TICONDZISO KULABAHLOLWAKO Leliphepha lehlukaniswe TIGABA LETINTSATFU:
SIGABA A: Indzaba. Labahlolwako baphocelelekile kutsi bacale ngeluhlaka. 
Labahlolwako balindzeleke kutsi baphendvule MUNYE umbuto ESIGABENI A, MUNYE ESIGABENI B naMUNYE ESIGABENI C.
Cala leso naleso sigaba ekhasini LELISHA udvwebele emva kwaleso naleso sigaba.
Shiya umugca emkhatsini wetimphendvulo takho.
Bhala ngebunono nangesandla lesifundzekako kusita labatawuhlola umsebenti wakho.
Caphelisisa sipelingi nendlela yekwakha imisho.
SIGABA A
Bhala indzaba NGASINYE saletihloko letilandzelako ibe ngemagama langema340 - 390.
Emasiko adlala indzima lebalulekile ekwakheni similo kubantfu labasha. Indzaba yakho yicondzise kunobe nguliphi lisiko leSiswati. [50]
NOBE
Ngekubona kwakho licembu lesive lebhola letinyawo ngabe selikulungele yini kudlalela indzebe yemhlaba yanga-2010? [50]
NOBE
Bhala indzaba ucondzise kulesitfombe lesingentasi. Yinike sihloko lesifanele indzaba yakho. [50]
NOBE
Umshado wemnaketfu. [50] NOBE
NOBE
Buhle nebubi bemtsetfo lovumela kukhishwa kwetisu. [50]
SAMBA SESIGABA A: 50
SIGABA B
Khetsa KUNYE kulokulandzelako ubhale ngako ngemagama lali- 100 - 120.
Makhelwane wakho uhlala nemntfwana wesihlobo sakhe. Lomntfwana akaphatseki kahle uyahlukumeteka. Bhalela sonhlalakahle wangakini umatise ngalesimo uchaze nekutsi uhlukumeteka ngayiphi indlela lomntfwana. [30]
NOBE
Kuphume nasi sikhangisi ephephandzabeni langemphelasontfo. Bhala umlandvomphilo wakho lotawutfumela nesicelo salomsebenti.
Kunesikhala samabhalane. Umuntfu lotawuphumelela kulesikhundla kufanele akwati kwenta naku lokulandzelako:
Kubhala ngangcondvomshini
Kuhlanganisa emabhuku emali
Kubhala imibiko [30]
NOBE
Kunebantfu labangene ngalokungekho emtsetfweni etindlini letakhelwe bantfu labahlala emikhukhwini endzaweni yakini. Njengelikhansela lendzawo ubite umhlangano wemalunga emphakatsi nitewukhuluma ngalendzaba kute kuvinjwe umsindvo longase usuke ngalendzaba. Bhala luhlelo nemaminithi alomhlangano. [30]
NOBE
Uphumelele emchudzelwaneni wetikolo wematubane esifundzeni sakini.
SAMBA SESIGABA B: 30 SIGABA C
Khetsa KUNYE kulokulandzelako ubhale ngako ngemagama langema- 80 - 100.
Dvweba likhadi lesimemo umeme umngani wakho emcinjini wekuhalalisela batali bakho labahlanganisa iminyaka lengemashumi lamane bashadile. [20]
NOBE
Bewupheleketele gogo wakho logulako kudokotela wetemdzabu. Bamnike emakhambi lekufanele awasile, awahlanganise aphindze awapheke kute ente ngawo umutsi wekunatsa. Bhala indlela yekwakha lomutsi njengobe nilayelwe ngulodokotela wetemdzabu. [20]
NOBE
Make wakho lobekanguthishela sewutsetse umhlalaphasi. Sewuvule inkhulisa. Bhala sikhangisi salenkhulisa. [20]
SAMBA SESIGABA C: 20 SAMBA SAKO KONKHE: 100
