Umvikeli Wesive  ugeza litiko kuphrophaganda yelicembu- yepolitiki 

Tinsolo tekutsi imali yesive yasetjentiswa Litiko Lekutfutfukiswa kwemphakatsi Lase-Gauteng kuchuba luhlelo lwelicembu lepolitiki betingasilo liciniso, luphenyo lelihhovisi lemvikeli wesive kuvete i-(OPP) .

I-OPP iphenye loludzaba lapho Lilunga Lephalamende lakhala kutsi lomele i- African National Congress (ANC) Lobekuyinkhulumo yemcombelelo timalo Yendvuna, Kgaogelo Lekgoro beyingakafaneli futsi ingekho emtsetfweni.  Inkhulumo lelungisiwe yashicilelwa kusikhangisi seliphephandzaba. 

Ummangali walwela kutsi sikhangiso sigcine saba iphrophaganda yelicembu lepolitiki lesikhokhelwe ngetimali tesive. 

Noma kunjalo, loluphenyo lusungule kutsi akukavami noma akukalungi kutsi tinhloko tematiko kutsi ticondzise kucabanga kwabo kwemphumelelo yelicembu lepolitiki labalimele, uma bakhuluma nesishayamtsetfo ngetindzaba letitsintsa umphakatsi. 

“Litiko liboshwa ngumtsetfo kutsi latise sive ngekusebenta kwemisebenti nekutsi imali yesive yabiwa njani nekutsi isebenta njani,” kusho umbiko we- OPP lolandzela loluphenyo.

“Kusetjentiswa kwemali lokwenteke ekufakeni sikhangiso ephephandzabeni kwatisa umphakatsi ngalokucuketfwe enkhulumeni Yendvuna, angeke itsatfwe ngekutsi ayikho emtsetfweni noma ayisikahle.”

Umvikeli Wemphakatsi watfola kutsi kusebenta kwemali lokwenteke ngenca kekukhangisa bekungakelwa kudlala ngaloko angeke kutsatfwe njengalokunganamsebenti noma kusaphata.

