sotho.270.yourfood_soups_2
Sopho e monate!
Sopho ke sejo sa mariha ha ho bata. Ke sejo se monate seo o ka se fepelang le bohobe ho lehoho, di-rolls kapa toast
TSE MATHEMALODI
PUFF PASTRY TRIANGLES
Ala puff pastry e seng e lokisitswe e be morumo wa 7mm o sebedisa rolling pin letlapeng le fafaditsweng folouru. Seha dikgutlo tharo. Tlotsa ka lehe le fehlilweng kapa lebese mme o bake o latela ditaelo tse pakaneng. Fepela le majarine e tjhesang.
BEEF AND BARLEY SOUP
* 500g lean soup meat (nama ya sephaka, brisket kapa stewing steak e masapong), e kgabelwe hasesane
* 3 dilitara metsi
* 1 eie e kgabetsweng
* 4 dihwete tse dilae
* 2 baby marrows, tse dilae
* 3 dithutswana tsa celery di kgabelwe
* 3 ditapole di petsolwe hane
* 1 kopi (250ml) pearl barley
* 2 beef stock cubes
* 1 kgaba (15ml) letswai
* 1/2 kgabana (2,5ml) pepere
1. Tshela nama le metsi pitseng e kgolo, o bedise.
2. Tshela metswako
e setseng ntle ho letswai le pepere. Theola mofuthu o phehe dihora tse ka bang tharo.
3. E fodise o e ntshe
masapo.
E ka fepela ba 6
POTATO AND LEEK SOUP
* 2 dikgaba (30ml) majarine
* 3 leeks, tse hlatswitsweng tsa kgabelwa
* 1 eie e kgabelwe
* 6 ditapole tse kgabetsweng
* letswai le pepere
* 2 dilitara chicken stock
1. Futhumetsa majarine paneng o hadike leeks le eie ho fihlela di butswa.
2. Tshela ditapole, fuduha ho fihlela ho kena mafureng kaofela. Noka.
3. Tshela stock se lekaneng ho kwahela meroho, fuduha, bedisa. Fokotsa mofuthu, kwahela, o phehe ho fihlela ditapole di butswa.
4. Fodisa sopho hanyane. E sokelle le ditapole ka potato-masher, kapa o di tshele ho processor ho fihlela di kopana. (Tshela stock hape haeba e tihile haholo.) E fepele o kgabisitse ka Puff Pastry Triangles le parsley.
E ka fepela ba 6
CHEESE TOAST
Dilae tsa toast ya bohobe bo lehoho. Fafatsa kase e kereitilweng lehlakoreng lena le se nang lehoho o hadike ho fihlela ho etsa dipudulana. Fepela le sopho e tjhesang.
BUTTERNUT SOUP
* 1 kgaba (15ml) oli
* 2 maqa bacon
* 2 dieie di kgabelwe
* 2 dikaqa garlic, e hlahlathilweng
* 1,2kg butternut kapa mokopu o kgabelwe,
* 4 dikopi (1 litara) metsi
* 2 vegetable stock cubes
* 2 dikopi (500ml) lebese kapa 1 kopi (250ml) lebejana le 1 kopi (250ml) lebese
* letswai le pepere ho natefisa
1. Futhumetsa oli paneng, hadika bacon, eie le garlic ho fihlela di butswa.
2. Tshela mokopu, o hadike motsotso kapa e mmedi. Tshela metsi le stock cubes. Kwahela o phehe metsotso e kabang 20 ho fihlela mokopu o butswa.
3. Tshola. Fuduha o sebedisa lesokwana kapa electric whisk, kopanya sopho. Tshela lebese, o noke mme o phehe. E fepele hanghang.
E ka fepela ba 6
CRISPY BACON SOLDIERS
Kgabisa Butternut Soup ka maqa a masesane a bacon a kgabetsweng ka bolelele le nthonyana ya sour cream.
