INCENYE 3

TINHLANGANO YEBASEBENTISI BEMANTI (WUAs)

1. 					I-WUA ngumtimba losemtsetfweni losungulwe  
iNdvuna ngaphansi kwemTsetfo waVelonkhe weManti. I-WUA yinhlangano yekubammbisana yebasebentisi bemanti labahlukene labafisa kwenta imisebenti lehlobene nemanti ngetindzuzo tabo bonkhe. Likomiti lekulawula libusa i-WUA.

Yini Injongo ye-WUA?

Injongo ye-WUA kuphumelelisa bantfu ekhatsi emiphakatsini yabo kutsi bahlanganise imitfombo yabo (imali, imitfombo yeluntfu nelwati) bakhone kwenta ngemphumelelo imisebenti lehlobene nemanti. Nge-WUA emalunga angazuza ngekubukana netidzingo netintfo letifuneka kakhulu emphakatsini.

Ema-WUA asebenta emazingeni lalinganiselwe esigodzi. Ema-WUA anganiketa tindlela lengato emasu ekulawula lokuhlanganisiwe angasetjentiswa ezingeni letigodzi. Ema-WUA abuye abe nendzima lebalulekile langayidlala mayelana nekucedvwa kwendlala nekuniketa kuvikeleka ngekwekudla.

Lizinga lekuba semtsetfweni kwe-WUA 

* I-WUA ngumtimba lobumbene futsi inemandla emuntfu lojwayelekile laphelele, ngaphandle kwekutsi lamandla, langafana kuphela newemuntfu lojwayelekile nobe awahambelani ne-mTsetfo waVelonkhe weManti. Loku kusho kutsi i-WUA ingenta konkhe lokungentiwa muntfu, njengekuvula i-akhawunti yasebhange, kungena kutinkhontileka tekusabalalisa imikhicito nekuboleka imali. I-WUA ingamangalela nobe ingamangalelwa ngunobe ngabe nguliphi licembu.
* UmTsetfo waVelonkhe weManti nemtsetfosisekelo we-WUA ulawula kulawulwa nekusebenta lokusemtsetweni kwayo.

Tinhlobo letahlukene tema-WUA

LomTsetfo uvumela kusungulwa kwema-WUA ekusetjentisweni kwanobe ngayiphi indlela kwemanti njengoba kuchazwe kulomTsetfo. Kodvwa, kunetinhlobo letimbili letihlukile tema-WUA letingasungulwa, lokutsiwa, yi-WUA yemkhakha ne-WUA yemikhakha leminyenti.

I-WUA lencike emkhakheni

I-WUA lencike emkhakheni isebenta ngekuvikela futsi nasesikhundleni selicembu lebasebentisi bemanti labafanako. Sibonelo, licembu lebalimi bekunisela labasafufusa bangasungula i-WUA lencike emkhakheni, nobe licembu lelinenshisekelo ekulawulweni kwekusetjentiswa ngebulungiswa kwemanti, njalo njalo.
2. Umlimi losafufusa
3. Umlimi losafufusa					5. WUA
4. Umlimi losafufusa

I-WUA lencike emikhakheni leminyenti

I-WUA lencike emikhakheni leminyenti ngekuvikela futsi nasesikhundleni senchubevane yebasebentisi bemanti labahlukene, njengebekongiwa kwemvelo, betemahlatsi, betalokumbiwa phansi, nebetekunisela ndzawonye.
6. Umlimi wetekuNisela
7. BetalokuMbiwa Phansi				10. WUA
8. BeteMahlatsi
9. Sikhungo seKonga iMvelo

Inshisekelo ingahle ikakhulukati iboniswe ngekusungulwa kwema-WUA ngetinjongo letisisekelo letine (nanobe kungaba naletinye)
* Kutsatfwa nekusetjentiswa kwemanti ngetinjongo tekunisela ngesikalo sekutsengisa nobe sekutiphilisa
* Imisebenti yekuncishiswa kwekugeleta kwemfudlana (njengetemahlatsi)
* Kulashwa nekulahlwa kwalokugobhotako nemangcoliso
* Kulawulwa kwekusetjentiswa kwemanti ngetinjongo tebulungiswa nobe temvelo.

Isungulwa njani i-WUA?
I-WUA isungulwa yiNdvuna ngekulandzela tinchubo letibekwe kumTsetfo weManti waVelonkhe.
INdvuna nobe lalabatsintsekako bangacala lenchubo yekusungula i-WUA.

