A-Z Wekusungulwa Kwesiteshi Semsakato Wemmango

Lemanyuwali itfutfukiswe Litiko Letekuchumana njengelithulusi lwekusita imimango lefuna kusungula tinsita temsakato wemmango ngenhloso yekutfutfukisa imiphakatsi yayo. 

NjengeLitiko leli umbono walo kukulungiselela kusetjentiswa kwematheknoloji etekuchumana ngemniningwane ngenhloso yekutfutfukisa tenhlalakahle kanye nemnotfo bese kutsi umgomo walo kube kukukhulisa timphilo tebantfu baseNingizimu Afrika, livekati lase-Afrika kanye nemhlaba ngekwakhiwa kwesimondzawo seTheknoloji yetekuChumana ngeMniningwane. Kungako-ke kuyafuneka kwekutsi kube nelithulusi lelinjena imiphakatsi lengakhona kulifinyelela futsi ilisebentise kutfola ematfuba ekuniketwa ilayisensi yetinsita temsakato wemmango.

Kulesikhatsi sanyalo eNingizimu Afrika, tinsita temsakato wemmango tiniketwe emafrikhwensi emsakato langu-310 futsi kubalulekile kwekutsi kukhuliswe kusetjentiswa kwalamafrikhwensi laniketiwe.

Sendlalelo

Kusungulwa kwemsakato wemmango kuletfwe nguletinkholelo tekwehlukanisa tindlela tekufinyeleleka kumathulusi ekuchumana kwemimango lengamange seyibe nelitfuba lekusebentisa umsakato kulungisa tinkinga letitsikameta kukhula kwawo. 


Inchubo yekusungulwa

Kucala emalungiselelo

Kufaka sicelo selayisensi yemsakato yemphakatsi yintfo lekumele yentiwe emva kwekuncuma kusungula siteshi. Futsi kungemuva kwekutsi kwentiwe Lesincumo licembu lemalunga emphakatsi lonemdladla futsi labatibophelele kutfutfukisa lesiteshi lesiphakanyisiwe singasungulwa. Bantfu labenta lelicembu kumele babonakalise umphakatsi lotawumelwa. Loku kusho kutsi lokungenani incenye yelicembu kumele kube bantfu labasikati. Kutsi nilibita nitsini lelicembu kutawuya ngetindzima nangemisebenti lekuvunyelenwe ngayo. Licembu lingabitwa ngekutsi yi-Working group nobe yi-Steering Committee.

Imisebenti lemikhulu yalelicembu kutawuba: 
* Kukhulumisana neMtimba wetekuChumana lotimele waseNingizimu Afrika (ICASA) ngefrikhwensi lekhona
* Kuhlanganisa umphakatsi kutsi uhlanganyele kulenchubo leya ngasekusungulweni kwesiteshi, kufakwa kwesicelo selayisensi.
* Kuhlela imihlangano yesive, kwenta imikhankaso kanye nekuklaya.
* Kubhala imitsetfo yemtsetfosisekelo wenhlangano
* Kuhlelembisa inchubo yekubhaliswa kwesiteshi njengeNhlangano lengaSebenteli iNzuzo 
* Kusebenta ngenchubo yekufaka sicelo
* Kutfola emavolontiya kanye nekukhulumisana nebanikeli langahle batfolakala labatawusita ngetimali tekucecesha emavolontiya

Lelicembu litawudzilitwa uma ngabe ibhodi yetiteshi temsakato lemele umphakatsi kanye netinhlangano seyikhetsiwe kumhlangano jikelele wemnyaka wesiteshi.


Sinyatselo .1
Kumphakatsi lonelutsandvo Lwekusungula siteshi semsakato wemmango emmangweni wabo; sinyatselo sekucala kutsi wati tinhlobo nesibalo setinsita temsakato lokhona lofaka ummango wakho. Loku kutewuniketa umcondvo lomuhle wematfuba ekutfola ilayisensi, ikakhulukati indzawo lefaka titeshi temsakato wemmango. Uma ngabe sewutfolile kwekutsi ungakhulumisana ne-ICASA kutsi ikwatise ngemafrikhwensi emsakato wemmango lakhona laniketwe indzawo yakho kanye nebudze baleyo frikhwensi. 

