LITIKO LETEBULUNGISWA NEKUTFUTFUKISWA KWEMTSETFOSISEKELO


IMIGOMOSISEKELO YE-BATHO PELE YEKUSEBENTA LESIPHOHLONGO


Tsine kuleliTiko sitibophelele kusebentisa lemigomo ye ?People First? ngaphandle kwekucitsa sikhatsi. Sitayisebentisela kufika emazingeni lemukelekile nakumazinga lasetulu etinsita kanye nekhwalithi ngalokukhulu kushesha.

1. KUBONISANA

Kumele kuboniswane netakhamiti kumele ngelizinga nangekhwalithi yetinsita tahulumende labatitfolako futsi, lapho kukhonakala khona, kumele baniketwe litfuba lekutikhetsela ngetinsita labaniketwa tona.

Udzinga kucinisekisa kutsi kuBoniswana njalo futsi ngendlela lehlelekile kute kutsi liHhovisi lihlale lati ngetidzingo temakhasimende akho.

2. EMAZINGA ETINSITA

Takhamiti kufanele tatiswe ngelizinga nangekhwalithi yetinsita labatatitfola kute kutsi bahlale bati kuyini labatakutfola.

Wonkhe umtfwalo ukuwe nekulandzisa kusishayamtsetfo ngekusetjentiswa kwenchubomgomo yaHulumende, ngako-ke udzinga kucinisekisa kutsi tinsita tiniketwa ngelizinga lelemukelekile kumakhasimende.

3. KUFINYELELEKA

Tonkhe takhamiti kufanele tifinyelele ngalokulingako kutinsita letigunyatwe kuto.

Udzinga kucacisa futsi ubeke imigomo yekufinyelela lokundlondlobalako kwalabo bebangatitfoli tinsita ngaphambilini, sibonelo, bantfu labakhubatekile. Udzinga kucinisekisa kutsi tonkhe tintfo letivimbako tiyakhishwa.

4. INHLONIPHO

Takhamiti kufanele tihlonishwe futsi tinakwe.

Udzinga kucinisekisa kutsi indlela yekutiphatsa yeliTiko ifaka ekhatsi emazinga endlela emakhasimende lekufanele kutsi aphatfwe ngayo.




5. UMNININGWANO

Takhamiti kufanele tiniketwe umniningwano logcwele nalocondzile ngetinsita tahulumende labagunyatwe tona.

Umniningwano lithulusi lelisemcoka kakhulu ngasecadzini lelikhasimende ekusebentiseni lilungelo lalo kutfula tinsita letikahle. Emahhovisi kumele anikete umniningwano logcwele nalocondzile, futsi kube ngumninigwano lomusha ngetinsita labatiniketako.

6. EMACINISO NEKUBA SELUBALA

Takhamiti kumele tatiswe kutsi kusetjentwa njani emaHhovisini aVelonkhe newetiGodzi, abita kangakanani futsi aphetfwe ngubani.

Nesitafu sangekhatsi kufanele siwutfole lomniningwano lonjena. Umsebenti wekuphatfwa kumele ungabi yimfihlo. Udzingo kuniketa umniningwano ngemsebenti wakho ngekulinganisa ngemazinga labekiwe ekusebenta lokutfutfukisiwe, kugcinwa kwetimali futsi nekusetjentiswa ngendlela lekahle. Imininingwano yemalunga esitafu kanye netikhulu letisetulu kufanele ingabi yimfihlo.

7. KULUNGISWA

Uma emazinga latsenjisiwe etinsita akaniketwa, kufanele kucoliswe kutakhamiti, tiniketwe inchazelo lephelele futsi kuniketwe nelikhambi lelisheshisako futsi lelisebentako, futsi uma kufakwa tikhalo, takhamiti kufanele tiniketwe imphendvulo lenesihawu futsi leyakhako.

Emandla nekufisa kwenta lokutsite uma tintfo tihamba kabi kusebentisana lokubalulekile kwenchubo yekubekwa kwemazinga. Udzinga kugcugcutela imphendvulo ehhovisini lakho.

8. UMSEBENTI WEMALI

Tinsita tahulumende kufanele tiniketwe ngekonga nangendlela lefanele kute kutsi kukhonjiswe takhamiti umsebenti wemali.

Udzinga kutfola tindzawo lapho khona konga kufunakala khona kanye nekutfutfukisa kuniketwa kwetinsita lokutawuholela ekongeni. Imali yakho kufanele isetjentiswe ngekuhlakanipha.


Umgomosisekelo lowelulekako wemsebenti wahulumende eliTikweni kutawuba ngulona wekusebentela bantfu

Kutfutfukisa kuniketa tinsita injongo lenkhulu yeliTiko.
