Xitsonga
KANETANA NA DZOLONGA
Dzolonga eka vahlampfa i vugevenga!
Mfumo wu nge pfumeleli muxaka wihi kumbe wihi wa dzolonga eka munhu un'wana na un'wana!
A hi tirheni swin'we ku tumbuluxa vutomi lebyinene bya vanhu hinkwavo lava tshamaka e Afrika Dzonga.
A hi tirheni swin'we ku aka swikili swa hina na ku tumbuluxa mintirho.
A hi hlonipheni hinkwavo lava endzelaka kumbe va tshamaka e Afrika Dzonga.
Loko u tiva hi ku hlaseriwa loku kunguhatiweke ka vahlampfa lava tshamaka e Afrika Dzonga, hi kombela leswaku u fowunela xitichi xa maphorisa xa le kusuhi kumbe hi xiyimo xa xihatla fowunela 10111.
KANETANA NA DZOLONGA
Ku hlaseriwa hi dzolonga ka vahlampfa lava tshamaka e Afrika Dzonga swi nge vuyerisi munhu. Hi ntolovelo vanhu lava nga riki na nandzu va xanisiwa - swigevenga hi ntolovelo swa pona. Loko u tiva hi nghingiriko wa vugevenga - tivisa va mfumo. U nga teki nawu u wu veka emavokweni ya wena.
Mfumo wu kombela vaakatiko leswaku va tshama va languterile na ku vika swiendlo swa dzolonga na rivengo eka tinxaka ta matiko mambe.
Ku rhurheriwa hi ku humelela ka Khapu ya Misava ya FIFA ya 2010 ku tumbuluxe xiyimo xa kahle xa Afrika Dzonga na tikonkulu ra Afrika eka vanhu va misava. Tiko ri kume nhlayo ya le henhla ya vaendzi na ku antswisa matimba ya vuvekisi, kutani na mintirho.
Dzolonga rin'wana na rin'wana etikweni ra hina ri ta tlherisela endzhaku mimbuyelo hinkwayo ya hina ya ku rhurhela Khapu ya Misava. Seswi misava yi hi langutile hi matimba.
Dzolonga a hi xintshunxo.