Lomniningwane utawusita ekuholeni ikomiti nobe licembu lelisebentako etindzaweni letidzinga kubukwa uma ngabe kwentiwa imikhankaso kanye nekuklaya ekutfutfukisweni kwemcondvo wesiteshi semsakato.

Sinyatselo .2
Kuhlanganisa ummango wendzawo kute kufakazelwe kwekutsi sidzingo semsakato wemmango sisetulu, sidzingo siliciniso futsi nelusekelo lunyenti kakhulu.

Sinyatselo .3 
Kuhlanganisa umhlangano wemmango kubachazela kutsi lomsebenti lophakanyisiwe uhlosiswe kutsi ubahlomise njani kanye netindzima tabo emisebentini yesiteshi semsakato. Kulandzela lenchubo kutawuba ngumhlangano Jikelele weMnyaka wekukhetfwa kwebhodi lemelwe ngummango lotawusetjentelwa ngulesiteshi semsakato. Emaminithi eMhlangano Jikelele weMnyaka atawuhlanganiswa kulesicelo setinsita tekusakata temsakato wemmango.

Sinyatselo .4 
Kufaka i-ICASA kulenchubo yekufaka sicelo nekutsi sicelo setinsita temsakato wemmango sitawufakwa nini. Licembu kutawudzingakala kwekutsi litfole ikhophi yesicelo ku-ICASA bese selicala kugcwalisa umniningwane lodzingekile. 

Leminye imiculu lepheleketela lifomu lekufaka sicelo

* Imiculu yekusungula
* UMtsetfosisekelo
* Ema-athikili enhlangano
* IMemorandamu nobe itayiteli ye-trust, ngekutsi ngekwakheka kwenhlangano
* Tonkhe tivumelwano tebaphatsi letihlobene nesiteshi
* Imiculu yenchubomgomo njengeyetinhlelo kanye nenchubomgomo yelulwimi
* Luhlelo lwebhizinisi
* Ema-CV emalunga eBhodi newebaphatsi
* Sakheko lesiphakanyisiwe sesiteshi
* Luhlu lwetiteshi temsakato letikhona 
* Luhlatiyo lwemakethe, luklayo lwemmango
* Ishejuli yeluhlelo loluphakanyisiwe
* Timali letilindzelekile
* Luhlu lwebanikeli
* Imalingena lelindzelekile yekukhangisa
* Inkontileka yendzawo yesiteshi 
* Indzawo yesiteshi 
* Luhlelo lwekulungisa

Ekufakeni lifomu lesicelo umfakisicelo kumele anikete linani lemakhophi lelidzingwa ngumtimba wekuniketa ilayisensi (ICASA).

Sinyatselo .5
Kutfola inkampani yekucwaninga emabhuku letawuniketa tinsita tekucwaninga kuletiteshi kute kucinisekiswe tonkhe timali kanye nemalingena leyentiwe siteshi semsakato kutawuphendvulelwa.

Sinyatselo .6
Kulungiselela kulalelwa esahlakalweni lapho khona siteshi sakho lesiphakanyisiwe sibangisana nalomunye umklamo ngefrikhwensi yinye. Libandla lelimele siteshi kumele likhombisa kuhlanganyela kwaboMake, bantfu labakhubatekile kanye netinhlangano temphakatsi.

Sinyatselo .7
Kutfola ematfuba ekucecesha emavolontiya esiteshi kute balungiselelwe kwenta umsebenti wangemihla wekusakata wesiteshi semsakato. Uma ngabe sekutfolakele ilayisensi futsi yonkhe intfo seyime ngemumo kufaka ekhatsi kufakwa kwesitudiyo kanye netihambisamsindvo; ngako-siteshi sisuke sesikulungele Kuya Emoyeni.

