sotho.2696.motoring_NEW
E NYENYANE YA LELAPA
Ditjeho tse hodimo tsa peterole di nyahamisa motho pelo leha a batla ho reka koloi e kgolo hantle bakeng sa lelapa... Pale ka Gavin Foster
Thatohatsi ya lelapa
Ford Ikon 1,4 TDCi
Ikon, re kgethile e nang le boot lekgetlong lena mme e bulehile hantle ka hare athe le boot ya yona e kgolo hantle, e na le airbags, mariki a yona ha a tlame, ke a ABS, e na air conditioner le sebapalammino. E na le enjini ya 1,4 litre turbodiesel e sebetsang hantle haholo e bileng e bolokang tjhelete - e ka tsamaya 100km ka 5,5 litres. Monate wa yona o moholo mmoho le dikoloi tse ding tse lekanang le yona, ha di fesheneng haholo bathong ba ratang dikoloi tse lebelo mme o ka fumana ya lesekene e so ka e tsamaya leeto le le lelele, ho bolelang hore ha ho bonolo ho e hlekefetsa. Ha e le ntjha e bitsa R144 500, e ena le service plan ya dilemo tse nne kapa 60 000km.
DIKOLOI
MATSATSING ana theko ya petrole ke tshitabaholo, ho qalwa ka yona pele motho a kgetha koloi eo a batlang ho e reka. Koloi e bitsang hantle ya lelapa ya 1,6 litre e tsamayang ditoropong le mebileng e meholo, hangata e tsamaya dikilomitara tse 10 ka litara ka nngwe ya petrole. Ka R10/litre, hona ho bolela hore kilomitara ka nngwe o e lefella petrole ya R1.
Ho tloha Jozi o leba Thekong le ho kgutla ka yona ho ka o ja R1 100. Athe V8 e hulang ka mabidi kaofela yona e ka o bitsa R2 500 ka leeto leo, athe 1,3 litre e tsamaya ka hara toropo, leha e se kgolo ebile e se na matla, e ka ya e kgutle ka R700.
A re shebisiseng tse ding tsa diqeto tseo re di nkang ha re hlophisa ka tjhelete re batla ho reka dikoloi. Hopola hore theko ya petrole ke ya bohlokwa eo o lokelang ho e ela hloko, empa ha se yona feela eo o ka e shebisisang ha o reka koloi.
Ho ka etsahala hore ebe le wena o se o hlokometse hore ha re so kgethe leha e le nngwe feela koloi e tsamaya ka diesel jwalo ka ha babadi ba bangata ba lebelletse. Ke hobane, naheng ena ha ho tshwane le ho tse ding - diesel e bitsa ka hodimo ho petrole ka 10%. Leha dikoloi tsa diesel di sebedisa oli e ka tlase ho petrol ha di tshwantshwa empa motho ha a boloke hakaalo ha o shebisisa ditjeho tsa yona tsa theko le ho e lokisa.
YA DITOROPONG: Hyundai i10
Ho a makatsa hore e be Hyundai ya 1,1 litre e bulehile hantle ka hare leha e shebahala e le nyenyane. E ja petrole ya 6 litres ka 100km mebileng ya ditoropong kapa e bulehileng, e leng ditjeho tse ntle haholo. E bitsa R89 900, ke ya moetso wa Korea mme Hyundai e theko e ntle haholo leha e se na di-airbags le mariki a yona e sa tlame, ha se a ABS.
YA LELAPA E KGOLO
VENE YA DOUBLE-CAB
GWM 2,8 Tdi Lux
Mona re tla kgetha e le nngwe feela koloi ya moetso wa MaChina e tswang pele. Re e utlwile hantle, ra e kganna mme re tseba hantle hore borakgwebo ba rekang dikoloi tsa dinaheng tse ding, ke ba profeshenale. Sena sohle se etsa hore o bone thekiso ya yona ya R149 990 bakeng sa vene e na e nang le air-conditioner ya 2,8 litre turbodiesel double-cab e nang le power-steering, central locking, difestere tsa motlakase le sebapalammino, e be nyenyane haholo.
E ja petrole e ka tlase ho 12 litres ka 100km e leng se molemo bakeng sa tjhelete. Leha dikoloi tse ntjha tsa Japane tse kang yona di baballa petrole ho e feta empa theko ya yona e ntle. [s]
Nissan Qashqai 1,6 Visia
Ena Nissan e hana hehehe hore e balellwe mefuteng o itseng empa leha ho le jwalo re e nka e le ya lelapa. E kgolo ho lekana ho kenya diphahlo tse ngata hape e matla, e na le enjini e nkang petrole ya 1,6 litre. Qashqai e na le di-airbags tse tsheletseng, o ka kgona ho kenya leha e le eng feela eo o nahang hore o tla e hloka leetong mme hape ka 8,5 litres, e tsamala 100km.
Qashqai e bitsa ho tloha ho R199 990
e ena le service plan ya dilemo tse tharo kapa 90 000km.
BONA SESOTHO November 2008