Kunini lapho iNdvuna ingahle icale lokusungulwa?

Tintfo letingenta kutsi iNdvuna ingacala kusungulwa kwe-WUA atikavetwa kulomTsetfo. Kodvwa,  iNdvuna  ingahle icale kusungulwa kwalenchubo lapho i-WUA itawuba luncedvo lolukhulu emphakatsini. Lelibhokisi lelingentasi libonisa tibonelo taloku lokungaba luncedvo emphakatsini.

Kulawulwa esigodzini kwesikimu sahulumende

INdvuna ingafisa kudlulisela lomsebenti, kugcinwa nekulawulwa kwesikimu sahulumende emphakatsini wesigodzi. Loku ikakhulukati kungenteka uma lesikimu sakhiwe ngetinjongo tencedza lomphakatsi lotsintsekako futsi kungalawulwa ngemphumelelo ngule-WUA lefanelekile.

Kusekelwa kwebalimi labasafufusa

INdvuna ingafisa kusekela imizamo yematiko ahulumende ngetinjongo tekwakhiwa kwebalimi labasafufusa nobe kusungulwa kwemiklamo yekulima kwekutiphilisa.

Kusekelwa kwekusungulwa kwemtfombo ngekuhlanganyela

Lapho kusungulwa kwemtfombo lokungahleleki kwenteka khona, iNdvuna ingancuma kusungula i-WUA njengendlela yekuniketa lulawulo leluncono nekuvimbela inchabano lengahle ibe khona.

Kuchumana nemphakatsi

* I-WUA isungulwa ngemuva kwekuba kuchumana nemphakatsi kwentekile.
* Uma iNdvuna yenta lokuchumana nemphakatsi, letindleko talokuchumana tingatfolwa ku-WUA uma seyisunguliwe
* I-WUA yenjongo letsite ivame kusungulwa ngemuva kwesicelo lesitfwe eNdvuneni ngulamacembu lanenshisekelo.
* INdvuna ingahle icele kutsi lomuntfu nobe lamacembu laletsa lesicelo kutsi akhokhele letindleko tekuchumana nemphakatsi ngaphambilini.

Sicelo sekusungulwa kwenhlangano yebasebentisi bemanti

* Nobe ngabe nguwuphi umkhakha nobe licembu lebasebentisi bemanti bangaletsa sicelo eNdvuneni sekusungulwa kwe-WUA.
* UmCondzisi Jikelele weliTiko leteManti nemaHlatsi angancedza basebentisi bemanti kutsi basungule sicelo.

Yini lokumele kufakwe kulesicelo sekusungulwa kwalenhlangano?

Lesicelo kumele sitsintse tonkhe letintfo letibhalwe kulomTsetfo:

* Tizatfu tekwenta lesicelo
* Ligama lelihlongotwako lalenhlangato
* Lendzawo lenhlongotwako yekusebenta kwalenhlangano
* Lemisebenti lehlongotwako yalenhlangano
* Lapho kufaneleke khona, inchazelo yemisebenti yemanti lesevele ikhona nobe lehlongotwako kuleyo ndzawo lehlongotwako yekusebenta
* Inchazelo yemalayisensi ekusebentisa emanti nobe timvumo leto emalunga lanato nobe lahlose kufaka ticelo tato
* Umtsetfosisekelo lohlongotwako yalenhlangano
* Inchazelo yekutsi utawuhluka njani lomtsetfosisekelo kulesibonelo (lomtsetfosisekelo wekubonisa) lesicuketfwe kulomTsetfo
* Luhlu lwemalunga lahlongotwako nobe sigaba semalunga alenhlangano
* Inchazelo yekutsi hlobo luni lwekuchumana lolwentekile kusungula lesicelo kanye nemiphumela yaloko kuchumana

11. 

Ngukuphi kuchumana lokwentekile?	 	12. Indzawo yekusebentela
Yini imiphumela yakhona?



					14. Imisebenti yemanti
13. Ligama le-WUA?


				15. Sicelo sekusungula i-WUA

16. Imisebenti lohlongotwako						17.Kusetjentiswa kwemanti
									Emalayisensi? /timvumo?

									19. Umtsetfosisekelo
18. WUA					

				20. Emalunga

kunini lapho indvuna itawuvumela kusungulwa kwe-WUA?
