Timo letisemtsetfweni letisemcoka kuMsakato wemmango
* Umsakato wemmango ngumtimba longasebenteli inzuzo. Ngako-ke kute emasheya longatsengiswa nobe longatsengwa. Nobe ngabe nguyiphi imali leyentiwe siteshi, kumele isetjentiswe kuso. 
* Kute ilayisensi yemsakato wemmango lenganiketwa nobe nguliphi licembu, inhlangano, umtimba nobe inhlanganisela loluhlobo lwelicembu letepolitiki. Futsi kute nemalunga etinhlangano letiluhlobo lwetepolitiki yemacembu langavunyelwa kuhlala kubhodi nobe kubaphatsi besiteshi semphakatsi.
* Umsakato wemmango yilayisensi yesigaba lesivuselelwako lena sikhatsi sakhona singadluli kuminyaka lengu-10.
* Kusebentisa umsikati wemmango, kudzingakala emalayisensi lamabili, lekulawa: ilayisensi ye-broadcasting service kanye nelayisensi ye-radio frequency spectrum.  Uma siteshi singafuna kubonisa isiginali yaso, kutawudzingakala ilayisensi lenye ye-Electronic Communications Network Service.
* Ilayisensi yemsakato wemmango angeke indluliselwe kunobe nguwuphi umtimba nobe bantfu ngaphandle kwemvumo ye-ICASA.  Futsi netimo telayisensi tayo angeke tiguculwe ngaphandle kwaleyo mvumo.    
* Kusakatwa kwelukhetfo lwelicembu letepolitiki kanye nemikhangiso yetepolitiki akakuvunyelwe kwekutsi kwentiwe esiteshini semmango ngaphandle kwesikhatsi selukhetfo futsi loku kumele kuncunywe yi- ICASA.
* Kuvuselelwa kwelayisensi yemsakato wemmango, sicelo lesibhaliwe kumele sentiwe ku-ICASA 	hhayi ngaphasi kwetinyanga letingu-6 ngaphambi kwesikhatsi sekuphela kwelayisensi. 

Imitsetfo Lebalulekile
* Umtsetfo wetekuChumana ngekwe-Elektroniki, 2005
* Umtsetfo we-ICASA, 2000
* Umtsetfo loChitjiyelwe we-ICASA, 2005
* Umtsetfo wetekuSakata, 1999
* Umtsetfo loChitjiyelwe wetekuSakata, 2002
Ngaphasi tinhlangano letisemcoka kanye netikhungo letingasita siteshi enchutjeni yekusungula kanye nekusebenta kwesiteshi semsakato


Umniningwane locuketfwe ufaka ekhatsi:

1. Umtimba wetekuChumana lotiMele waseNingizimu Afrika (ICASA)
2. I-SENTECH
3. I-Media Development and Diversity Agency (MDDA)
4. Litiko Letekuchumana (DoC)
5. I-Government Communications and Information System (GCIS)
6. I-National Umphakatsi Radio Forum (NCRF)
7. I-National  Electronic Media Institute of South Africa (NESUNGULA)
8. I-South African Advertising Research Foundation (SAARF)
9. I-Universal Service and Access of South Africa (USAASA)





1. UMTIMBA WETEKUCHUMANA LOTIMELE WASENINGIZIMU AFRIKA (ICASA)

Sendlalelo
I-ICASA ngumkhicito wemtsetfo, weMtsetfo loChitjiyelwe waseNingizimu Afrika weMtimba wetekuChumana lotimele wanga-2000, lochitjeyelwe kamuva nga-2005. 
I-ICASA yasungulwa ngaJulayi 2000, ngekuhlanganiswa kwemlawuli wetekuchumana ngetinchingo (Telecommunications Regulators Association of Southern Africa) kanye nemlawuli wetekusakata (Independent Broadcasting Authority). 
Imisebenti ye-ICASA: 
Umtimba ulawula timboni tekuchumana ngetinchingo kanye netimboni tekusakata ngetimfuno tesive. Imisebenti yawo lesemcoka:
* Kwente imitsetfotimiso kanye netinchubomgomo letengamela tekuchumana netekuchumana ngetinchingo 
* Kukhipha emalayisensi kubaniketi betinsita tetekuchumana ngetinchingo nakubasakati (kufaka titeshi temsakato wemmango)
* Kucaphela simo nekukuphocelela kutfotjelwa kwemitsetfo, imitsetfotimiso netinchubomgomo 
* Kulalela nekutsatsa tincumo kumibangno naetikhalweni letiletfwe yimboni nobe ngemalunga esive ngebantfu nobe tinkapani letiniketwe emalayisensi 
* Kuhlela, kulawula nekuphatsa i-frequency spectrum kanye   
* Nekuvikela batsengi kumikhuba yebhizinisi lengakalungi, tinsita letisezingeni leliphasi kanye nemikhicito lelimatako kumbe leshibhile.
Emalayisensi ekusakata eminyaka lemitsatfu eTiteshi teMsakato weMmango. 
Kute kutfolee ilayisensi yekusakata siteshi semsakato wemmango:
* Kumele sicinisekise kutsi lomsakato wemmango ulawulwa ngalokuphelele ngumtimba longafuni inzuzo futsi uchutjekiswe ngetinhloso tekungatfoli inzuzo.
* Kumele sicinisekise siteshi semsakato wemmango sitawusebentela timfuno temphakatsi waso.
* Sidzingeke kwekutsi sitfole kwesekelwa ngumphakatsi kute kumiswe semsakato wemmango.
* Sidzingeke kwekutsi sigcugcutele emalunga emmango waso kutsi ahlanganyele ekukhetfweni nasekuniketweni kwetinhlelo ngesikhatsi semsebenti wekusakata.

