sotho.2022.yourfood_fff
Di-pies le
di-sausage rolls
CHICKEN AND MUSHROOM OPEN PIES
Nako ya ho di lokisa: metsotso e 20 le e meng e 20 ya ho di fodisa
nako ya ho pheha: Nako e ka etsang hora
E ka fepela ba: 4
* 2 dikgaba (30ml) cooking oil
* 1 leek, e kgabetsweng
* 2-3 cloves garlic, e hlahlathilweng350g nama ya kgoho e ntshitsweng masapong e se nang letlalo, e kgabetsweng maqa a 2,5cm
* 200g button mushrooms, e kgabetsweng
* 3/5 kopi (150ml) cream
* 2 dikgaba (30ml) thyme e foreshe e hlahlathilweng
* letswai le ground black pepper500g puff pastry, e se nang lero
* folouru ya ho fafatsa
* 1 lehe, e fehlilweng
1. Hadika leek metsotso e 5. Tshela garlic, o hadike motsotso. Tshela nama, o hadike metsotso e 8-10. Tshela mushrooms, o phehe metsotso e mehlano, ho fihlela e etjha moro.
2. Tshela cream, o bedise. Pheha metsotso e 5 ho etsa sopho e reberebe. Tshela thyme, o noke. Ntshetsa sejaneng mme o tlohele hore e fole.
3. Letlapeng le fafaditsweng ka folouru, bidikisa hlama ho etsa sekwere se 33cm x 33cm. Seha dikotwana tse kgutlonne. Sidila ka metsi dihukung, Tshela motswako wa nama ka kgaba bohareng ba hlama ka nngwe. Hula dihuku ho di kwala. E kwale hantle, o bule lesobana le lenyenyane bohareng. Tlotsa pie ka lehe le fehlilweng, di behe hodima baking sheet, e batise hanyenyana ka sehatsetsing metsotso e 20.
4. Qala ka ho futhumetsa onto mofuthung wa 200°C. Baka di-pie metsotso e 30-40 ho fihlela e ba mmala wa kgauta.
Di a ratwa, ka hoo dumella BONA le Food For Fun And Funds di o bontshe ka moo o ka iketsetsang tjhelete ka tsona ka teng
CURRIED SAUSAGE ROLLS
Nako ya ho lokisa: metsotso e 25
Nako ya ho baka: metsotso e 30
E etsa tse: 16
* 450g puff pastry,
* 450g curried mince meat
* folouru ya ho fafatsa
* lebese la ho tlotsa
* lehe le fehlilweng
1. Beha onto ka mofuthung wa 220°C. Letlapeng le nang le folouru, ala hlama o etse sebopeho sa kgutlonne ya 40cm x 20cm. E sehe ka bolelele ho etsa dikotwana tse pedi.
2. Arola curried mince meat dikarolo tse pedi tse lakanang, e fafatse ka folouru. Ala karolo ka nngwe lehlakoreng la hlama ho ya ka bolele ba yona.
3. Tlotsa karolo ya hlama e setseng ka lebese hanyenyane, o phuthele ho kwaele nama. E sehe hantle mahlakoreng. O tla ba le di-sausage rolls tse pedi tsa 40cm bolelele.
4. Tlotsa hlama ka lehe. Seha rolo ka nngwe bolelele ba 5cm. E phatse hanyenyane ka hodimo, rolo ka nngwe.
5. E bake metsotso e 15. Fokotsa mofuthu, o be 180°C, o bake metsotso e meng e 15. E ntshetse ho wire rack hore e fole. E fepele e bata kapa e tjhesa. [s]
PALE YA KATLEHO
Kweke ya morao e tloha le sepolo - Rachel Moloi!
KA MESO ha ba bangata re sa ntse re kgakgathisa mahanana, Rachel Moloi wa Soweto o ebe a se a le tseleng e yang renkeng ya ditekesi. O ne a qale ka ho rekisetsa bapalami dipompong renkeng dilemong tse 10 tse fetileng. A hlokomela hore a ka hodisa kgwebo eo ya hae! O ne a batla ho kgotsofatsa bapalami ba lapileng ba fetang moo ba potlakile mme a ja masapo a hlooho: "Nka ba phehelang eo ba tla kgona ho e phamola ba tsamaye ba eja?"
