EMAMAKI: 100 SIKHATSI: 2½ ema-awa
Leliphepha lehlukaniswe tigaba letintsatfu:
SIGABA A: Indzaba . Labahlolwako baphocelelekile kutsi bacale ngeluhlaka.
Labahlolwako balindzeleke kutsi baphendvule munye umbuto esigabeni A, munye esigabeni B namunye esigabeni C.
Cala leso naleso sigaba ekhasini lelisha udvwebele emva kwaleso naleso sigaba.
Shiya umugca emkhatsini wetimphendvulo takho.
Bhala ngebunono nangesandla lesifundzekako kusita labatawuhlola umsebenti wakho.
Caphelisisa sipelingi nendlela yekwakha imisho.
Akube khona bufakazi lobukhombisa kutsi umfundzi uwuhlelile, wawu-fundzisisa kahle wabuye walungisa emaphutsa emsebentini wakhe.
SIGABA A
Bhala indzaba ngasinye saletihloko letilandzelako ibe ngemagama langema-200 - 250.
Benibukele umcimbi wekukhetfwa kwalobuhle wemhlaba kumabonakudze. Bhala indzaba ulandzise ngalenakubona kulomcimbi njengobe kuvetiwe kulesitfombe lesilandzelako. Indzaba yakho yinike sihloko lesitsi 'Kwabanjwa butatata.'
3. Nangingaba ngusodolobha wangakitsi. Sikhona yini sidzingo sekuntjintjwa kwemagama etindzawo kulelive? Bhala indzaba leveta wakho umbono.
Ematfuba latawuletfwa ngumdlalo wendzebe yemhlaba nga-2010 kubantfu bakuleli.
Kulamalanga sekwandze budlova kubafundzi etikolweni. Ase usho kutsi ngekubona kwakho kubangelwa yini loku nekutsi yini lengentiwa kulungisa lesimo.
Emalungelo agodliwe Phenya
SIGABA B
U-ode timphahla ngeliposi enkampanini letsite. Sekuphele tinyanga letimbili solo tingafiki. Bhala incwadzi ubatise ngalenkinga yakho.
NOBE
Umngani wakho bekakumeme edzilini lakhe lekugubha lusuku lwakhe lwekutalwa lelitawucala ngensimbi yesiphohlongo kusihlwa. Ngenca yesigameko lesake senteka emndenini wakini batali bakho bakwalele ngobe bangafuni uhambe ebusuku. Mbhalele incwadzi ucolise.
NOBE
Efemini lapho uphetse khona sekwentiwe tingucuko macondzana nesikhatsi sekungena, kuphuma nesekudla. Bhala incwadzimbiko watise tisebenti ngaletingucuko.
NOBE
Esikolweni senu lizinga lekutiphatsa kwebafundzi selehle kakhulu. Nisigungu lesimele bafundzi nibone kuncono kutsi nibite umhlangano webafundzi lapho nitewudzingidza loludzaba. Bhala luhlelo nemaminithi alomhlangano.
SIGABA C
Khetsa kunye kulokulandzelako ubhale ngako ngemagama langengci kulali-100.
Babe wakho loyinyanga sewuvule indzawo edolobheni lapho elaphela aphindze atsengise nemitsi yesintfu khona. Bhala idayari yeliviki lekhombisa kuchubeka kwalelibhizinisi.
NOBE
Dvweba likhadi lesimemo umeme umngani wakho edzilini lekuvula indlu yakini.
NOBE
Inhlangano yenu ihlele lidzili lemculo ngenhloso yekucongelela imali yekusita labo labaphetfwe yingculazi. Bhala sikhangisi saleli dzili.