Lofaka sicelo futsi udzingakale kwekutsi 
* Akhombise sidzingo, kufunwa ngemandla, likhono kanye nebungcwetu kutinsita letiphakanyisiwe. 
* Akhombise lizinga lebucwepheshe betinsita letiphakanyisiwe
* Afake bufakazi betinsita tetimali kanye neluhlelo lwebhizinisi lwethemu yekucala yelayisensi yekusakata.

1. Emva kwekuhlanganisa letidzingo likhasimende litsintsa i-ICASA kutsi litfole emafomu esicelo.
2. Ligcwalisa emafomu futsi libuyisele emafomu ku-ICASA. Likhasimende lidzinga kubonisana nalabanye babambimsuka (njenge-MDDA, Sentech ne-DoC) kucinisekisa kutsi kuhlangabetwana nato tonkhe tidzingo letifanele.




IMININGWANE YEKUTSINTSANA: 

Likheli Lendzawo
Blocks A, B, C and D, Pinmill Farm
164 Katherine Street
Sandton
Likheli Lekuposa

Private Bag X10002
Sandton 2146

Lucingo:
Ifeksi:
011 321-8200
011 444-1919
I-I-email
info@icasa.org.za
 




2. I-SENTECH
Sendlalelo 
I-Sentech icale kusebenta nga-1992 ngaphasi kwe-SABC, njengemniketi wesiginali kuwo wonkhe emathransmishini lahlobene ne-SABC. Leligunya lafaka tinsita letiniketwa i-M-Net, Radio 702, Radio Ciskei, Transkei ne- Bophuthatswana Broadcasting Corporation.
Kumbiko wayo we-Triple Inquiry lowashicelelwa ngenyanga yeNgci 1995, uMtimba wetekuSakata lotiMele (IBA) yanconota kwekutsi i-Sentech ihlukaniswe ku-SABC bese i-Sentech iba yinkapani yesive, nawo wonkhe emafasilithi ekuniketa emasiginali etabelo te-TBVC takudzala futsi sebasebenti bandluliselwe ku-Sentech. Umbiko we-IBA wamukelwa yiPhalamende ngeNdlovu-lenkhulu 1996 kantsi neMtsetfo we-Sentech wekuphumelelisa letinyatselo wamukelwa yiPhalamende ngaLweti 1996.
I-Sentech nyalo isebenta njengebhizinisi yembuso yetekuhweba nebacondzisi bebhodi yayo.
I-Sentech iniketwe ilayisensi yi-IBA njengemniketi wesiginali yekusakata kusigaba sekutfwala lokwetayelekile. I-Sentech ngumgogodla wekusakata eNingizimu Afrika, iphetse futsi ilawule cishe ema-terrestrial broadcasting transmitter sites langu-210 lapho khona kungeniswa emathransmitha i-short-wave, medium wave, FM, ithelevishini nema-MMDS transmitters (langetulu ku-1200) kuphakela besakati labehlukahlukene (kufaka ekhatsi Basakati beMsakato weMmango) eNingizimu Afrika. 
Ifrikhwensi yeTiteshi teMsakato weMmango:
Kute utfolwe ifrikhwensi ku-Sentech siteshi semsakato wemmango sidzinga:
* Kutfola lifomu lesicelo ku-ICASA
* Kuhlola ne-Sentech nobe i-ICASA ifrikhwensi lekhona endzaweni yekusakata lehleliwe.
* Uma sewutfolwe ifrikhwensi cela i-Sentech kutsi unikete emabalave ekusakatelwa kanye nemaspesifikheshini ebuthekinikali ngemali letsite. 
* Gcwalisa lifomu lesicelo bese ulitfumela ku-ICASA kutfola ilayisensi. Lokuhlanganiswe kulikheli lesicelo kumele kube tincwadzi tekwesekela letiphuma ku-mdda ne-DoC kanye nesivumelwano se-Sentech sekuniketa isiginali.


