

Imininingwane yekuchumana


FINANCIAL SERVICES BOARD
446 Rigel Park Rigel Avenue South Erasmusrand Pretoria South Africa
PO Box 35655 Menlo Park Pretoria South Africa 0102
Call center: 0800 20 20 87 / 0800 11 04 43


Tintfo letidzinga kutsi ube nelwati nato kanye nemalungelo akho uma utsatsa emapholisi emngcwabo









IBHODI YETINSITA TETETIMALI








Litiko leteMfundvo yeBatsengi



Yini lekufanele kutsi uyati ngemapholisi emgcwabo

Intfo lebaluleke kakhulu yanobe nguwuphi UMSHWALENSI WELUSITO LWEMNGCWABO / I-MASTER POLICY kutsi lepholisi  kumele IKHOKHELWE yinkhapani yemshuwalensi wesikhatsi lesidze lobhalisiwe. Loku kwekucinisekisa kutsi lilunga licinisekisiwe ngesicelo selusito uma kungaba khona sehlakalo semshuwalensi (kufa).


UMNINIKATI WEPHOLISI / LILUNGA kumele liniketwe SITIFIKETI SEBULUNGA. Lesitifiketi kumele sichaze kahle libito lenkhapani lemshuwalensi; imali lekhokhwako; tinzuzo letikhokhelwako; tinchubo tekufaka sicelo semali kanye naleminye imininingwane lebalulekile nge-Master Policy. I-Master Policy kumele ichaze kahle kutsi imoshali nobe ema-ejensi abo akakacashwa yinkhapani yepholisi ngako-ke akusibo bakhokheli balepholisi.


Kubalulekile kubanikati bepholisi kutsi bakwati kutsi bangakhetsa kutsatsa tinzuzo temshuwalensi njengenzuzo yemsebenti wekungcwaba nobe ngekutfola imali lengukheshi.


Sitifiketi kufanele sichaze wonkhe umniningwane lobalulekile weMnikati wepholisi  / Lilunga kwati tintfo letifana nekutsi umshuwalensi ucala nini kukhokhela; yini lekhokhelwako futsi ngutiphi TINTFO LETINGAKHOKHELWA; sikhatsi sekulindza njll.



 















Tinchazelo

LUSITO LWEMNGCWABO / I-MASTER POLICY
Kushiwo umculu losemtsetfweni lokhishwa yinkhapani yemshuwalensi locuketse tinchukaca tetinzuzo, emanani, imitsetfo kanye netimo futsi unenombolo yemshuwalensi, lekumele ibe khona esitifiketini sakho sebulunga.

TINHLANGANO TEBUNGANI (EMASOSAYATHI)
Inhlangano yeBungani sikhungo setetimali lesibunjwe licembi lebantfu labanetidzingo letitsite, labahlanganisa imali bese bayayibeka sikanye kutsi bancedzene ngemali uma ngabe kuba khona tidzingo letitsite sib. umngcwabo. Inzuzo lenkhulu kuba ngu R5 000.
Inhlangano yeBungani akusiyo ibhizinisi yekwenta inzuzo, kodvwa nobe ngabe nguyiphi inzuzo leyentiwe ngekusisa imali lekhishwako yabelwana kuwo wonkhe emalunga.

SITIFIKETI SEBULUNGA
Kumele uphikelele kutsi utfole lesitifiketi kucunisekisa kutsi ulilunga. Lesitifiketi kumele sikukhombise yonkhe imininingwane yepholisi yakho.

BAPHATSI / BASITI
Loku kusho inkhapani leniketwe imvume yinkhapani yemshuwalensi kutsi isebente ngaphasi kwayo kutsengisela wena ipholisi.

INKHAPANI YEMSHUWALENSI
Yinkhapani yemshuwalensi wesikhatsi lesidze lebhaliswe neBhodi yetiNsita tetiMali letsatsa imali loyikhokhako ngenyanga futsi lenekhokhela tinzuzo takho uma kungenteka kuvela ingoti yekushona.



UMNIKATI WEPHOLISI / LILUNGA
Loku kusho wena njengelilunga lelikhipha imali lekhokhwako yebantfu labakhetfwe nguwo kupholisi.

IMALI LEKHOKHWAKO
Linani lokhokhako kumshuwalensi ngekwe-Master Policy.

I-OMBUDSMAN
Lona ngumuntfu lotimele lona wena njengelilunga ungamtsintsa uma ngabe ungakajabuli ngemphendvulo loyitfole kunkhapani yemshuwalensi. Imininingwane yakhe yekuchumana ikhonjisiwe kulesatiso lesisemtsetfweni futsi nangemuva kwalencwajana.

TINTFO LETIKHISHIWE
Inkhapani yemshuwalensi utawubeka timo nobe tifo kupholisi leti uma ngabe tingaholela ekufeni kwemuntfu lofakiwe, ayikho inzuzo letawukhokhelwa.



Imibuto lekufanele uyibute kanye nemniningwane lekumele uwutfole kumtsengisi

1. Um: Nguwuphi umshuwalensi losebentela wona? 
Im: Bufakazi kumele bukhishwe ngumuntfu lotsengisa ipholisi futsi kumele bube nasefomini lesicelo kanye nasesitifiketini lesikhishwako.