	

Yinye yetintfo lekufanele ifakwe kulesicelo ngulomtsetfosisekelo lohlogotwako we-WUA.

Umtsetfosisekelo we-WUA

UmTsetfo waVelonkhe weManti uveta tonkhe tintfo lekumele
Tibukwe kulomtsetfosisekelo we-WUA. LomTsetfo (iShejuli 5)	21. WUA
Uphindze ufake sibonelo semtsetfosisekelo lesingasetjentiswa
Njengesisekelo sekubhala umtsetfosisekelo.

Ngentasi luhlu lwetintfo lekumele umtsetfosisekelo we-WUA
Utibeke.

UMTSETFOSISEKELO WENHLANGANO YEBASEBENTISI BEMANTI

Ligama leNhlangano

Tinjongo taleNhlangano

Imisebenti lemcoka yaleNhlangano

Imisebenti yekuLekelela yetiNhlangano

Emalunga lacale leNhlangano

Bulunga beleNhlangano

* Tinchubo netimfuneko tekwamukela emalunga lamasha kulenhlangano
* Emandla ekuvoti emalunga
* Tinchubo tekucedza bulunga

Kucokwa nekuvotelwa kwemalunga leliKomiti lekuLawula

* Tinchubo tekukhetsa likomiti lekulawula

Kucashwa kwetisebenti

* Tinchubo tekucasha tisebenti talenhlangano

Kutfolwa kwetimalimboleko

* Tinchubo tekutfolwa kwemalimboleko

Imali lehlawulwako nekubuyiswa kwemali lehlawulwako

* Tibopho ngekwetimali temalunga kulenhlangano

UmBiko wemNyaka

Kuvala

Tijobelelo:

* LUHLU LWEMALUNGA LACALE LENHLANGANO
* LUHLU LWEMALUNGA
* TINCHAZELO TETINDZAWO LETITSITE NEKUMA KWEBALAWULI
* LIKOMITI
Kufaka sicelo semisebenti ye-WUA

Nanobe lombhalo wekucala wemtsetfosisekelo we-WUA ungafaka linani lelitsite lemisebenti ye-WUA, loku akusho kutsi i-WUA itawutfola yonkhe lemisebenti uma seyisunguliwe.

Laba labafaka sicelo sekusungula i-WUA kumele, njengencenye yenchubo yekusungula, bafake sicelo ngalokusemtsetfweni semisebenti letawuniketwa ku-WUA. Loku kungentiwa ngencwadzi lehambisana nasesicelo lekumelwe sibukwe

22.Incwadzi                                 23.    Sicelo                                    24.  Umtsetfosisekelo we-WUA

Sicelo semisebenti                          lesiya eNdvuneni                              Umtsetfosisekelo lomukelwe 
Letawuniketwa ku-WUA                yeliTiko leteManti netemaHlatsi      yi-WUA uyawabophelela
                                                        Kusungula i-WUA                             onkhe emalunga

INdvuna ingahle icele kutsi imitsetfo leyengetiwe ifakwe kulomtsetfosisekelo we-WUA. Lemitsetfo kumele imukelwe ngulamalunga enhlangano ibuye imukelwe yiNdvuna ngaphambi kwekutsi i-WUA ingasebentisa nobe ngabe nguwaphi emandla nobe kwenta nobe ngabe nguwuphi umsebenti.

Nguluphi lusekelo iNdvuna letawuliniketa ekusunguleni i-WUA?

UmCondzisi Jikelele weliTiko leManti neteMahlatsi litawuniketa lusekelo:
* Kubantfu labafuna lusito ekwenteni sicelo sekusungula i-WUA mayelana ne:

* Kuchaza indzawo yekusebentela
* Kuncuma simo nebunyenti bemitfombo yemanti lekumele ilawulwe, kanye ne
* Emandla nemisebenti letawudzinga kutsi iniketwe kule-WUA


* Imisebenti leswela lelikhono lekuhlanganisa nekusungula lamalungiselelo lasemtsetfweni ladzingekako. Ikakhulukati, luncedvo lungahle luniketwe lapho intfutfuko (njengekusungulwa kwebalimi labasafufusa) kudzinga kutfutfukiswa ngekusungulwa kwe-WUA.