IMINININGWANE YEKUTSINTSANA:

Likheli lendzawo
Augusta House, Fourways Golf Park,
Roos Street, Fourways

Likheli leliposi

Private Bag X06, Honeydew, 2040

Lucingo:
011 471 4400

I-email
support@sentech.co.za
 













3. MEDIA DEVELOPMENT AND DIVERSITY AGENCY (MDDA)

Sendlalelo 

I-MDDA yi-ejensi yekutfutfukisa lebekwe njengemlingani phakatsi kwahulumende waseNingizimu Afrika kanye netinkapani letinkhulu temaphephandzaba nekusakata kutsi isite ekutfutfukiseni umphakatsi kanye nemisakato yetekuhweba lemincane eNingizimu Afrika.

I-ejensi iniketa lusito ngekutsi:

* Inikete lusito lwetimali kumiklamo (lengasebenteli inzuzo) yekusakata ngekuhweba lemincane. (Kufaka ekhatsi kusakata kwemaphephandzaba, irediyo, ithelevishini, kwe-elektroniki/lokusha njll).
* Kwenta nekwesekela luklayo
* Kusita ngekwakha likhono
* Lusito lwetebucwepheshe.


Nanobe letindlela letitsite tekwesekela tehluka ngehlukana kwemiklamo, letintfo letilandzelako tenchitfomali jikelele ye-MDDA uma ngabe iniketa lusito: 

* Tekusakata kwasemmangweni
* Tindleko tekucecesha nekwakha emakhono
* Tindleko tekusebenta
* Kweluleka ngemsebenti kusita ngetimfundvo letingenteka, kuhlela Buholi, tinhlelo tetetimali nekuphatsa


TIMALI TE-MDDA:

* Umtimba losemtsetfweni 
* Imiklamo yemphakatsi: i-Section 21, Cooperative, NPO, NGO nobe i-CBO.
* Imiklamo yetekuhweba lemincane: i-Close Corporation, Private Company, Sole Proprietorship
* Likhasimende lelitfobela temisebenti naleminye imitsetfo eNingizimu Afrika
* Likhasimende leline-akhawunti yasebhangi yemklamo

UMGOMO LOSETJENTISWAKWO KWESEKELA NGETIMALI

Lemigomo lelandzelako iyabukisiswa uma ngabe iBhodi ye-MDDA incuma ngesicelo: 

* Bukhulu Lomklamo lowenyusa ngabo kutfutfukiswa nekwehlukahlukana kwetekusakata
* Umtselela longahle ube khona kumiphakatsi lebeyincishwe ematfuba ngaphambilini kanye nebantfu labangasetjentelwa ngalokwanele ngumsakato
* Umtselela longahle ube khona wemklamo kutilwimi tendzabuko letishabalele ngekwemlandvo kanye nemacembu etemasiko
* Bukhulu lobu umklamo ugcugcutela ngabo buniyo, kulawula, kuhlanganyela kanye nekufinyeleleka kutekusakata kwemimango kanye nebantfu lebebancishwe ematfuba ngaphambilini
* Bukhulu umklamo lotfutfukisa ngabo imitfombolusito yeluntfu, Kucecesha kanye nekwakha emakhono ekhatsi kwemboni yetekusakata, ikakhulukati kuBantfu lebebaNcishwe ematfuba ngaphambilini (HDI)
* Lizinga kanye nekwentiwancono kwemklamo
* Lizinga kanye nekwentiwancono kwemklamo
* Kutsi ngabe umklamo utakwenyusa ilitheresi kanye nelisiko lekufundza
* Kutfotjelwa kwemitsetfo yekusakata
* Imikhuba lemihle yekwenganyelwa kwemklamo kufaka ekhatsi kuphatfwa kwetetimali nekuphatfwa kwemklamo
* Kusimama kwetetimali kwemklamo
* Kukhululeka kwemklamo kunobe nguwuphi umtimba wetekusakata (Caxton, Kagiso Media, SABC, Primedia, Johcom, ETV, M-net, Independent Newspapers, Media 24 njll.) leyesekela ngetimali i-MDDA; nobe nguliphi licembu letepolitiki nobe Hulumende.

