sotho.1116.bec feedback
Business Start-up Awards Finalists 2007
BONA SESOTHO - March 2008
Loetse: Vusumuzi Mngcete ke wa Bloemfontein o rekisa le hona ho lokisa disebediswa tsa motlakase. Vusumuzi o na le boiphihlelo ba dilemo tse fetang tse 15 indastering ena.
Hlakubele: Buyani Mbongwe o na le kgwebo ya dikgoho le ya ho pheha mane Seaview, Thekong. Ha jwale, o hlahisa le hona ho tsamaisa pampiri ya matlwana dikgwebong tse kgolo tse kang dikaratjhe, dihotele dikolo le dibaka tse ding tsa Thekong.
Pupjane: Valerie van Kramberg wa Midrand o na le spaza. O iphedisa ka ho rekisa dikotara tsa bohobe, bunny chow, ditjhips esitana le krosari.
Mmesa: Yolisa Gatyana ke monga spaza lapeng la hae mane Mdantsane Kapa Botjhabela. O se a qadile kgwebo ya ho rua dikgoho esitana le ho kadimisana ka tjhelete.
Phupu: Gladys Jonas ke wa Vosloorus. Ke yena mothehi wa educare centre. O ne a thehe Mpumelelo Phambili Educare Centre mohla la 08 Pherekgong, 1993 ka lebaka la leqeme la ditshebeletso setjhabeng.
Mphalane: Bheka Ntsele ke wa Pinetown yena o na le kgwebo ya dipalangwang le ya ho hatisa. Bheka ke titjhere. O ne a tlohele mosebetsi ka 2005 ho ya iqalla kgwebo ya hae. O ne a sebedise tjhelete ya hae ya penshene ho reka lori - kajeno o na le tse nne.
Pudungwana: Queen Hodi ke wa Naturena mme o na le kgwebo ya dipalangwang, ho pheha le ya ho hlwekisa. Khampane ya hae e sebedisana le tse ding tse ngata mmoho le dikhampane tse nyane le dintho tsa ka matlung. [s]
Motsheanong: Caroline Mabongola ke wa Mogale City. O na le kgwebo ya ho pheha. Caroline o qadile kgwebo ya hae ka 2004 mme o phehela manyalo, meketjana hape a boele a hirise ka dijana le masela a tafole. O a kgabisa a hirise ka ditafole le ditente.
Phato: John Gama wa Mogale City ke e mong wa bathehi ba Desire Tours & Travel. O qadile kgwebo ena ya bohahlaudi ka 2006, a ba a reka Toyota Quantum e ntjha ka sona selemo seo.
