lobutsite 	0800 150 150
Bantfu labaphikisana nekuhlukunyetwa kwalabasikati 		011 642 4345 
Inhlangano lebukene nemindeni kanye nemishado eNingizimu Afrika 			012 460 0733
Luchumano lwavelonkhe lolubukene nekulwa nebodlova lobubhekiswe kulabasikati			012 321 4959
KWELULEKWA NEKWESEKELWA KWEBANTFWANA
Lucingo lwebantfwana 						0800 055 555
KUVIKELEKA KUTENHLALO 
Tibonelelo tekondla bantfwana 					0800 601 011 
KUNAKEKELWA KUTEMPHILO
Imitfolamphilo yekuhushulwa kwetisu (Marie Stopes)		0800 11 77 85
Licembu lalabadzangele nalababandzetelekile 			011 783 1474
Lucingo lwelusito mayelana NENGCULAZI			0800 012 322
LUSITO LWENGCULAZI						0860 100 646
LUSITO KUTEMTSETFO
Libhodi lelusito lwetemtsetfo					011 845 4311
Bameli bemalungelo esintfu 					011 339 1960
IMIKHANKHASO YEMADVODZA LASEKELA KUNGABI NELUDLAME 
Emadvodza njengebalingani bemklamo 				011 833 0504
IMINININGWANE 
Umklamo wekufundzisa ngekuhlukunyetwa ngekwelucansi 	011 403 0541
Sikhungo lesifundzisa ngeludlame nekubuyisana 		011 403 5650