Ticelo tekwesekela ngetimali tidzinga kwekutsi tibe tihlanganise lemiculu lelandzelako:
* Luhlelo lwebhizinisi loluchaza ngemniningwane wenkapani, 
* Luhlatiyo lwemakethe, imikhicito netinsita, idatha yetetimali. 


INCHUBO NETIKHATSI TEKUSEBENTA

IBhodi ye-MDDA inemsebenti wekuncuma tonkhe ticelo letitfolwe yi-MDDA. IBhodi ihlangana kane ngemnyaka kutewubuyeketa ticelo. Jikelele, kutsatsa tinyanga letimbili kutsi uMphatsi weluhlelo ahlole sicelo futsi alungiselele kusetfula kuBhodi. Kuphelela kahle nemininingwane leyanele yesicelo, kwenta sicelo kutsi sisebenteke malula. Kwatiswa kwemphumela kungekhatsi kwemaviki lamabili emva kweMhlangano weBhodi. 
	

IMINININGWANE YEKUTSINTSANA: 

Likheli lendzawo:
15th Sherborne Road, 
1st Floor Ristone Office Park South,
 Parktown, Johannesburg
Likheli leliposi:
PO Box 42846, Fordaburg, 2033
Lucingo:
011 726-3336
I-email
info@.mdda.org.za
 




	



4. LITIKO LETEKUCHUMANA (DoC)

I-DoC litiko lahulumende lelibukene neMkhakha weTheknoloji yeMniningwane netekuChumana (ICT) eNingizimu Afrika.  Umkhakha we-ICT ufaka ekhatsi tekuchumana, tekuchumana ngelucingo, teliposi nemagatja etheknoloji yetekuchumana.
 
I-DoC neMsakato wemmango
Kumkhakha wetekuchumana i-DoC idlala indzima lebalulekile ekwesekeleni titeshi temisakato yemphakatsi. 

Litiko lisita titeshi temsakato wemimango
* Ngetakhiwoncanti letisisekelo (ngalokugcwele titudiyo tekusakata nekukhicita tinhlelo), 
* Kwesekela kusabalalisa isiginali ngekwesekela ngetimali kusabalalisa isiginali kufika elinanini lekugcina lema-watts langu-200
* Kuniketa tinsita tetimali tekukhicita kanye nekusakata tinhlelo
* Kubuyeketa tinchubomgomo letikhona kucinisekisa kwekutsi telekelela kusimama kanye nekukhula lokuchubekako kwemkhakha wemsakato wemmango.
* Lusito lwetimali lwekucecelwa kundluliselwa kwesiginali ne-Sentech
* Lusito lwetimali lwekuceceshelwa buthekinikali bekucala kanye nekukhicita ne-NESUNGULA

Inchubo yetiteshi temsakato wemmango yekutfola lusito ku-DoC ingalendlela:

1. Emva kwekutfola ilayisensi ku-ICASA siteshi semsakato wemmango senta sicelo lesisipesheli ku-DoC sesakhiwoncanti (titudiyo tekusakatela kanye neluchungechunge lwesathelayithi). Lokufakwe kusicelo kumele kube yincwadzi yelusito loluphuma kuSiphatsimandla Sendzawo nobe Hulumende Wasekhaya  aniketa sakhiwo sekufakwa kwemishini.
2. Titfunywa te-DoC tiya endzaweni yekusakatela lehlosiwe yesiteshi semsakato wemmango bese sebenta luhlolo lwendzawo.
3. Emva kwaloko i-DoC ilungiselela imininingwane yethenda litawuniketwa yekuphakelwa ngetakhiwoncanti.
4. Ngalesikhatsi kulindvwe kwemukelwa kwethenda, i-DoC yenta umhlanganosikolo wenchubomgomo kanye nekulawula kute kulungiselelwa baphatsi besiteshi kusebentisa lesiteshi.
5. Uma ngabe ithenda seyiniketiwe
o Inkontileka isayindwa phakatsi kwe-doc nesiteshi
o Imishini iniketwa siteshi
o Siteshi sicala kusakata.


