XITHIFIKHEYITI XA XIKAMBELO XA LE HENHLA
NKARHI: 2½ wa tiawara
SWITSUNDZUXO
Papila leri ri na swiyenge swinharhu: A, B na C.
Eka Xiyenge xa A, u hlamula xivutiso xin'we; eka Xiyenge xa B, hlamula swivutiso swinharhu; eka Xiyenge xa C, u hlamula xivutiso Xin'we ehenhleni ka
NTLHONTLHO'Kumbe xin'we ehenhleni ka 'XA MINA I TINYELETI'.
Hlaya swileriso leswi rhangelaka xivutiso xin'wana na xin'wana eka xiyenge xin'wana na xin'wana.
Tinomboro ta tinhlamulo ta wena ti fanele ku fana na leti ti tirhisiweke eka swivutiso leswi nga phepheni leri.
Tirhisa Xitsonga lexi ringanisiweke.
XIYENGE XA A
XITSALWANA
XIVUTISO XA 1
Eka xiyenge lexi, u nyikiwile tinhloko-mhaka ta mune na xifaniso xin'we. Loko wo hlawula xifaniso leswaku u tsala xitsalwana hi xona, u fanele leswaku u tiendlela nhloko-mhaka ya wena n'wini.
Hlawula yin'we ya tinhloko-mhaka leti landzelaka ivi u tsala xitsalwana xa kwalomu ka 450 - 550 wa marito (tipheji timbirhi):
Vukhongeri.
Van'wana va ri xigwevo xa ntambhu (ku hinga) xa pfuna kasi van'wana va ri a xi pfuni nchumu. Wena u yi vonisa ku yini mhaka leyi xana?
Riendzo leri u nga takau nga ri rivali. Hi rungulele rona.
Xana tinghozi emapatwini, ngopfu-ngopfu hi tiholodeyi, ti nga herisiwa herisa hi tindlela tihi xana? Hlamusela.
Tiendlele nhloko-mhaka ivi u tsala xitsalwana.
XANA U YA SWA ANTSWA KWIHI NDZI TIYELA MURHANDZIWA: EKAYA... NDZI
KARHELE!
NTSENGO WA XIYENGE XA A: [40]
XIYENGE XA B
PAPILA
XIVUTISO XA 2
Tsalela makwenu papila u n'wi hlamusela ku tikeriwa ka wena laha a nga ku kombelela ku tshama kona, u tlhela u n'wi hlamusela leswaku a kupfunisaku yini.
KUMBE
Masiku manharhu lama nga hundza uhelekete mhani wa wena exibedhlela xa le kusuhi na laha u tshamaka kona. Hi siku ra vumune loko u ya kamba mhani wa wena le xibedhlela u kuma va lo pyi, na thyaka;na philisi na yin'we a va si nyikiwa. Tsalela valanguteri va le xibedhlela u vilela hi mhaka leyi.
XIVUTISO XA 3
Tsala Memorandamu lowu nga vaka kwalomu ka 180 - 200 wa marito u tivisa n'wa-mapurasi la'nga tikweni ra n'wina hi swivilelo swa vatirhi / vathoriwava yena.
Tsala dayari ya masiku mambirhi ya wena n'wini leyi nga na kwalomu ka 80 - 100 wa marito.
Tsala n'wangulana exikarhi ka jaha na ntombhi leyi se yi nga na Xitsongwa-tsongwana xa HIV. U pfumeleriwa ku tihlawulela vunghana byin'wana na byin'wana exikarhi ka vanhu lavambirhi.
XIVUTISO XA 4
U matsalana exikolweni xa le henhla xa Khomanani. Kutani u amukele riqingo leri humaka ka muyimeri wa Vatswari wa SGB mayelana na xiphiqo xo karhi lexi n'wi sivelaka ku va kona enhlengeletanini. Tsala mahungu ya kona ya kwalomu ka 80 - 100 wa marito ku tivisa nhloko ya xikolo. 
NTSENGO WA XIYENGE XA B: [50]
XIYENGE XA C
Hlamula xivutiso xa5Kumbe xa6.
