sotho.2964.eggs
diresepe le setaele ka GEMINI FOOD PROMOTIONS
ditshwantsho ka KIM THUNDER
BONA SESOTHO - May 2007
Tse monate
Egg Roll
Disebediswa
1 pakana (500g) masosetjhe a kolobe
1/2 kopi (125ml) mafoforetsane a bohobe
1/2 kopi (125ml) kase e kereitilweng
1 eie e kgabetsweng
letswai le pepere bakeng sa tatso
1 roll ready-made puff pastry
6 mahe a bedisitsweng
lehe le fehlilweng la ho tlotsa
Mokgwa
1. Ntsha nama ka hara lesosetjhe. (O lahle letlalwana).
2. Kopanya nama ya masosetjhe, mafoforetsane a bohobe, kase le eie. Noka.
3. Hodima letlapa le fafaditsweng folouru, phuthulla rolo ya hlama. E tlotse ka motswako wa nama.
4. Beha mahe hodima lona o phuthele. Tlotsa hlama ka lehe.
5. Baka ontong ya mofuthu wa 200oC metsotso e 20-30 kapa ho fihlela hlama e ba soothwana ba kgauta.
Ditjeho: R28,14
E fepela ba 6
Egg Curry
Disebediswa
2 dikgaba (30ml) oli
3 dieie tse kgabetsweng dilae
3 ditamati tse kgabetsweng
1 kgabana (15ml) curry powder
1 chicken stock cube e qhibidihisitsweng ka hara
1 1/2 dikopi (375ml) metsi a belang
1/2 kopi (125ml) raisins
1 kgaba (15ml) corn flour
1/2 kopi (125ml) mafi
8 mahe a bedisitsweng
Mokgwa
1. Futhumetsa oli mme o hadike eie le tamati metsotso e 5-10, o noke ka curry powder.
2. Tshela chicken stock le morara. Kwahela metsotso e 5.
3. Duba corn flour le mafi o di tshele mme o bedise metsotso e 2, o ntse o fuduwa.
4. Seha mahe dihalofo ka bolelele, o a inele. Fuduwa hantle, o bedise metsotso e meng e mmedi.
5. Tshela curry hodima papa e lephotho kapa Instema, o fafatse desiccated coconut ka hodimo pele o fepela mmoho le dilae tsa tamati kapa tsa paenapole. O ka fepela le kgaba ya chutney ha o rata.
Ditjeho: R12,78
E ka fepela ba 8
Easy Egg Pie
Disebediswa
2 pakana ready-made puff pastry
6 mahe
1/4 kopi (60ml) lebese
6 dilae tsa polony tse kgabetsweng
1 eie e kgabetsweng
2 ditapole tse phehilweng tsa kgabelwa
1 kopi (250ml) mixed vegetables, tse phehilweng
Mokgwa
1. Hodima letlapa le fafaditsweng ka folouru, ala rolo ya hlama. E ale ka hara pie dish ya boholo ba 23cm. (Pakana e nngwe ya hlama o tla e beha ka hodimo.)
2. Kopanya mahe le lebese, o behe ka thoko kgabana (15ml) ya lebese ya ho kgabisa ka hodimo. Tshela polony, eie, ditapole le meroho. Tshela motswako ona hodima hlama.
3. Phuthulla pakana e nngwe ya hlama. E fafatse ka metsi mahlakoreng hore e tsebe ho phutheleha hantle ha o kwahela ka yona ka hodimo. O e phuthelle ka tlase. E hlabe ka fereko hore e kgoramele hantle. (Kgabisa ka masalla a mang a hlama. Tlotsa ka lebese mme o e hlabe hape ka fereko.
4. Baka ontong ya mofuthu wa 200oC metsotso e 30. (Ha hlama e fetoha mmala o ka theola mofuthu mme o tlohele pie ka ontong ho fihlela e seta.)
