sotho.2430.cost cutting
Di tla o qhoba nakwana
Mince And Cabbage.
BONA SESOTHO - January 2007
Curried Chicken Gizzards
Disebediswa
2 dikgaba (30ml) oli
1 eie e kgabetsweng
2 dikgaba (30ml) hot curry powder
700g dikilana tsa kgoho
1 kopi (250ml) tamati
1 chicken stock cube
Mokgwa
1. Hadika eie. Tshela curry powder, o phehe metsotso e mmedi.
2. Tshela dikilana, pheha ho fihlela di butswa. (Tlhadiela ha ho hlokahala).
3. Tshela tamati le stock cube. Pheha ho fihlela tamati e ba reberebe.
4. Fepela le papa kapa toast.
Ditjeho: R27,12
E ka fepela ba 6
Mince And Cabbage
Disebediswa
2 dikgaba (30ml) oli
1 eie e kgabetsweng
1 kgabana (5ml) curry powder
750g mince
1 dihwete tse dilae
letswai le pepere
1/2 khabetjhe e kgabetsweng
Mokgwa
1. Hadika eie. Tshela curry powder.
2. Tshela mince o phehe ho fihlela di ba sootho.
3. Tshela dihwete o noke. Butswisa dihwete.
4. Fepela le khabetjhe e bedisitsweng.
Ditjeho: R35,45
E ka fepela 6
Beef And Pumpkin Curry
Disebediswa
3 dikgaba (45ml) oli
1 eie e kgabetsweng
1 green pepper e kgabetsweng
1 kgaba (15ml) ginger le motswako wa garlic
2 dikgaba (30ml) curry powder
1kg stewing beef e kgabetsweng
1 kgaba (15ml) barbecue spice
1 x 410g kotikoti ya tamati e kgabetsweng
3 dikopi (750ml) mokopu o kgabetsweng
letswai le pepere bakeng sa tatso
Mokgwa
1. Hadika eie, pepere, ginger le garlic.
2. Tshela curry powder, o hadike metsotswana e 30.
3. Tshela nama, dinoko, tamati le mokopu. Noka.
4. Fuduha o kwahele mme o phehe metsotso e 30.
5. Fepela le papa.
Ditjeho: R55,05
E ka fepela ba 6
Chicken Summer Stir-fry
Disebediswa
2 dikopi (500ml) pasta
1 kgaba (15ml) oli
500g difuba tsa kgoho, o di kgabele ka bolelele
1 eie e kgabetsweng
1 kgabana (5ml) letswai
2 dihwete tse dilae
2 baby marrows tse kgabetsweng dilae
1 red pepper, e kgabetsweng ka bolelele
1/4 kgabetjhe
Mokgwa
1. Pheha pasta metsing a bedisitsweng a letswai ho fihlela e butswa. E inole o e behe ka thoko.
2. Futhumetsa oli paneng. Tshela nama, eie le letswai. Fuduha o hadike mofuthung o hodimo.
3. Tshela meroho le pasta. Hadika o ntse o fuduha. Di fepele hang hang.
Ditjeho: R39,80
E ka fepela ba 6 [s]
resepe le setaele ka GEMINI FOOD PROMOTIONS
Setshwantsho ka KIM THUNDER
Se kgathatsehe haeba o sebedisitse tjhelete e ngata ka Keresemese... o ntse o ka kgona ho fepa lelapa la hao ka diresepe tsena tse bobebe tse sa bitseng
BONA SESOTHO - January 2007
BONA SESOTHO - January 2007
Di tla o qhoba nakwana
Basadi bohle ba a e tshaba kankere ya letswele, empa metsotsonyana e mmalwa feela jwalo ka kgwedi e ka o tlisetsa phomolo moyeng
HO SA natsehe hore o dilemo di kae, motho wa mosadi o tlameha ho hlahloba matswele a hae bonyane ha nngwe ka kgwedi esitana le hona ho bonana le ngaka ya hae bonyane ha nngwe ka selemo.
Maqhubu a mangata a tswang matsweleng hangata ha a bake kankere, empa ho bohlokwa ho a alafa ka potlako e le hore le kankere e se fumane monyetla. Tse monate ke hore ho bonolo ho itlhahloba ka bowena.
Ho ba banyane, motho a ka itlhahloba jwalo ka mora ho ya nakong, haeba o se o le moholo o se o sa ye nakong, ipehele letsatsi le itseng jwalo kgweding leo o tlang ho etsa sena ka lona. O se le lebale letsatsi lena. Ha o bona leqhubu, etela ngaka ya hao.
Ke ena mehato e meraro ya ho itlhahloba:-
Wa pele: Tsola mme o eme ka pela seipone, o shebe matswele ka bobedi, shebisisa hore ha ho maqhubu, ho swabana kapa yona phapang letlalong.
Hlahlobisisa le ditlhoko - shebisisa maqhubu kapa hona ho fetoha ha tjhebeho ya ona.
Jwale phahamisa diphaka o behe matsoho hloohong o shebe ho swabana kapa hona ho ruruha ho itseng.
Wa bobedi: Robala ka mokokotlo o behe mosamo tlasa lehetla la letsoho le letona. Sama letsoho leo le letona. Hlahlobisisa letswele le ka letsohong le letona o sebedisa leqele, o potolohe le lona, o qetelle ka tlhoko. Pheta mohato ona le ka leqeleng.
Wa boraro: Qetella ka ho pepeta ditlhoko ho hlahloba hore ha ho lero le tswang ho tsona. [s]
Ithlahlobe matswele
Mehato ena e meraro e ka pholosa bophelo ba hao
BONA SESOTHO - January 2007