IMINININGWANE YEKUTSINTSANA:

Likheli lendzawo
iParioli Office Park, 399 Duncan Street, Hatfield, Pretoria
Likheli leliposi
Private Bag X860, Pretoria, 0001

Lucingo:
Ifeksi:
012 427 8000
012 427 8016 
Iwebhusayithi 
www.doc.gov.za
 
 
Other stakeholder organisations include:



5. LUPHIKO LWETEKUCHUMANA NEMNININGWANE LWAHULUMENDE
Umgomo we-GCIS kutsi unikete Buholi kutekuchumana kuhulumende kanye nekucinisekisa kwekutsi sive siyatiswa ngekuphunyeleliswa kweligunya wahulumende.
I-GCIS ibhekene ngco nekuchumana phakatsi kwahulumende kanye nebantfu. Ligugu lelikhulu libekwe ekuchumaneni lokutfutfukisako lokugcizelela inkhulumiswano ngco, ikakhulukati etindzaweni letincishwe ematfuba. I-GCIS ibandzakanyeka ekubhalweni kwemasu ekuchumana kanye netinhlelo tahulumende wonkhe esigabeni savelonkhe, kanye nekuhlanganisa imisebenti yetekuchumana yawo wonkhe ematiko ahulumende.
IMINININGWANE YEKUTSINTSANA:
Likheli lendzawo
356 Vermeulen St, Midtown Building, Pretoria
Likheli leliposi
Private Bag X745, Pretoria, 0001 

Lucingo:
Ifeksi:
012 314 2911 
012 325 2030 

I-email
govcom@gcis.gov.za




















6. I-National Public Radio Forum -NCRF
I-NCRF yesekela imiphakatsi kutsi ikhulume ngayo ngekusebentisa yona.
I-NCRF yinhlangano yavelonkhe, lenemalunga etiteshi temsakato wemmango kanye netinhlangano tetinsita tekwesekela. Emalunga emsakato wemmango ngema-Cobs langasebenteli inzuzo lotimele - laphetfwe futsi asetjentiswa yimiphakatsi yendzawo leyahlukahlukene lehlanganyela ngekutimisela ekutfutfukisweni kwemisebenti yetinhlelo, tentfutfuko yendzawo lengenalubandlululo lesimeme

Umsebenti we-NCRF kutsi yakhe simondzawo lesesekelako kanye neligama lemkhakha lehlangene locinisekisa kukhula lokunemphilo kwemsakato wemmango eNingizimu Afrika.


IMINININGWANE YEKUTSINTSANA:

Likheli lendzawo
9th Floor Field North Building, 23 De Beer Street, Cnr Jorissen Street
Braamfontein, Johannesburg, South Africa 

Likheli leliposi
Suite 109 Post Net Private Bag X 42 Braamfontein 2017
Lucingo:
Ifeksi:
011 - 403 4336
011 - 403 4336
I-email:
info@ncrf.org.za 




















