BOMAKE KUMIKLOMELO YEMANTI 2005

Ngekuhlonipha indzima ledlalwe ngubomake futsi labachubekako kuyidlala emkhakheni wetemanti eNingizimu Afrika, liTiko leTemanti neMahlatsi, ngekwesekelwa yiKhomishini yeLuphenyo lweteManti kanye neNhlangano yeManti yaseNingizimu Afrika belibamba lomklamo waBomake Kumiklomela Yemanti njalo ngemnyaka.

Lomklamo uhlose kuhlonipha kanye nekujabulela ligalelo labomake kumkhakha wetemanti kanye nekukhombisa:
?	Kuhlanganyela kwabomake labangubonjingalwati futsi labatinte emiphakatsini ekuphatfweni kwemanti; kanye
?	Nendzima lebalulekile ledlala bomake mayelana nemanti ekucedzeni buphuya, imfundvo kanye nentfutfuko lesimeme emadolobheni nasemaphandleni.

Ngemnyaka ngamunye lemiklomela ibonga bomake labadlale tindzima letihamba phambili kuletigaba letilandzelako:
?	Luphenyo Lwalabakhulu (lwemngeneli loneminyaka lengu-35 nobe ngetulu);
?	Luphenyo Lwalabancane (lwemngeneli longaphasi kweminyaka lengu-35);
?	Kutfutfukiswa Kwemphakatsi; 
?	Kufundzisa kanye Nekwatisa; kanye
?	Nekuphatfwa Nekwakhiwa Kwenchubomgomo

Bantfu labakhetsiwe kuletigaba bangaba ngumuntfu ngamunye nobe licembu. Lemiklomelo itawuniketwa bomake lababaluleke kakhulu, bomake labasebente kahle emisebentini yabo, futsi labafake ligalelo lelibalulekile kumkhakha wemanti eNingizimu Afrika. 

INDLELA YEKUKHETSA YE-WWA 2005
Loku kutawusetjentiswa ekukhetfweni make nobe bomake labasemiklameni lehlobene nemanti lesemtsetfweni nalengekho emtsetfweni

?	Lirekhodi lelatiwako lemphumelelo kanye nekubandzakanyeka;
?	Kusungula kanye nebuholi;
?	Kuphatsa umklamo kanye nekusetjentiswa;
?	Kufaka ligalelo ekuguculeni similo kanye nekutiphatsa lokuhle;
?	Kufaka ligalelo ekutfutfukisweni nasekusetjentisweni kwemiklamo lesimeme;
?	Kufaka ligalelo ekuhlanganyeleni kwesive/ umphakatsi/babambimsuka nebadlalindzima;
?	Kubeketela nekumelana nebumetima;
?	Kufaka ligalelo kutinchubo tekutsatsa tincumo;
?	Kutiphendvulela; kanye
?	Nelikhono lekukhutsata.

LUSUKU LWEKUGCINA
Emafomu lagcwalisiwe ekukhetsa kumele abe sekangenile ngamhlaka 15 Novemba 2004.



Emafomu esicelo angatfolwa kuwebhusayithi yeliTiko: www.dwaf.gov.za, nobe 
 Chumana naNks Hayley Rodkin Lucingo: (012) 336 8600  Ifeksi: (012) 336 8086  
 Incwadzigezi: RodkinH@dwaf.gov.za  nobe nemahhovisi esigodzi eliTiko kute emafomu esicelo atfunyelwe kuwe.


KUTFUMELA
Tfumela emangenelo akho ku:
Hayley Rodkin
Woman in Water Awards Co-ordinating Committee
Department of Water Affairs and Forestry
Sedibeng Building, Room 933
Private Bag X313
Pretoria
