Emaphoyisa kufanele akhokhele timpimpi njengalokutsenjisiwe - Mushwana

Umvikeli Wesive Lawrence Mushwana utjele Luphiko Lwemisebenti Yemaphoyisa AseNingizimu Afrika   (SAPS) kutsi akhokhele impimpi, lesite emaphoyisa ne- National Prosecuting Authority (NPA) kutsi basombulule licala lekuntjontja, inkhokhelo letsenjisiwe ngu- R75, 000.

Ngemuva kwekuphenya loludzaba, Adv. Mushwana utjele i-SAPS kutsi igcine kwenta titsembiso letingagcinwa etimpimpini njengoba loku kugcine ngekutsi ligama layo lingcoliswe.“lokutiphatsa kuletsa sitfunti se-(SAPS) phasi,” washo njalo.

Lommangali waya ku- OPP nga- 2007, imimyaka lemitsatfu ngemuva kwekutsi lelicala liphele, asola kutsi i- SAPS  e-Gauteng ihlulekile kumkhokhela inkhokhelo yakhe. 

Emaphoyisa anikete lenkhokhelo kunoma ngubani longabasita bona ne-NPA kutsi babophe basolwa babuye bente kutsi kuboshwe kulelicala, lokufaka phakatsi kutsatfwa kwemali, kubulala nekutama kubulala. Ummangali wabuye wafakaza enkantolo ngaloludzaba. 

Lenkhokhelo kusolelwa kutsi yakhokhelwa i- SAPS Yikhulani Security, nanoma lesitsembiso sentiwa ngemaphoyisa egameni lenkapani yekuvikela.

Ummangali wafakwa ngaphasi kweluhlelo lwekivikelwa. Ngesikhatsi seluphenyo, i- OPP yatfola kutsi nangemphela ummangali wawaniketa i-SAPS lwati lolwaholela ekuboshweni nasekuvalelweni kwebasolwa ecaleni lekubamba inkundzi. 

Kwabuye kwatfolakala kutsi i- SAPS yehluleka kukhokhela ummangali lenkhokhelo lekukhulunywa ngayo.

Adv. Mushwana wahambisa lakutfolile netincumo  tembiko wakhe Endvuneni Yekuvikela Nekuphepha Nathi Mthethwa( nyalo lebitwa ngeliphoyisa) Nankhomisheni Wemaphoyisa wase- Gauteng Perumal Naidoo.  