2. Um: Itsini iNombolo yePholisi?
Im: Loku kudzinga kutsi kukhonjiswe efomini lesicelo kanye naseSitifiketini seBulunga.

3. Um: Ngubani lengingamufaka kulepholisi?
 	Im: Laba ngebantfu labakhetfwa nguwe.

4. Um: Ngumalino lekumele ngiyikhokhe?
Im: Leli linani lotalikhokha futsi lifaka tonkhe tindleko kanye netinhlawulo. Letindleko kumele tikhonjiswe ngalokucacile.

5. Um: Ngabe ngikhokha ngenyanga, ngekota nobe ngemnyaka?
Im: Kumele utfole kutsi utawukhokha nini.

6. Um: Ngabe ngikhokha ngaphambilini nobe ngitawundlulisa sikhatsi?
	Im: Tfola kutsi utawukhokha ekucaleni kwenyanga (ngaphambilini) nobe ekupheleni kwenyanga nobe ngekundlulisa sikhatsi.

7. Um: Ngitawukhokhela njani?
Im: Ngakheshi, ngedebhithi, nobe ngestobhi oda.

8. Um: Uma ngikhokha ngakheshi ngabe ngiyayitfola irisithi yini?
Im: Yebo, kumele kube irisithi lesemtsetfweni.

9. Um: Ngabe lemali lekhokhwako itawukhuphuka esikhatsini lesitako?
Im: Imali lekhokhwako ingakhuphuka uma ngabe kufakwe ticelo letinyenti kulepholisi.

10. Um: Lemali lekhokhwako icinisekiswe sikhatsi lesingakanani?
Im: Loku kumele kukhonjiswe ku-Master Policy.

11. Um: Ngabe ucala nini umshuwalensi wami?
Im: Kungenteka kube khona tikhatsi tekulindza ku-Master Policy.

12. Um: Yini tikhatsi tekulindza?
Im: Loku kutawuvela emitsetfweni nasetimeni te-Master Policy.

13. Um: Yini leyentekako uma kufa kubangelwe yingoti?
Im: Esikhatsini lesinyenti sikhatsi sekulindza asisebenti.
14. Um: Ngabe tikhona tintfo letingavumeleki?
	Im: Loku kutawuvela emitsetfweni nasetimeni te-Master Policy.

15. Um: Yini leyentekako uma ngabe ngingakhokhi nobe ngiyekela kukhokha?
	Im: Angeke usakhavwa futsi uma ucala phasi kukhokha, tikhatsi tekulindza kanye netintfo letingavumeleki kungenteka ticale phasi futsi.

16. Um: Ngabe ikhava iphela nini emuntfwini ngamunye?
	Im: Imininingwane lephelele kufanele uniketwe, ikakhulukati kubantfwana.

17. Um: Ngabe ngiyabutfola bufakazi bebulunga bani?
	Im: Kumele utfole Sitifiketi seBulunga kanye nesifinyeto lesichaza kahle kutsi ngubobani labakhaviwe, linani lelikhokhwako, tonkhe tikhatsi tekulindza kanye netintfo `letingavumeleki.

18. Um: Ngingayingeta ikhava yami emva kwesikhatsi?
	Im: Yebo, ungatingeta tinzuzo kupholisi yakho uma ngabe u-Master Policy uvuma, nobe kunini; loko kutawungeta imali loyikhokhako futsi. Tintfo letingavumeleki kanye netikhatsi tekulindza kungenteka kusebente kulenzuzo lengetiwe.


19. Um: Ngabe ngisifaka njani sicelo semali uma kushoniwe?
	Im: Inchubo yekufaka ticelo kumele bakunikete yona ngalokujulile emitsetfweni nasetimeni tepholisi.

20. Um: Ngingayibona yini i-Master Policy?
	Im: Uneligunya lekubona i-Master Policy. Loku kuvame kwentiwa uma ngabe utiva unganetiseki ngetimphendvulo loniketwa tona nobe uma usola lomuntfu lokutsengisela lepholisi. I-Master Policy kumele ibe khona ehhovisini lelisedvute letinsita temakhasimende.

21. Um: Ngingayicisha yini ipholisi yami?
	Im: Ungayicisha ipholisi yakho kungakendluli tinsuku letingu-30 tekukhokha imali yakho yekucala futsi utfole yonkhe imali yakho uma ungakafaki sicelo semali yemngcwabo. Emva kwaloko lepholisi ingacishwa nobe ngabe kunini, kodvwa kute imali letawubuyiselwa kuwe.

22. Um: Yini leyentekako uma ipholisi yonkhe iyiswa kulenye inkhapani yemshuwalensi?
	Im: Loku kungentiwa, kodvwa kumele watiswe futsi utjelwe kutsi kubatsintsa njani bantfu lebebakhavwe ngaphambilini, mayelana nako konkhe loku lokungetulu. Kumele Inkhapani lensha yemshuwalensi ikunikete sitifiketi sebulunga. Uma ngabe ubona kutsi awukho esimeni lesilinganako nobe lesincono, kumele uchumane naleNkhapani yemshuwalensi lekhona masinyane.

23. Um: Yini leyentekako uma ngabe unesikhalo nobe umbuto?
	Im: Wena nobe bazuzi bakho kumele kwekucala nitfumele  imibuto yenu kuNkhapani yemshuwalensi. Uma ngabe ningakanetiseki, ningabika tikhalo tenu ku-Long-Term Insurance Ombudsman nobe kuBhodi yetiNsita tetetiMali. (FSB)


KHUMBULA Imininingwane ye-Ombudsman kanye neye-FSB kumele ibe seSitifiketini seLilunga futsi isemuva kwalemcwajana yemniningwane.

















