Kwetfulwa kwaMengameli – 2009
Asigubhe kwetfulwa kwaMengameli lomusha welive lakitsi! 
Tigidzi tebahlali baseNingizimu Afrika tibambe lichaza elukhetfweni lwavelonkhe lwangamhlaka 22 Mabasa 2009. Ngekuvota, bantfu baseNingizimu Afrika batibandzakanye eluhlelweni lwentsandvo yelinyenti lwekukhetsa Mengameli lomusha welive. Nyalo sekusikhatsi sekuba kwetfulwe Mengameli waseNingizimu Afrika njengobe sesiyati imiphumela yelukhetfo. 
Kuyini lokwetfulwa? 
Kwetfulwa kungumcimbi losemtsetfweni loba sicalo sahulumende lomusha kutsatsa tintsambo. Ngalolusuku, Mengameli lomusha ufungiswa liJaji lelikhulu laseNingizimu Afrika. Tinhloko temibuso netabohulumende kanye nalabamele bohulumende bakulamanye emave bahambela lomcimbi lobaluleke nakangaka. Kulomcimbi wekugubha lolusuku kuphindze kube nemculo, temasiko naletinye tinhlelo. 
Utakwentiwa nini lomcimbi wekwetfulwa? 
Kulomnyaka, kwetfula kutakwentiwa ngeMgcibelo ngamhlaka, 9 Inkhwenkhweti 2009, kusukela nga 11:00 e-Union Buildings ePitoli.
Kungani lolusuku lubalulekile? 
Ngalolusuku, sigubha kutfolakala kwentsandvo yelinyenti kwelive lakitsi kanye nemalungelo nematfuba lesiwatfokotelako eNingizimu Afrika lebuswa ngentsandvo yelinyenti, lengenabo buhlanga nalengenabo bulili. Lolu lusuku lokumele sihlangane ngalo njengesive kute sichubekele embili nekwakha iNingizimu Afrika lesitawutigcabha ngayo sisonkhe. 
Ungaba kanjani yincenye yalokwetfulwa? 
Titeshi letahlukahlukene tethelevishini netemsakato titawube tisakata bulanti lokwetfulwa ngamhlaka 9 Inkhwenkhweti 2009 – vula siteshi sakho!
Kunaleminye imicimbi lehleliwe emimangweni lehlukahlukene kulo lonkhe lelive – bani yincenye yayo! 
Kute utfole imininingwane ngemcimbi lotawube usendzaweni yangakini, shayela ku 1020 (inombolo lengakhokhelwa nawushaya ngelucingo lwasendlini).  
Sibumbene kute sente ncono timphilo ngekubambisana!
