LWANI NEKHOLERA
      
      
      
      
      
      
INDLELA LELULA YEKUVIMBELA IKHOLERA
      
EMATIKO:
ETEMANTI NEMAHLATSI. ETEMPHILO, HULUMENDE WESIFUNDZA NEWASEKHAYA, LUHLELO LETEKUCHUMANA NEMINININGWANE
YAHULUMENDE









Yini ikholera?

Ikholera sifo umuntfu lasitfola ngekunatsa emanti adle nekudla lokuneligciwane lekholera.

Ligciwane lelibanga ikholera litfolakala kumangcoliso emuntfu.

Isakateka njani ikholera?

* Ngekunatsa emanti nekudla kudla lokunaleligciwane lekholera.

Umbona njani umuntfu lonekholera?


* Nangabe umuntfu agijinyiswa sisu.
* Nangabe umuntfu aphindza ahlante.
* Nangabe umuntfu alahlekelwe ngemanti lamanyenti emtimbeni.


Ivinjelwa njani ikholera?


1. Cinisekisa kutsi emanti lowanatsako abilisiwe nobe ahlantiwe

1.1 Kubilisa emanti: Pheka emanti adzimate abe nemabhamuta bese  uyawayekela abile umzuzu lowodwva.

1.2 Kuhlanta emanti: Faka 1 thisipuni yejavela ku 25 yemalitha emanti.
Vala emanti bese uyawayekela emahora langu 2 ngaphambi kwekuwasebentisa.


2. Geza kudla lokungakaphekwa ngemanti labilile nobe lahlantiwe ngaphambi kwekudla.

3. Geza tintfo letitfwala emanti, mabodo netitja ngemanti labilisiwe nobe lahlantiwe.

4. Sebentisa likomishi lelihlantekile kukha emanti entfweni lenkhulu.

5. Vala kudla kwakho ngaso sonkhe sikhatsi ukuvikele etimphunganeni.

6. Yakha ma-VIP nobe tindlu tangasese temgodzi ekudzeni nemitfombo yemanti (umfula nobe siyalu).

7. Ungasebentisi umfula njengendlu yangasese, kodwva sebentisa ma-VIP nobe tindlu tangasese temgodzi.

8. Geza tandla takho emantini labilisiwe emuva kwekusebentisa indlu yangasese nangaphambi kwekutsintsa kundla.


Ungamsita njani umuntfu losekanekholera?


Mnike inhlanganisela yashukela nasawoti anatse.


Uyenta njani inhlanganisela yashukela nasawoti?


Tsatsa 1 ilitha yemanti labilisiwe, faka 8 emathisipuni lalingene ashukela nehhafu yethisipuni yasawoti bese uyahlanganisa.

Mnike lenhlanganisela kancane kancane tikhatsi letinyenti.


LOKUBALULEKILE


Khumbula, chubeka unike lomuntfu lonekholera lenhlanganisela yashukela nasawoti.

Mhambise emtfolamphilo losedvutane nobe esikhungweni sekubuyisela emanti emtimbeni ngekushesha.

Nangabe ufuna leminye imininingwane, nobe mhlawumbe ucabanga kutsi unekholera, yani emtfolamphilo, esibhedlela, kudokotela nobe kumsebenti wetemphilo.