XIVUTISO XA 5
Hlamula 5.1 kumbe 5.2
Ndza rhandziwa'
Hlaya xiphemu lexi tshahiweke, ivi u hlamula swivutiso leswi nga ta landzela.
A a karhateka embilwini yakwe hikokwalaho ka timhaka timbirhi: byalwa na sesi wakwe. A a nga lavi ku tivona a ri karhi a nuhwa byalwa. A a byi venga."
Xana ku vulavuriwa hi mani endzimaneni leyi nga laha henhla? 
Xana i mani munghana wa xisati wa loyi u n'wi tsaleke eka (5.1.1) laha henhla? 
Tsala vito ra xigangu xa loyi u n'wi tsaleke eka (5.1.2) laha henhla u tlhela u tsala leswaku xigangu lexi xi huma kwihi? 
Xana loyi u n'wi tsaleke eka (5.1.1) yena a a laveriwe xigangu lexi va nge i mani naswona xa rixaka ro vulavula ririmi rihi? 
Xana lava u va tsaleke eka (5.1.1 na 5.1.2) laha henhla va tshama va ya vhaka kwihi swin'we? 
Loyi u n'wi tsaleke eka (5.1.1) laha henhla u vutise munghana wa yena xivutiso lexi: "Hi ta famba hi yini xana?" Wena nyika nhlamulo ya xivutiso lexi hi xitalo. 
Tsala swilo swinharhu leswi nga humelela eka kamara ya 721. 
Tsala tinxaka ta tinyama leti a ti kumeka endhawini leyi u yi tsaleke eka (5.1.5) laha henhla. 
(a) Xana u kume dyondzo yihi eka loyi u n'wi tsaleke eka (5.1.1) laha henhla? 
b Xana u lo endla yini loyi a vuriweke eka 5.1.1 laha henhla ku kala a ku nyika dyondzo leyi u yi vuleke eka 5.1.9 laha henhla? Hlamusela. [30] 5
KUMBE
Ximunhuhatwa-nkulu i ximunhuhatwa lexi timhaka hinkwato ta tsalwa ti rhendzelekaka ehenhla ka xona. Boxa Ximunhuhatwa lexi, u tlhela u boxa / aneka ntlimbo lowu xi nga na wona ku ringana mintila ya 15. 
Nyika Makholo ka xihungwana xa 'Timitsu ta mina' u tlhela u hlamusela na Xintshunxo xa xihungwana lexi hi mintila ya khume-ntlhanu [30] 
XIVUTISO 6
Hlamula 6.1 kumbe 6.2
'Xa Mina i tinyeleti'. F. Rikhotso
Xana hi ntolovelo wa Xitsonga ku tsheketa mani? 
Xana hikokwalaho ka yini ku tsheketa loyi u n'wi tsaleke eka (6.1.1) laha henhla. 
Xana hikokwalaho ka yini vana va nga pfumeleriwi ku tsheketa? 
Xana ku tsheketiwa hi nkarhi wihi? (Tsala hi xitalo). 
Xana i ndlela yihi leyi mutsheketeri a nga yi tirhisaka leswaku vayingiseri va yena va nga pfi va rhongomela? 
Xana hikokwalaho ka yini mutsheketeri na vayingiseli va fanele ku tshwutela marha endzilweni loko ntsheketo wu fika emakumu xana? 
Xana hi yihi dyondzo leyi u yi kumeke eka ntsheketo wa 'Nyama ya swisuti'? 
Eka ntsheketo wa 'Varindzi va tinxakwari', ku na mukhegula loyi a nga ponisa ntukulu wa yena hi ku n'wi humesa esakeni. Tsala bulu leri wena u ngo tiehleketelela rona, leri veke kona exikarhi ka mukhegula loyi na ntukulu wa yena. Bulu ra kona ri nga tluli mintila ya khume. [30] 
KUMBE
Xintshunxo lexi tirhisiweke hi N'wanghala, xo dlaya timfenhe, a xi khenseki. Xana wena a wu ta wu ntshunxa njhani ntlimbo wa N'wanghala? Nhlamulo ya wena yi nga tluli mintila ya 15. [30]
NTSENGO WA XIYENGE XA C: [30]
NTSENGO 120
MAKUMU