8. I-NATIONAL ELECTRONIC MEDIA INSTITUTE OF SOUTH AFRICA (NESUNGULA)
I-National Electronic Media Institute of South Africa (NESUNGULA) icale kusebenta njengesikhungo setemfundvo nekufundza, lesibukene nekufundzisa emakhono ekukhicita newecwepheshe lobusebenta ku-TV, umsakato, kanye netimboni tekusakata. Lowentiwe njengencenye yemklamo wahulumende nga-1998, injongo yayo lesisekelo bekukucecesha bantfu lebebancishwe ematfuba ngaphambilini, ikakhulukati bomake, kanye nekubahlomisa ngemakhono lafunekako kudlala tindzima letibalulekile esimeni setekusakata. 
Lesikhungo lesivuselelwe kabusha nyalo sisendleleni yekuphetsa umsebenti wemakhozi lovakalako, lonenhloso, lobalulekile lofaka ekhatsi tonkhe tinhlangotsi temisebenti yekukhicita leyemukela letheknoloji lesondzelanako yekukhicita tinchukaca letisetjentiwa ngangcondvomshini. Iniketa lucecesho kuyo yonkhe imikhakha lesemcoka kulomhlaba lokhulako lapho ividiyo, umsindvo, emagrafiki, ema-animation, lucingo kanye nedatha kuhlangana ekuhlanganeni kwabongcondvomshini, emasathelayithi, ithelevishini ne-Inthanethi. Yinhlanganisela yetintfo tekuchumana lebitwa kabanti nge-"Convergence" (Kuhlangana), futsi lebambe sikhiya sencenye lenkhulu yelikusasa leNingizimu Afrika kanye nemhlaba.

IMINININGWANE YEKUTSINTSANA:

Likheli lendzawo
21 Gorton Road, Parktown,
2193, South Africa

Likheli leliposi
P.O. Box 545, Auckland Park,
2006
Lucingo:
Ifeksi:
011 484 0583
011 484 0615

I-email:
info@nesungula.co.za





9. I-SOUTH AFRICAN ADVERTISING RESEARCH FOUNDATION (SAARF)
I-SAARF yinhlangano lengasebenteli inzuzo leyasungulwa nga-1974 yetilinganiso ngalokuchubekekako letiphelele, letingabandlululi, letilicinisa letetsembikile futsi letikholwekako tebalaleli betekusakata kanye nekusetjentiswa kwemkhicito, ikakhulukati i-Radio Measurement Surveys (RAMS), i-All Media Products Surveys (AMPS) kanye ne-Television Audience Measurement Surveys (TAMS). Yinhlangano ytinhlanganisela letintsatfu lefaka ekhatsi bamakethi, ema-ejensi etekukhangisa kanye nebaniyo betemisakato.  Lemiklamo longenhla ibaluleke kakhulu ekuncumeni linani lekusebenta kwebhizinisi yetekusakata.
I-SAARF isekelwa ngetimali ngelinani lelibekiwe lebaniyo betekusakata ngemaphephandzaba futsi nangenhlawulo yemboni lekhishwa baniyo betekusakata (ithelevishini, imisakato, njll.) Inhlawulo kwanyalo ngu-1.0% wemali lengenako yekukhangisa kantsi incenye yakhona iphindze isetjentiswa kwesekela ngetimali i-Advertising Standards Authority (ASA).


IMINININGWANE YEKUTSINTSANA:

Likheli lendzawo
54 Queens Road,
Bryanston

Likheli leliposi
PO Box 98874
Sloane Park 2152
South Africa

Lucingo:
Ifeksi:
011463-5340/1/2
011 463-5010

I-email:
info@saarf.co.za









10. I-UNIVERSAL SERVICE AND ACCESS OF SOUTH AFRICA (USAASA)
Indzima lenkhulu ye-ejensi kutsi yenyuse umsebenti wawonkhe wonkhe nekufinyeleleka kumatheknoloji etekuchumana kanye netinsita kubo bonkhe bantfu baseNingizimu Afrika. Iphindze yelekelele futsi inikete yeluleke ekulinganiseni, kucaphela kanye nasekuphunyelelisweni kwetikimu letiphakamiso kwenta ncono kufinyeleleka kwawonke wonkhe nasetinsitweni. Ngetulu kwaloko, ibandzakanyeka ekusungulweni kwema-telecentres (tikhungo tetincingo), letiniketa tinsita te-ICT, ikakhulukati etindzaweni tasemaphandleni, ngesisekelo sekubuyiswa kwetindleko.  Le-ejensi igunyatwa yi-Electronic Communications Act, no: 36 (2005) kutsi ikhulise tinsita tekufinyeleleka kwawo wonkhe kuyo kumkhakha wemsakato wemmango.    

IMINININGWANE YEKUTSINTSANA:
Likheli lendzawo
Bekker Street
OfficePark 21
Midrand
Lucingo:
Ifeksi:
I-email:
Iwebhusayithi 
www.usaasa.co.za 







1


