sotho.212.FFFF_recipes
Phehela phaello
Chocolate brownies with Caramel Cream frosting
Nako ya ho lokisa: Hora
Nako ya ho baka: Metsotso e 30-35
E etsa tse: 12
Brownies
* 315g dark chocolate
* 200g majarine
* 8 mahe
* 475g castor sugar
* 55g cocoa powder
* 1 kgaba (15ml) vanilla essence
* 160g cake flour
* 125g matokomane a hadikilweng hanyane (leha e le mofuta ofe)
Caramel Cream Frosting
* 200g tjhokoleiti
* 4/5 kopi (200ml) Nestlé Caramel Treat
* 4/5 kopi (200ml) whipped cream
* 1 kgabana (5ml) lero la sirilamunu
1. Brownies. Qhibidihisa tjhokoleiti le majarine. Di tlohele di fole mofuthung wa ntlo.
2. Kopanyetsa tswekere le mahe sejaneng. A fehle hanyane feela.
3. Fehla tjhokoleiti, o tshele metswako e setseng. Kopanya.
4. Kopanyetsa ho baking dish ya boholo ba 20x23x6cm. Baka ontong e seng e le mofuthung wa 160°C metsotso e 35. (Brownie di tlameha ho tloswa ontong di ntse di le mongobo.)
5. Di tlohele di fole, di kenye ho freezer bonyane hora.
6. Caramel Cream Frosting. Qhibidihisa tjhokoleiti sejaneng se bolokang mofuthu se metsing a beleng. Tshela Caramel Treat o ntse o fehla, tshela lebejana, lero la sirilamunu o kopanye. Tshela motswako ona ho di-brownies, o di sehe dikwere. Kgabisa ka ho rata ha hao.
Lamingtons
Nako ya ho lokisa: Hora
Nako ya baka: Metsotso e 35
E etsa tse: 36
Kuku
* 6 mahe a mofuthung wa ntlo
* 3/4 kopi (185ml) castor sugar
* 1 kopi (250ml) self-raising flour, e sefilweng
* 1/3 kopi (60ml) corn flour, e sefilweng
* 1/3 kopi (60ml) metsi a tjhesang
* 15g majarine, e qhibidihe
Icing
* 500g icing sugar
* 1/3 kopi (60ml) cocoa powder
* 15g majarine, melted
* 1/2 kopi (125ml) lebese
* 250g coconut
1. Kuku. Fehla mahe ho fihlela a kopana a ba lebejana. Tshela tswekere butle butle o ntse o fehla ho fihlela tswekere e qhibidiha. Tshela folouru.
2. Kopanyetsa metsi le majarine jekeng. Tshela hlama ya kuku, o kopanye.
3. Tshela motswako ho baking tin ya boholo ba 23cm e tlotsitsweng ka mafura. Baka ontong e seng e le mofuthung wa 180°C metsotso e 35.
4. E tshole o e fodise metsotso e 5 pele o e ntshetsa rakeng ya terata. Tlosa lehoho la kuku ka thipa mme o le sehe dikwere.
5. Icing. Sefela icing sugar le cocoa powder sejaneng se bolokang mofuthu.
6. Beha sejana metsing a belang, tshela majarine le lebese, fudhuha ho fihlela ho kopana. E tlose mofuthung.
7. Qopetsa makumane a kuku ho icing, o a pitikise ho coconut, o a tlohele rakeng ya terata hore a hwame.
Corn muffinS with tomato and onion topping
Nako ya ho lokisa: Metsotso e 20
Nako ya ho baka: Metsotso e 25
E etsa tse: 12
Muffins
* 3 dikgaba (45ml) tswekere
* 2 mahe a fehlwe
* 4/5 kopi (200ml) evaporated milk
* 2 dikgaba (30ml) oli
* 1 x 410g kotikoti poone
* 480g self-raising flour
* 1/2 kgabana (2,5ml) bicarbonate of soda
* bohashana ba letswai
* 100g kase e kereitilweng
* 1 kgabana (5ml) parsley, e kgabelwe
Topping
* 1 tamati e kgabelwe
* 1/2 eie e kgabelwe,
* 50g kase e kereitilweng
1. Kopanyetsa tswekere, mahe, lebese, oli le poone.
2. Sefela folouru, bicarbonate of soda le letswai. Se ka di kopanya haholo.
3. Tshela kase le parsley. Tshela motswako ho muffin tin.
4. Topping. Kopanyetsa metswako yohle sejaneng, tshela hodima di-muffin.
5. Baka ontong e seng e le mofuthung wa 180°C metsotso e 25-30 ho fihlela e ba sootho. E fodise rakeng ya terata
mme o e fepele e ntse e futhumetse. [s]
Bapalami ba emetseng tekesi, ba mathelang terene kapa yona bese ba ka thabela diseneke tsena tse latswehang
SEBEDISA NAKO, SE KA E SENYA
Karolo 2
Kgweding e fetileng re tsepamisitse maikutlo bohlokweng ba ho sebedisa nako dinthong tse molemo ho ena le tse seng molemo, ra sheba le mehato ya bohlokwa e robedi. Kgweding ena re sheba e meng e robedi.
1 O se o lokile, ha re qale! Ho rera ke ntho e hlokahalang molemong wa katleho. Ha re se re qadile, nako e tlameha ho tsamaya, o se ke wa ema tseleng. Ka mantswe a mang, bokeletsa tsohle pele o qala.
2 Nka bohato bo le bong ka nako. Leha o ka ba le dintho tse 101 tsa bohlokwa tseo o ka di etsang kajeno, empa o na le eo o tlamehang ho qala ka yona. Qeta eo pele mme o tswelepele le e latelang. Ho bobebe ha jwalo feela.
3 Etsa seo o se tsebang haholo mme o se etsisise. Bontsha bokgoni ba hao molemong wa hao le bomphato ba hao.
4 Ithute bokgoni bo botjha. Re hloka bokgoni bo botjha kgafetsa bo hlokahalang mesebetsing ya rona. Ho tla ba bobebe haeba o utlwisisa seo o se etsang mme o tla kgola molemo ka nako eo o tla e sebedisa moo.
5 Ke dife ditshitiso tse kgolo tse emang tseleng ya katleho ya hao? Di hlwaye mme o di qete. Ke dintho tse kang keletso, empa e bohlokwa. Re atisa ho tswelapele le mosebetsi wa rona wa kamehla ntle le ho sheba mekgwa ya ho e ntlafatsa. Emisa hanyane, sheba dintho tse o phatsamisang ho etsa mosebetsi wa hao ka botlalo mme o leke ho di tlosa.
6 Iphehe tlasa kgatello. Re atisa ho se ipehele tlasa kgatello hobane re batshwari ho rona ka sebele. Ho na le phapang pakeng tsa kgatello le mokgathala. Eba le motho eo o tlamehang ho tlaleha ho yena - motho eo o tlamehang ho ikarabela ho yena ka ditoro tsa hao. Ona ke ona mokgwa o bobebe wa ho beha kgatello ho wena e le hore o tle o kgone ho fihlela ditoro tsa hao.
7 Etsa hore nako ya hao e o tswele molemo. O a e tseba nako o ka sebetsang hantle ka yona. Ha o ka itlwaetsa ho etsa dintho tsa bohlokwa ka nako ena, o tla makatswa ke sephetho seo o tlang ho se fihlela.
8 Nka bohato. Nka bohato. Nka bohato. Tlohela ho nna o nahana ka yona, nka bohato. Jwalo ka ha letshwao la tsa dipapadi le bolela - etsa jwalo!
Lluwellyn Diedericks