Kuntjintjwa kwemabhodi ekunisela

Onkhe emabhodi ekunisela nemabhodi laphetselene nendzawo yekulawulwa kwemanti labekakhona ngaphambi kwekucala kwalomTsetfo kumele antjintje abe ma-WUA. Lamanye emabhodi emanti lasungulwe mayelana nalomTsetfo weManti wangaphambilini ngetinjongo tekunatsisa imfuyo nawo atawuguculwa abe ma-WUA.

Bunjalo beluntjintjo lwemabhodi ekunisela kusho kutsi kufanele akhe kabusha indzawo yawo yekusebentela nemitimba yekulawula kutsi amele linyenti lebantfu kulendzawo, ngekuya ngelibala nebulili

Kungani antjintje?

INingizimu Afrika inemlandvo yekungafinyeleli ngalokulinganako kumitfombo yalelive. Luntjintjo lingulenye yetindlela tekuzuza kulingana. INdvuna ikhiphe tinkhombandlela letiphatselene nekwakheka kwelikomiti leluphetse lelibhodi lekunisela lelintjintjiwe.





Isekelwa kanjani ngetimali i-WUA?

Likhono le-WUA kutisekela ngetimali ngekwayo kubalulekile ekuphileni kwayo. Kusungulwa kwe-WUA kuphumelela kuphela uma emalunga akhona kukhokhela letindleko tekulawulwa kwe-WUA kanye netindleko tekusebenta nekulungiswa kwanobe ngabe nguyiphi imisebenti  lehlanganiswa ne-WUA. I-WUA ngaloko ngalokujwayelekile isekelwa ngetimali ngemali letfolwa ngumalunga ayo lebitwa ngekutsi ?tindleko tekusetjentiswa kwemanti?. Leminye imitfombo lengahle isekele ngetimali ifaka ekhatsi:
* Imali lengenile yemisebenti yemanti lekhona,
* Losito ngetetimali lolusuka ngco kuliTiko leteManti neteMahlatsi nobe lolusuka ku-CMA
* Leminye imitfombo lehlangabetana naletimfuneko talomTsetfo njengetinhlelo telusito nelusekelo timali lekuchaswa.

I-WUA njalo ngemnyaka ingabukisisa lemali lebitwa kumalunga awo uma umtsetfosisekelo wabo ukuvumela loku. Lemali kumele ihambelana nendlela yekubita kwekusebentisa emanti lebekwe yiNdvuna.

LiTiko lisungule inchubomgomo yekuniketa lusekelomali kubaniseli labebavele bakhona nobe labasha bemacembu lebekancishwe ematfuba ngaphambilini labangemalunga e-WUA
INdvuna ingaphindze inikete lusito ngetimali			
ku-WUA ngetinjongo tekuhlangabetana
netinjongo temTsetfo weManti waVelonkhe
(ngekuhambelana nemitsetfo leyentiwe ngaphansi
kwalomtsetfo)

Ngaphambi kwekutsi anikete lusekelo ngetimali, iNdvuna kumele inake loku lokulandzelako:
* Sidzingo sekulinganisa;
* Sidzingo sekubeka yonkhe intfo sobala;
* Sidzingo sekulungisa imiphumela yekubandlulula ngelibala nangebulili kwesikhatsi lesidlulile;
* Injongo yalolusekelo ngetimali;
* Simo setimali salona lotfola lolusekelo; kanye ne
* Sidzingo sekuvikelwa kwemitfombo yemanti.

Kutiphendvulela kwe-WUA

Umtsetfosisekelo we-WUA kumele uvumele kukhetfwa kweliKomiti leliPhetse kanye naSihlalo neliSekela laSihlalo.

LiKomiti leliPhetse litiphendvulela ngco kumalunga e-WUA. I-WUA itiphendvulela ngalokubanti eNdvuneni. Uma iNdvuna indlulisela emandla ekuchuba lomsebenti we-WUA ku-CMA, i-WUA itawiphendvulela ku-CMA.

Yini tindzima nemitfwalo ye-WUA?

Imisebenti ye-WUA incike kulomtsetfosisekelo lomukelwe.

