Sotho.317.yourfood_fff
GINGER CRINKLES
Nako ya ho Lokisa: metsotso e 30
Ho baka: metsotso e 8
E etsa: dibiskiti tse 48
* 180ml (3/4 kopi) botoro kapa majarine, e bonolo
* 200g tswekere
* 5ml (1 kgabana) baking powder
* 5ml (1 kgabana) bicarbonate of soda
* 10ml (2 dikgabana) ground ginger
* 2,5ml (1/2 kgabana) ground cinnamon
* 2,5ml (1/2 kgabana) ground cloves
* bohashana ba letswai
* 1 lehe
* 60ml (1/4 kopi) honey kapa golden syrup
* 675ml (2 1/2 dikopi) folouru
* 250ml (1 kopi) tswekere
Ho kwaela:
* 60ml (1/4 kopi) crystallised ginger, e kgabetsweng
1. Futhumetsa onto ka 200°C. Fehla botoro ka electric mixer ka lebelo le lekaneng metsotswana e 30. Tshela tswekere, baking powder, bicarbonate of soda, ginger, cinnamon, cloves, le letswai. Fehla hantle.
2. Tshela lehe le sirapo. Fehla ka matla. Tshela le folouru e setseng o dube ka kgaba ya lepolanka.
3. Fafatsa folouru hodima boroto, o bope dibolwana tsa 3cm ka hlama. Rola dibolo hodima tswekere, pele o di beha ka hara baking tray e sa tlotswang ka mafura, o di arole ka 6cm dipakeng, o di hatelle ka fereko hore di be sephara, pele o tshela crystallised ginger ka hodimo.
4. Baka metsotso e 8 - 10.
5. Di fodisetse ka hara baking tray motsotso. Di ntshetse rakeng hore di fole.
Ditjeho: R15
Mokgwa o mong: Bakeng sa crystallised ginger, kopanya 1 kgabana (15ml) ginger e foreshe e kereitilweng le 1 kopi (250ml) granulated sugar, o bidikise hlama hodima yona pele o baka.
Ho bakela matsatsi a tlang: Baka dikuku o di fodise, o di alle waxed paper dipakeng. Di boloke ka sejaneng se sa keneng moya mofuthung wa ntlo matsatsi a 3, kapa dikgwedi tse 3 ka sehatsetsing.
Ginger
Re o bontsha ka moo bokgoni ba hao ba ho pheha bo ka o etsetsang phaello ka teng
TREATS
GINGER & FRUIT FRIDGE SLICES
Nako ya ho Lokisa: metsotso e 30
Nako ya ho Seta: metsotso e 60
E etsa: Dilae tse 60
* 2 x 200g pakana ya Tennis Biscuits
* 250g botoro kapa majarine
* 100g tswekere
* 500g raisins, sultanas le currants
* 100g glacé cherries, e kgabetsweng
* 15ml (1 kgabana) lero la sirilamunu, e kereitilweng
* 30ml (2 dikgabana) crystallised ginger, e kgabetsweng
* 100g dessicated coconut
* 2 mahe a maholo, a fehlilweng
* dessicated coconut ho kgabisa
1. Ala baking paper ka hara Swiss roll tin (kapa baking tray e kgutlonne e sa tebang), o ale dibiskiti hodima yona, o di thube ha ho hlokahala.
2. Thubela dibiskiti tse setseng ka sejaneng se seng.
3. Qhibidihisa botoro. Tshela halofo ya dibiskiti tse setseng le metswako e setseng - ntle ho mahe le coconut. Pheha metsotso e 10. Tlosa mofuthung.
4. Tshela mahe, o fehle ka pele. Kopanya hantle. Kgutlisetsa mofuthung o tlase metsotso e 5.
5. Phuthella le dibiskiti tse setseng motswakong. Tlosa mofuthung, o ale motswako hantle ka hara sejana sa ho baka hodima dibiskiti. Fafatsa ka coconut. Boloka ka sehatsetsing hore ho sete pele o ka e seha.
Ditjeho: R25
Re bolelle ka kgwebo ya hao le mehato eo o e nkileng ho fihlela moo o leng teng kajeno
Ke ne ke bone papatso koranteng moo sekolo sa mopheho sa Soweto se neng se inehela ho hlahlella batho ka mekgwa ya ho iketsetsa tjhelete ya boiphediso, ke ne ke sa nahana hore ho ingodisa moo ho ne ho bula menyetla ya ho iketsetsa tjhelete ka mokgwa o tjena.
Ka ithute ho etsa makwenya, dibiskiti le di-scones mme ka di rekisa. Ka kgona ho ya ingodisetsa dithuto tse ding tse phahameng tsa mopheho. Ka kgona le ho iphedisa le ba lelapa la ka ka ho pheha!
Ka mora ho phehela malapa le mabenkele a difemeng, ka theha kgwebo ya ka, Tse Pitseng?
Ka kgona ho lefella bana beso ba bahlano sekolong. Ke qadile Tse Pitseng ka 1995 le kajeno e ntse e tswelapele. Ke phehela le manyalo, le mekete ya mefutafuta ke be ke kgabise ho yona
Ke eletsa babadi ba batlang ho iphedisa ka ho pheha hore ba ho rate - hape ba be le mamello! Tsitlallela seo o se batlang mme o se tlohe ditakatsong tsa pelo ya hao."
