sotho.1794.BEC feedback (2)
O tlile ka sekgahla...
BONA SESOTHO - September 2006
SEVENTEEN East ke lebenkele la feshene le bokgabane la Nhlanhla Thobakgale le Thembi Sikhosana. Ho lona ba rekisa diaparo tsa basadi tsa ho ya dikopanong, tsa manyalo esitana le tsa ho robala. Ho se ho se ho kae ba kenye le tsa banna tsa ho ya dikopanong.
Seventeen East e thehile menyetla ya mosebetsi ka ho hira batho ba nang le bokgoni ba tswang dibakeng tse futsanehileng.
KA HODIMO: CEO ya Black Like Me, Connie Mashaba o ne a kgahlwe ke mose o neng o akantswe ke Nhlanhla Tobakgale wa Seventeen East, (ka hodimo ho le letshehadi) eo a neng a mo memetse ho tla mo akanyetsa mose wa Miss Black Like Me e motjha e leng se bontshang molemo wa ho ikgokahanya le ba bang mona dikopanong tsa Bona Empowerment!
KA HODIMO: Mohaladitwe wa sebontshi se sa leng senyane, se bontsha ka o mong wa mesebetsi e makgethe ya Seventeen East o neng o thoholetswe haholo ke babohi.
Taste the Soul of Africa... Taste Success with Mageu Number 1
Dikgau tse bitswang The Mageu Number 1 Small Business Awards di reretswe ho kgothatsa, ho putsa le hona ho bapatsa dikgwebo tse nyane babading ba BONA. Tlhodisano ena e tla nka dikgwedi tse 12 ho tloha ka Mphalane 2005 ho ya ho Mphalane 2006. Ba fihleletseng ho makgaolakgang kgweding ka nngwe ba tla phatlalatswa ho BONA.
Bahlodi ba tla phatlalatswa moketeng wa mabenyane mane Johannesburg ka Pudungwana 2006.
Se lebale ho kgorametsa bonyane barcode e le nngwe ya Mageu Number 1 kenelong ya hao ka nngwe mmoho le dintlha tsa hao.
O tla tlameha hape ho kenya le dintlha tsa kgwebo tse kang, boholo, sebaka, o hlalose hore ke ya mofuta o fe - o rekisa dijo kapa ke spaza, jwalo jwalo"
Dintlha tse ding mmoho le ditlankana tsa ho kenela di a fumaneha ho Website:
www.empowermentclub.co.za
Ho romellwa yona ka fekese letsetsa Wellington ho 011-883-8829 (dihoreng tsa mosebetsi) [s]
...motse wa feshene
BONA SESOTHO - September 2006