Umtsetfosisekelo we-WUA ungavumela lemisebenti lelandzelako kutsi yentiwe yi-WUA:
* Kuvimbela emanti kunobe ngabe nguyiphi imitfombo yemanti kutsi ingamoshwa.
* Kuvikela imitfombo yemanti.
* Kuvimbela kusetjentiswa ngalokungekho emtsetfweni kwemanti.
* Kukhipha nobe kwenta emalungiselelo ekuphipha nobe ngabe ngusiphi sivimbo lesibekwe ngalokungekho emtsetfweni endleleni yemanti.
* Kusebentisa kucapha lokujwayelekile kumitfombo yemanti.
* Kulawula lokugeleta kwendlela yemanti ngekwenta lolokulandzelako:
* Kuhlobisa lomhosha wayo;
* Kunciphisa lobungoti bekonakala kwemhlaba uma kuba nabozamcolo, kanye ne
* Nekuntintja indlela yemanti ibuyele endleleni yayo yangaphambilini lapho intjintjwe tehlakalo temvelo.
* Kuhlola nekubhala phansi:

* Bunyenti bemanti kumazinga lahlukene ekugeleta kulendlela yemanti;
* Tikhatsi lapho, kanye ne
* Tindzawo lapho emanti angasetjentiswa ngunobe ngumuphi umuntfu lonemvumo yekusebentisa emanti lasuka kumitfombo yemanti.
* Kwakha, kutsenga nobe kutfola ngalenye indlela, kulawula, kusebentisa nekugcina esimeni lesikahle imisebenti yemanti lebonakala kutsi iyadzingeka  kuloku:
* Kudvonsa emanti ngaphansi kwemhlaba; kanye neku
* Kusabalalisa emanti kumhlaba ngetinjongo tekunisela naletinye.

* Kucapha nekulawula kwabiwa nekusetjentiswa kwemanti kumitfombo yemanti ngekuya ngekuniketwa kwekusentjentiswa kwemanti lokufanelekile, ngekumisa nekugcina esimeni lesikahle tintfo tekwenta lolokulandzelako:
* Kulinganisa nekuhlukanisa, nobe
* Kulawula kuphambukiswa kwekugeleta kwemanti.

Emandla langetiwe nemisebenti

Ema-WUA anganiketwa emandla langetiwe 			25. Indvuna yeteManti	26. CMA
Nemisebenti yi-CMA nobe yiNdvuna.			neteMahlatsi


		27. Emandla nobe 		28.Emandla nobe 
			umsebenti		umsebenti

					29.WUA

			30.Laniketiwe		31.Laniketiwe
I ?WUA kumele ikhaliswe ngemali kutindleko letitfole ngemiphumela yekuniketwa emandla langetiwe nemisebenti.
Yini lokuhle 
kubasebentisi bemanti
 ngekwakha i-WUA?


Buhle kubasebentisi bemanti be-WUA butawuncika kulenjongo lena i-WUA isungulelwe yona.

Uma yakhelwe tikimu tekunisela kubalimi labatsengisako nobe labasafufusa, kusungula i-WUA kukwenta kukhonakale kusungula imisebenti ngekubambisana kusikeyili setemnotfo letivunywa malunga. Kusungulwa kwetikeyili letincane temuntfu ngamunye tivame kungalungi ngasetimalini.

Uma ema-WUA lasungulwe ngetinjongo tekulawulwa kwekusetjentiswa ngetinjongo tebulungisa, indzuzo kutsi umtimba munye utsatsa umtfwalo wekusetjentiswa kwemtfombo wemanti lotsite ngetinjongo tebulungiswa. Loku kuvumela i-WUA kutsi yente lokuhlelwa lokudzingekakonekulinganisa letinshisekelo tebasebentisi labahlukene kuvimbela inchabano. Uma licembu lifuna kusungula i-WUA ngenjongo letsite yekusebentisa emanti, kumele bacale batfole kutsi le-WUA itawuletsa lokuhle lokwanele kumalunga. Bulunga be-WUA buyintsandvo yemuntfu, ngaloko uma i-WUA inganiketi letindzuzo letifanelekile, angeke ikhone kugcina emalunga ayo (ngekunaka kutsi imibandzela ingasebenta).




