Adv. Thomas solo usanemdlandla eminyakeni lengu 11 

Iminyaka lelishumi namunye kusukela akhetfwe njengenhloko Ehhovisi Lemvikeli Wesive Empumalanga Kapa, (OPP), Adv. Nomsa Thomas uhlala akhutsatekile  kwenta umsebenti wakhe ekuntjintjeni timphilo temiphakatsi kutsi tibe ncono. 

Lokhutsatekile ngummeli lohobe tinwele, lotalelwe wabuye wakhulelwa e- Queenstown, lokumjabulisa kakhulu kwenta lokungetulu kwemandla akhe  kusita labadzinga lusito. Khutsata 

“Ngiyakhutsateka uma ngigucula kuswaca kwekukhatsateka nekungabata kube kumamatseka lokunelitsemba.  Kunginiketa sizatfu sekulindzela lilanga lelilandzelako ngimele sakhamuti lesetayelekile esitaladini,” utsi. “imiphakatsi yasemakhaya lesiyisebebnelako isibona njengamesiya ekwetfuleni tinsita.”

Kususkela asemncane , Adv. Thomas bekasolo atsandza kufaka sandla emcondvweni wekuba nemphakatsi lapho bantfu, kungayi ngembala noma inkholo lapho bahlala ngekukhululeka, nematfuba lalingene endzaweni lephephile. 

Ecinisweni, kungenca yekungalingani kwembuso welibandlululo lokumnike lilukuluku lekucabangela umsebenti kutemtsetfo. 

Ukholelwa kutsi Lihhovisi Lemvikeli Wesive lingulesinye sikhungo lesinemsebenti lomkhulu wekubona kutsi hulumende udlala indzima yakhe ekucinisekiseni kutsi intsandvo yelinyenti yentiwa ishone ibuye ibambelele.

Ngalesikhatsi Adv. Thomas acabanga kutsi incenye yelisu  Lelihhovisi lekukopa kuchumana lokunemphumelelo naletinye tinhlaka tembuso kubalulekile, uyasheshisa kuveta kutsi Lihhovisi kufanele, noma kunjalo, lihlale lingalicala libuye litimele.

Watsi “I- OPP kufanele ibe ngumkhutsati ekuphatfweni kwemphakatsi lokutawufaka sandla ngendlela lekahle ekuhambeni inkhululumo yekwenta intsandvo yelinyenti ibonakale ebantfwini labatayelekile ,” 

Ngekuhlala amatasatasa njengoba anjalo, Adv. Thomas akasitfoli sikhatsi sekuhlala angenti lutfo, noma kunjalo, uma asitfola sikhatsi sekuphumula, utibandzakanya ekufundzeni “nasekubukeni umhlaba”.

Unelutsandvo lwekutinikela etindzabeni tengucuko emphakatsini wakhe ubuye adlale indzima lebalulekile ekusungulweni kwelicembu lekusekela lwe-HIV/AIDS , iVukume.

Lokunye lakutsandzako kudlala sikwashi, ithenisi, ichesi, iragbhi nemfana wakhe abuye aye kuyovivocavoca, abuke kakhulu ekuticecesheni emgwacweni.

 