Louraine Modirwa, Joburg
Re ngolle pale ya hao mme o re nehe le mohala o re ka ikopanyang le wena ka ona. Ngolla ho: Food For Fun And Funds/BONA, Box 1610, Parklands, 2121. Email: foodforfun@caxton.co.za
PALE YA KATLEHO
GINGER ALMOND BARS
Nako ya ho Lokisa: metsotso e 20
Nako ya ho Baka: metsotso e 45
E etsa tse: 24
* 250ml (1 kopi) majarine, e bonolo
* 125ml (1/2 kopi) tswekere
* 10ml (2 dikgabana) almond essence
* 500ml (2 dikopi) folouru200g raisins, tse inetsweng ka hara 250ml (1 kopi) tee e ntsho e tjhesang metsotso e 10, pele e inolwa
* 30ml (2 dikgabana) crystallised ginger, e kgabetsweng
* 2 bosweu ba lehe
* 125ml (1/2 kopi) icing sugar
* 125ml (1/2 kopi) almonds
1. Futhumetsa onto ka 180°C. Fehla majarine le tswekere ho fihlela di etsa makweba. Tshela 1 kgaba (1/2) almond essence. Tshela folouru, o kopanye ho fihlela e loka.
2. Tshela ka hara oven-proof dish ya boholo ba 30 x 25 x 5cm. Baka metsotso e 25 kapa ho fihlela e ba soothwana ba kgauta.
3. Futhumetsa di-raisins le ginger mofuthung o tlase.
4. Fehla lehe ho fihlela le etsa makweba. Tshela icing sugar, hanyenyane, ka kgabana, jwalo ka nako mmoho le almond essence tse setseng. Fehla ka matla haholo.
5. Ala motswako wa di-raisins hodima wa paneng ya ho baka. Ala meringue ka hodimo, o fafatse almonds.
6. Nyolla mofuthu, e be 200°C. Baka metsotso e 15 kapa ho fihlela e ba sootho. E fodise pele o fepela.
Ditjeho: R25
Keletso: E sehe ka thipa e inetsweng ka metsing a tjhesang ho etsa hore ho se be le dikaqa. [s]
A RE ETSE MALEBALEBA
Business plan ke mmapa wa hao o lebisang katlehong. Pele o e etsa, ho bohlokwa o qale ka ho ipotsa dipotso tsena tse hlano:
1 HOBANENG? Hobaneng o batla ho qala kgwebo?
Ba 80 lekgolong ba araba ka ho re, "Ke batla ho ba le tjhelete e ngata." Ka bomadimabe, dipalopalo di bontshitse hore ba ka hodimo ho ba 80 lekgolong ba thehileng kgwebo ka lebaka leo, dikgwebo tsa bona di a putlama.
Lebaka la ho theha kgwebo e lokela ho ba le tebileng ho tswa pelong ya motho jwalo ka hore: "Ke lakatsa ho ikahela bokamoso bo botle, nna le ba lelapa la ka," kapa "Ke batla ho tlisa phapang setjhabeng sa heso." Jwale o tla ba le lebala le lekaneng hore o sebeletse ho le fihlela ho feta hore o batle ho ba le tjhelete e ngata bankeng.
Hopola: Haeba lebaka la hao le le leholo ho lekana, hore o tla etsa jwang, leqheka le tla itlhahela!
2 ENG? Ke tshebeletso efe/seetswa sefe seo o ka se etsang? Ke sefe se tla ba mokgelo kgwebong ya hao ha e tshwantshwa le tse ding?
Ha o se o tseba hantle seo o batlang ho se etsa, se ngole fatshe ka dipolelwana tse mmalwa, tse hlakileng le tse bonolo.
3 MANG? Ke mang eo re batlang a re thuse?
Ha o tseba seo o batlang ho se etsa, o tla kgona ho bona dikarolo tse ding tseo o tsebang hore ha o na bokgoni ba ho itharollela mathata a tsona ka bowena mme o batle motho ya ka o thusang. Batla motho ya nang le boiphihlelo mme o totobatse seo o batlang a o thuse ka sona.
4 NENG? Ho etsahale neng?
Beha nako eo dintho di lokelang ho phethwa ka yona, le pele o bula kgwebo, jwalo ka ho reka setoko, le ho netefatsa hore thepa e rometswe moo e hlokahalang teng, ho bula akhaonto le tse ding jwalojwalo.
5 JWANG? O tla etsa jwang?
Ke mona moo re kopanyang tsena tsohle: batho ba nang le bokgoni boo re bo hlokang le tshehebetso eo re e hlokang ho netefatsa hore seetswa sa rona ke sa boleng ka dinako tsohle.
Katleho e a netefatswa ha o tla boela o kgutlela dipotsong tsena hape o nne o di arabe kgafetsa ho bona le ho hlakisa dintho.
Ka mantswe a mang, kgwebo ya hao e lokela ho dula e hlahlobisiswa nako le nako e bile e ntlafatswa ha e ntse e hola.
Lluwellyn Diedericks
