Sotho.463.10ques
DIPOTSO
Robert "Madluphuthu" Marawa
Ke thatohatsi ya sebohodi sa tsa dipapadi Mzansi, a ko utlwe dikarabo tsa monna enwa wa TV
1. O ne o le motle ho eng ha o sa hola"
Ke ne ke le dihlong. Ke ne ke hlile ke le dihlong haholo.
2. O ne o le motle dipapading"
Ke ne ke rata mabelo a malelele, ke atisa ho matha lebelo la 800m. Sekolong ke ne ke be mokapoteni wa basketball dilemo tse pedi mme ka boela ka ya emela sebaka sa Natal Midlands. Ke ne ke boele ka bapalla sehlopha se senyane sa rugby mmoho le Bobby Skinstad. Yunivesithing ke ne bapala bolo le basketball o se o ka iponela le wena.
3. O qadile ho sheba banana ka "leihlo la lerato" o le dilemo di kae"
Banana ba tlameha ho shejwa ka leihlo la lerato ho sa natsehe dilemo. Ha ha! Empa ho bua nnete ha ke tsebe. Ke nahana "lerato" ke qadile ho ba le lona ha ke fihla sekolong se phahameng, ke ne ke ipolella hore kgarebe eo e tla ba mohatsaka.
4. Ekaba o ne o na le mokgwa o neng o fereha ka ona"
Ho rekela kgarebe Crunchie le Lunch Bar ho hlile ho a thusa, haholoholo ha tjhokoleiti eo a e fumane e sa qhibidiha. Ke ne ke se na mokgwa, empa se neng se nthusa, ke mantswe a dipina tsa dibini tsa kang Luther Vandross, James Ingram, Teddy Pendagrass le ba bang, ke ne ke nka malebela a ho ngola mangolo a lerato ho tsona.
5. O teng o ratanang le yena ha jwale"
Ke rata mosebetsi wa ka. Ke a tshepa moratuwa ke tla mo fumana haufinyane.
6. O le fumane jwang lebitso lena la Madluphuthu"
Ke le fumane ka lebaka la ho rata ha ka papa.
7. Lapeng la heno ba o bitsa mang"
Lapeng ba ntseba ka Themba. Hopola hore ha re sa hola, o ne o ba le lebitso la sekolo le la lapeng.
8. Ke mang motho wa tsa dipapadi eo o kileng wa kopana le yena mme wa mo thabela"
Tiger Woods, Serena Williams, Maria Mutola, Frank Fredericks, Baby Jake Matlala. Ba bangata mme ke batho ba pele ho kenyeletsa le Bopresidente ba bane ba naha ena.
9. Ke eng e o thabisang haholo ka Mohope wa Lefatshe wa FIFA wa 2010"
Tonamente ena e tla natefela batho nakong eo e seng e fihlile. Ke thabetse maemo a dibapadi tse tla beng di le kwano esitana le monyetla wa ho bontsha ka meetlo ya rona matjhabeng.
10. Ha o ka tjhentjha mosebetsi, o ka etsa eng"
Nka ba mokganni wa dikoloi tsa mabelo!!! [s]
E bokeleditswe: Ntokozo Maseko
TSA DINALEDI