Ho etsa bacon ena e hlokahalang mona, (Hadika bacon e seng ka bongata ho qoba ho kgomarelana.) E behelle ka thoko e fole. E sehe ka sekere.
BEAN AND BACON SOUP
* 1 kgaba (15ml) oli
* 1 pakana (250g) bacon, e kgabetsweng
* 1 eie e kgabetsweng
* 2 dithutswana tsa celery di kgabelwe
* 1 Sekaqa garlic, e hlahlathilweng
* 1 chicken stock cube tse qhibidihisitsweng ho 1 kopi (250ml) metsi a belang
* 1 x 410g kotikoti baked beans in tomato sauce
* 1 x 410g kotikoti ditamati tse kgabetsweng
* letswai, pepere le tswekere ho natefisa
* 2 dikgabana (10ml) parsley e foreshe e kgabetsweng
1. Futhumetsa oli paneng, hadika bacon, eie, celery le garlic ho fihlela di butswa.
2. Tshela stock, dinawa le tamati. Fokotsa mofuthu o phehe mofuthung o tlase metsotso e 10.
3. Noka, o tshele parsley. Fepela e tjhesa le croutons (makumane a bohobe).
O mong mokgwa: O ka sebedisa polony kapa nama ya kgoho bakeng sa bacon.
E ka fepela ba 6
CROUTONS
Seha bokahodimo le bokatlase ba bohobe bakgale bo bosweu. Bo kgabele e be makumane. Bo hadike oling kapa ho
majarine ho fihlela bo ba bosootho. O ka sebedisa le dirolo tsa kgale tse tshweu o se di sehe ka bolelele.
CIABATTA TOASTS
Etsa toast ka dilae tse tshesane
tsa bohobe ba ciabatta.
MAELE A SOPHO
Ha o tshela meroho sophong, e ba monate haholo haeba o qala ka ho e hadika ho majarine pele. Leha e le mosebetsi o ekeditsweng, empa o tla o tswela molemo.
Ha sopho o ka e bedisa haholo, e lahlehelwa ke mmala.
Haeba o tjhesitse sopho, e ntshetse pitseng e hlwekileng.
O ka kwahela ho tjha ha sopho ka ho tshela motswako ona kapa ka bobedi: mustard, curry powder le/kapa chutney. Tshela butle butle ho fihlela sopho e latsweha hantle.
Haeba letswai le bile lengata, tshela tapole mme o phehe metsotso e 15. Tapole ena ha e qetele ka ho monya letswai, empa e eketsa le tatso sophong!
O rata sopho ya hao e tihe? Tshela ditapole tse sokilweng ka hloko. O ka di tshela ho fihlela sopho e tiha ka moo o e batlang ka teng.
O ka eketsa phepo sophong ka ho sebedisa pasta e setseng, kapa nama le meroho ya ka la maobane. Haeba meroho e se e phehilwe, o ka e soka, o tiise sopho ka yona.
TOMATO AND BASIL SOUP
* 2 dikgaba (30ml) oli
* 1 eie e kgabetsweng
* 3-4 dikaqa garlic, e hlahlathilweng
* 6 dikopi (1,5 litara) metsi
* 2 ditapole di kgabelwe
* 1 x 410g kotikoti tamati e kgabetsweng
* 2 dikgaba (30ml) tomato purée
* 2 dikgabana (10ml) dried basil kapa letsoho le tletseng la basil e kgabetsweng e foreshe
* letswai le pepere
1. Futhumetsa oli paneng. Tshela eie le garlic o hadike ho fihlela di ba sootho.
2. Tshela metsi le ditapole mme o bedise. Tshela tamati le purée. Fuduha, o kwahele, o bedise butlebutle.
3. Tshela basil, o phehe ho fihlela ditapole di butswa. Tshola o soke ka whisk. Noka.
Keletso: Kgabisa sopho ka black olives le mahlaku a basil e foreshe haeba e le teng ho natefisa.
E ka fepela ba 6 [s]
Diresepe: Gemini Food Promotions
Ditshwantsho: Kim Thunder