KuLawulwa nekuSebenta kwe-WUA

					IShejuli 5
					UMTSETFO SISEKELO LOSIBONELO
					WENHLANGANO YEBASEBENTISI BEMANTI







					IShejuli 4
					KULAWULA NEKUHLELWA
					KWETAKHIWO TEPHATFWA KWEMANTI



					UMTSETFO WETEMANTI WAVELONKHE

					(No. 36 wanga 1998)

Emandla eNdvuna ngekuya kwema-WUA

* INdvuna ingahle, ngemuva kwekuchumana nalenhlangano yebasebentisi bemanti, angayalela kutsi umuntfu amukelwe njengelilunga lalenhlangano ngemibandzela lekahle nalelinganako.
* Kuletinye timo iNdvuna ingahle ingenelele ekusebenteni kwe-WUA. INdvuna ikwenta loku ngekuyalela i-WUA kutsi itsatse tinyatselo letitsite. Uma i-WUA ingawuhloniphi lomyalelo, luchaso lwetimali lebeliniketwe le-WUA lungabanjwa kuze kufike sikhatsi lapho kuhlonishwa lomyalelo.
* INdvuna ingacedza sikhundla selilunga lelikomiti leliphetse ngekuniketa satiso kule-WUA nalelilunga lelitsintsekako. Kuloku iNdvuna ingaphindze ihlele kutsi lesikhundla kulelikomiti leliphetse sivalwe.
* Uma i-WUA ihluleka kuhlonipha lomyalelo, iNdvuna ingatsatsa lemisebenti kuze kufike sikhatsi lapho i-WUA ilalela lomyalelo. INdvuna ingaphindza itfole tonkhe tindleko letikhokhelwe kulomsebenti walesikhatsi ku-WUA.

Kubulawa kwe-WUA

UmTsetfo waVelonkhe weteManti utsi iNdvuna ingabulala i-WUA ngaphansi kwemibandzela letsite:
* Kutimeko letivunyelwe kumtsetfosisekelo walenhlangano;
* Uma lemisebenti yalenhlangano, ngesivumelwano nalesinye sakhiwo selulawulo lwemanti, itawuhlanganiswa, nobe itsatfwe nguleso sakhiwo selulawulo lwemanti;
* Uma kutawuncedza kakhulu lenhlangano nobe emalunga ayo;
* Uma luhlolo lwetindzaba nobe simo setetimali luveta kutsi kubulawa kufanelekile;
* Uma indvuna itsetse lamandla nobe umsebenti walenhlangano ngenca yekungavani kwelikomiti leliphetse nobe emalunga ayo; nobe
* Uma lenhlangano ingasasebenti nobe seyinganamphumelelo.

INdvuna ingabulala kuphela i-WUA ngemuva:

* Kukhipha kumaphephandzaba umniningwano ngalokubulawa lokuhlongotwako
* Kumema imibono ngalokubulawa lokuhlongotwako, futsi
* Ngemuva kwekubuka yonkhe imibono letfoliwe.

Yini 
umehluko emkhatsini 
wema-CMA nema-WUA?


		32. CMA					33. WUA


Ema-CMA anemtfwalo wekulawula imitfombo yemanti yalendzawo yonkhe yekulawulwa kwemanti.
 
                                                          CMA
                                                          34. Indzawo             
                                                        yekulawulwa 
                                                           kwemanti

* I-CMA ineliBhodi leliNgamele lelimele bonkhe labatsintsekako kuyo yonkhe indzawo yekulawulwa kwemanti.
* I-CMA itawulungisa Lisu lekuLawula leliBandzakanya wonkhe wonkhe kubukana netindzaba temitfombo yemanti kuyo yonkhe indzawo yekulawulwa kwemanti.
* LeLisu lekuLawula leliBandzakanya wonkhe wonkhe litawuniketa inkhombandlela eNdvuneni yekutsi ngabe ema-WUA latsite kumele asungulwe nekutsi nguyiphi imisebenti lekumele aniketwe yona kutsi ayente ngekhatsi kwendzawo yekulawulwa kwemanti.

Ema-WUA ngalokujwayelekile atawuba nenshisekelo yesigodzi


35. Indzawo yesigodzi
WUA


* I-WUA imele indzawo lencane kakhulu yenshisekelo, ngalokuvamile umkhakha webasebentisi bemanti labatfolakala endzaweni letsite.
* Lamanye ema-WUA angahle amelwe kuliBhodi leliNgamele le-CMA kanye nemaKomiti ekuLawula lokubandzakanya wonkhe wonkhe.
* Ema-WUA aniketa umtimba wesakhiwo sesigodzi lapho Lisu lekuLawula leliBandzakanya wonkhe wonkhe lingasetjentiswa ezingeni lesigodzi.









27
Kubukwa kweTakhiwo tekuLawulwa kweManti