Ditjeho: R17,89
E fepela ba 6
Egg Kedgeree
Disebediswa
1 kopi (250ml) lebese
1/2 pakana (300g) frozen haddock e ntshitsweng masapo le letlalo
letswai le pepere bakeng sa tatso 250g reise e phehilweng
1/2 kgabana (2,5ml) turmeric kapa spice for rice
1 chicken stock cube
4 dikopi (litara) metsi
1 kgaba (15ml) parsley kapa dhania e kgabetsweng
3 mahe a bedisitsweng a kgabelwa dikotara
Mokgwa
1. Bedisa haddock ka lebeseng, mofuthung o tlase ho fihlela e butswa. (E tla ba tshweu hare mme hape e qhetsohe ka bonolo ha e butswitse.) E minyolose mme o e behe ka thoko.
2. Pheha reise, o e noke ka turmeric le stock cube. Fokotsa mofuthu ha e bela ho fihlela e butswa. O ka tlhadiela ha ho hlokahala.
3. Minyolosa reise mme o tshele parsley le haddock o ale mahe ka hodimo. E fepele hanghang.
Ditjeho: R35,90
E ka fepela ba 6
Keletso: Ha o bedisa mahe a noke ka kgaba (15ml) ya vinegar - a tla eboleha ka bonolo.
Curried Tortilla
Disebediswa
6 mahe
1/2 kopi (125ml) mafi
1/2 kgabana (2,5ml) letswai
2 dikgaba (30ml) majarine kapa oli
2 dieie tse kgabetsweng
2-3 ditamati tse kgabetsweng
3 dikgabana (15ml) curry powder
4 dikopi (litara) moroho o kgabetsweng wa khabetjhe kapa sepinatjhe
3 dikopi (750ml) setampo se phehilweng
Mokgwa
1. Kopanya mahe, mafi le letswai mme o dube.
2. Hadika eie ka majarine metsotso e 5, o tshele le tamati le curry powder. Tshela moroho le setampo o hadike hape metsotso e 10.
3. Tshela mahe o phehe o sa fuduwe ho fihlela e seta.
4. Seha 'tortilla' ena dilae mme o e fepele hanghang mmoho le bohobe bo tlotsitsweng ka botoro kapa le salate.
Ditjeho: R14,90
E fepela ba 6
Egg And Corn Fritters
Disebediswa
5 mahe a arotsweng
2 x 410g dikotikoti tsa whole corn kernels, tse minyolositsweng
1 kopi (250ml) mafi
1 kopi (250ml) phofo ya poone
1/2 kopi (125ml) self-raising flour
1 kgaba (15ml) spicy chicken soup powder
letswai
1/4 kopi (60ml) oli
Mokgwa
1. Kopanya mothwebe wa lehe, corn le mafi o dube hantle. Tshela phofo ya poone, folouru le sopho o noke ka letswai.
2. Fehla bosweu ba lehe. O phuthele motswako oo hantle ka hara hlama.
3. Futhumetsa oli mme o hadike motswako ona o o kga ka kgaba, o phaphathe hanyenyane hore o be sephara. Hadika metsotso e 2-3 lehlakore ka leng.
Ditjeho: R18,95
E fepela ba 6
Keletso: Dijo tsa ka pele tsa hoseng
Etsa Instema ka phirimana o e boloke hore e tsebe ho seta. Bakeng sa dijo tsa hoseng tse monate tse bileng di leng phepo, e hadike ka pele ka oli kapa ka majarine mme o e fepele mmoho le lehe le bedisitsweng le kgalase ya lebese le foreshe kapa mafi. [s]
tsa mahe
Ho phehela ba lelapa ha ho a lokela ho ba ditjeho ha disebediswa e le tse tlwaelehileng mme o sebedisa mahe, sejo se tletseng di-protein
Egg Roll.
Sohle ka mahe
MAHE a na le phepo e phethahetseng le di-
protein tsa boleng ke ka hona a ballwang hara diahammele. A na le di-vitamin haholoholo A, D, E, le B- complex tse hlokahalang bakeng sa kgolo, matla le bophelo bo botle.
A na le dimenerale haholoholo iron le phosphorus, mmoho le mefuta e meng ya dimenerale tse tiisang masapo di matlafatse le disele tse kgubedu tsa madi. A ka jewa neng kapa neng boleleleng ba letsatsing.
Boloka mahe ka hara lebokose la ona ka sehatsetsing hore a se lahlehelwe ke mongobo mme a monye menko e meng e matla ya dijo.
BONA SESOTHO - May 2007
u
BONA SESOTHO - May 2007
t
Tse monate
tsa mahe
Egg Kedgeree.
