	

	

?KUSEBENTISANA NAHULUMENDE ENTFUTFUKENI YASEMAPHANDLENI?

YINI I-ISRDP:

Mengameli Thabo Mbeki umise luHlelo lwenTfutfuko yaseMaphandleni leSimeme leHlanganisiwe (ISRDP) nga- 2001.  Inhloso yaloluhlelo lweminyaka lengu-10 kutsi kucedvwe buphuya kanye nentfutfuko lephasi futsi kwentiwe ncono lizinga lemphilo yebantfu basephandleni. 

NGABE NGUBOBANI BAZUZI :

Loluhlelo lubuke imiphakatsi yasemaphandleni ikakhulukati bomake, lusha kanye nebantfu labakhubatekile.

LOLUHLELO LUSETJENTISWA KUPHI :
Kubonwe tindzawo letilishumi nakutsatfu (13) letisemaphandleni. Letindzawo tisetigodzini tasemaphandleni kuletifundza letilandzelako:

MPUMALANGA KAPA : Alfred Nzo, Chris Hani, OR Tambo ne-Ukhahlamba.
FULESTATA : Maluti a Phofung
KAZULU NATALI : Ugu, Umkhanyakude, Umzinyathi naseZululand
LIMPOPO NASEMPUMALANGA : Sekhukhune naseBohlabela
NYAKATFO KAPA NASENYAKATFO NSHONALANGA : Kgalagadi
NSHONALANGA KAPA : Central Karoo


NGABE I-ISRDP IBUKENE NANI :

Loluhlelo luhlose kucedza buphuya : 

* Ngekucinisekisa kufinyeleleka kutemfundvo, temphilo, kutenhlalakahle/telekelelo kanye nakumitfolamphilo yesigodzi lesebentela imiphakatsi,
* Kukhulisa timakethe temsebenti ngekugcugcutela tinhlelo tekuTfutfukiswa kweMnotfo weNdzawo
* Kutfutfukisa kuphakelwa kwetinsita ? kutfola emanti nekususelwa tinsila, gezi kanye nembani, tinsita telucingo
* Kutfutfukisa tintfo tekuhamba kukhona kufinyelela etindzaweni tasemphakatsini nasetimakethe temnotfo, eposini nasemahhovisi eliposi ? kwakhiwa kwemigwaco yekufinyeleleka kute kwentiwe ncono kwetekutfutsa
* Kutfutfukisa timphahla temphakatsi ? timphahla temakhaya, imiholo kanye nenchitfomali.

NGUBOBANI BASEBENTISI BALOLUHLELO :

LiTiko laboHulumende betiFundza nabasemaKhaya (dplg) ngilo lelibukene nekucondzisa loluhlelo esigabeni savelonkhe. Ematiko aVelonkhe netiweFundza ahlanganyela ngekuniketa imitfombolusito kanye nekusebentisa imiklamo lekungacalwa ngayo leboniwe. I-Independent Development Trust (IDT) ikhetfwe njenge-ejensi leyesekelako ye-ISRDP.  

Umsebenti wahulumende wasemakhaya kutsi uphumelelise lemiklamo njengobe iboniwe eluHlelweni lwenTfutko leHlanganisiwe (IDP).  Umkhakha wangasese uhlanganyela ngekuniketa imitfombolusito kwesekela kuphunyeleliswa kwalemiklamo. 




NGABE LOLUHLELO LUSEBENTA NJANI:

Loluhlelo lucondziswe etindzaweni letikhetsiwe ngekuya ngetinkinga tentfutfuko yendzawo letiboniwe kanye nematfuba. Timali telusito kanye nemitfombolusito isuswa kuletigaba letintsatfu tahulumende kanye nalabanye balingani (umkhakha wangasese, tinhlangano letingekho ngaphasi kwahulumende; emabhizinisi ahulumende njll). Luphendvula kuletinkhomba tebuphuya kanye nematfuba etemnotfo. Loluhlelo futsi lutfutfukisa  lukhono lwabomasipalati bendzawo lwekuphakela ngetinsita. Lapha kubukwe tinhlelo letikhona tahulumende kodvwa ngahlanye kutfutfukisa tinhlelo letisha.

YINI TINHLOSO TE-ISRDP SETIPHELELE?

Tinhloso te-ISRDP setiphelele kutsi ?kubanjiswane nemiphakatsi kanye nalabanye balingani, kucedza buphuya nekutfutfukisa lizinga lemphilo yebantfu basemaphandleni ngekusebentisana lokutfutfukile kanye netikhungo letifinyelekekako letibukene netidzingo tetenhlalakahle, temnotfo, tesimondzawo kanye nekwengamela? 


NGABE IMIPHAKATSI IHLANGANYELA NJANI :

Munye kulemigomo yeluhlelo ngulona wekuhlanganyela kwemiphakatsi.  Imiphakatsi ingahlanyela kulamaforamu entfutfuko lahlanganisiwe abomasipalati bendzawo.  Lamaforamu aniketa emalunga emphakatsi ematfuba ekubona kanye nekubeka phambili tidzingo tawo. Hulumende wasemakhaya ugucula letidzingo atente imiklamo leyentiwa kucala.







NGABE TIKUPHI LETINDZAWO TASEMAPHANDLENI LETINGU-13 : 


Uma ungadzinga lomunye umniningwane chumana namasipalati lofanele :

Alfred Nzo

Mnu X Jakuja
Lucingo: (039) 254 0201
Ifeksi: (039) 254 0201


Chris Hani

Mnu M A Mene
Lucingo: (045) 838 3467
Ifeksi: (045) 838 1582

OR Tambo

Mnu M Qithi
Lucingo: (047) 501 6400
Ifeksi: (047) 532 4166


Ukhahlamba

Mfu Pietersen
Lucingo: (045) 971 0158
Ifeksi: (045) 971 0432

Bohlabelo

Mnu R Mnisi
Lucingo: (013) 773 0337
Ifeksi: (013) 773 0970

Sekhukhune

Tito Nkadimeng
Lucingo: (013) 262 4633
Ifeksi: (013) 262 2351
Kgalagadi

Mnu MK Mmoeimang
Lucingo: (053) 712 1001
Ifeksi: (053) 712 2502


Maluti A Phofung

Mnu T M Manyoni
Lucingo: (058) 718 3767
Ifeksi: (058) 713 0812


Umzinyathi

Mnu Otto Kunene
Lucingo (034) 218 1945
Ifeksi: (034) 218 1431

Ugu

Mnu Khayo Mpungose
Lucingo: (039) 682 1150
Ifeksi: (039) 682 1720

Umkhanyakude

Dkt BV Thabethe
Lucingo: (035) 573 1536
Ifeksi: (035) 573 1386

Zululand

Mnu J H de Klerk
Lucingo: (035) 874 5500
Ifeksi: (035) 870 0812

Central Karoo

Mnu DD Lott
Lucingo: (023) 449 1000
Ifeksi: (023) 414 3675



LiTiko laboHulumende betiFundza nabasemaKhaya

Nks. Mosa Molapo
Lucingo: (012) 334 -0600 
Ifeksi: (012) 334-0955

I-Independent Development Trust


Mnu Mompati Moeng 
Lucingo: (012) 845-2000
 Ifeksi (012) 365-2476
























	