Ke mona moo a ileng a nahana ka makwenya. Pele ho nako e kae, a tsejwa ka makwenya! A rekisa le kofi mme bapalami ba lapileng ba mo rata le ho feta.
Rachel o tshwere kgwebo ya hae hantle hona hoo a bileng a kgonneng ho lefella bana ba hae sekolong ka yona, a lokisa motse wa hae mme a ithekela le setofo se setjha le dietswa tse ding tsa ho duba le tse ka mo thusang ho bebofatsa mosebetsi kgwebong ena ya hae. Rachel o eletsa bohle ba batlang ho iqalla dikgwebo tsa bona ka hore? "Eba le maikemisetso ka seo o se etsang!"
Re romelle pale ka kgwebo ya hao, aterese ke: Food For Fun And Funds/BONA, Box 1610, Parklands, 2121. Email: foodforfun@caxton.co.za
DIKAROLO TSE THARO TSA RAKGWEBO YA ATLEHILENG
Ha re qale ka ho sheba ka moo batho ba bang ba etsang ka teng. Re holela lefatsheng leo re bolellwang hore lekunutu la katleho le itshetlehile ho Seo o nang le sona, Seo o se etsang, le Seo o tlang ho ba sona.
Re dutse re bolellwa hore re lokela ho ba le sena le sane pele re ka etsa dintho tse itseng pele re ka fihlela seo re se labalabelang. Ha re etsa mohlala: re dutse re nahana hore re lokela ho ba lehlohonolo kapa re be le menyetla e ikgethang pele re ka etsa dintho tse itseng tse ka re atlehisang.
Empa borakgwebo ba atlehileng ba tseba hantle hore ha se nnete. Ba ithutile metheo ya nnete ya katleho! Ka tjhebelopele ya seo o se batlang - o a kgothatseha ho etsa dintho tse tla o fihlisa maemong o a batlang. Latela mokgwa ona mme o bone phapang, "etsa phetoho ena eo o batlang ho e bona lefatsheng." Ke tsena tse tharo tse hlokahalang ho rakgwebo:
1 MONGA DIABO. Beng ba diabo ba na le tjheseho katlehong ya kgwebo. Hangata rona jwalo ka borakgwebo ha re nkehile ke lerato la dikgwebo tsa rona, ha re sa ipha nako ya ho kgutlela morao re shebisise maemo a tsona hantle.
Potso e ka re tswelang molemo mona ke ena: "Ha ke ne ke batla ho etsa matsete a tjhelete ya ka, na ke ne nka a etsang kgwebo ee?" Mohla ke neng ke ipotsa potso ena, ke ne ke ikarabe ka hore "Tjhe" mme ka tlameha ho etsa diphetoho tse kgolo pele kgwebo eo e fihlella maemong a nkgotsofatsang jwalo ka monga diabo.
2MOLAODI. Boikarabelo ba hae ke ho bopa setshwantsho se seholo sa kgwebo. Ba bakae bareki bao o batlang ho ba le bona, ke dife dietswa tseo o tla di hlahisa, o etse phaello e kae? Empa ho seta maemo ao o batlang ho a fihlella ke halofo feela ya boikarabelo ba molaodi, halofo e nngwe ke ya ho rwala boikarabelo. Hangata borakgwebo ba rata ho balehela sena, ba behe mabaka a etsang hore ba nne ba behelle ka thoko dintho tsa bohlokwa. Ha re se re sa fihlelle maemo ao re neng re a batla, re imakatse.
Re lokela ho ba le boikarabelo ba sephetho seo re se batlang. Re itshwere mesebetsing ya rona, ha ho motho eo re ka llang ka yena ha dintho di senyeha.
3 MOOKAMEDI. Ke mona moo re lokelang ho nka boikarabelo ba mosebetsi wa letstasi le letsatsi. Hona ho ka kenyeletsa le ho otora dietswa, ho netefatsa hore dihlahiswa eba tsa boleng, di rekiswa hantle le ho latela ditjhelete tsa khampane hantle ho bona hore di lefilwe hantle kapa tjhe esitana le ho netefatsa hore basebetsi ba dule ba thabile.
Shebisisa kgwebo ya hao, o netefatse hore tsena tse tharo di eme hantle mme ha ke na pelaelo hore o tla kgona ho bona moo mathata a leng teng mme o a emele ka maoto.
Lluwellyn Diedericks
